Is 17:2 - Chuj San Sebastian Bible

² Ax jun tzo'n̈ chon̈b' 'a Aroer, 'oj can eb' 'a cusltacl 'a jun 'ejmn̈ej. 'Oj 'ochcn swalab'oc no cajb'en noc'. 'Oj wa e no noc' chi 'a tzaljc'ojlal ta', man̈x 'a tas 'oj xib'tn eb'.

Chuj San Mateo Bible

² A juntzan̈ chon̈ab' d'a stz'eytac Aroer, ol can tz'inan d'a juneln̈ej, ol ochcan svalab'oc noc' molb'etzal noc'. Junc'olal ol va noc' ta'.

Is 17:2 Iomraidhean Croise

Job 11:19

'Oj elj 'a tzaljc'ojlal, man̈x 'a mach 'oj a xib'tni. Til pax wal eb' 'anma 'oj jawc 'ayach, ax yoch eb' a wach'c'ojloc.

Is 27:10

A jun chon̈b' to caw wach' yaj sb'o'i, c'uxn 'ix lan̈chj 'ejmi, 'icha junc n̈a man̈x 'a yajal, 'icha pax 'aj may 'anma', cusltac xoj yilxi. Swalab' xoj no noc' 'oj 'ajcni, c'uxn 'oj laj sc'uxcn 'ejm no sc'ab' te te', ax yem pun̈n e no yilj 'a yich te'.

Is 5:17

A eb' lum chon̈b' 'oj sat 'ejm cha, swalab' calnelu, swalab' chiwo xoj 'oj 'ajcn eb' lu'um.

Is 7:21

A 'a jun tiempoal cha, a mach 'oj cajn junc snun swacax mto chawn̈oc snun scalnelu,

Is 7:22

caw wal 'oj yac' sobra slech no', ax laj sb'on sc'ux queso. A smasnil eb' 'oj colchjoc 'a scal owal, 'oj wa eb' yet' queso cha, ax yu'n eb' yal chab'.

Jeremías 48:19

Ex 'aj chon̈b' Aroer, 'ochn̈ec lin̈n 'a stitc b'e, tzlajw cha, tzeyilni. C'anb'jec eyab' 'a eb' 'aj Dibón 'ix cant cani, yuj jantc tas 'ix uji.

Jeremías 7:33

A sniwnal eb' 'anma 'oj cham 'a jun chon̈b' tic, 'oj 'och schib'joc no 'usej, yet' no calte'al noc'. Man̈x 'a mach 'oj xib'tnoc 'el no 'a eb'.

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.

Ez 39:26

An 'oj in molb'tzoc cot eb' 'a jun tzo'n̈ nacion̈ 'ajc'ojl yajch 'a eb' cha. Ax scanx cajn eb' 'a sat slum 'a tzaljc'ojlal, man̈x 'a mach 'oj xib'tnoc eb'. 'Ixta wal 'oj wutc in ch'oxni to cojn in ton Dios in. Til wal jun tzo'n̈ xo nacion̈ 'oj 'ilnoc jun cha. 'Ixta to b'i'an, ax yecn q'uixwc sb'a eb' israel yuj stenmtacl x'och 'ayin.

Miqueas 4:4

Yuj cha, smasnil 'anma', 'oj can eb' 'a tzaljc'ojlal. Junjn mach 'oj stac' yilj 'a yen̈l yich te uva 'awb'il yu'uj, yet' pax 'a yich te higo. A Jehová tztac' yuj smasnil, a 'ix 'a'n can sti 'a jun tic.

Sofonías 2:6

A jun chon̈b' 'ay 'a sti a mar cha, 'oj 'ochcn swalab'oc no cajb'en noc'. Ata 'oj sb'o chan̈ eb' 'ilm calnelu spat, yet' scol-l scalnelu eb', xchi Dios.

Nm 32:34

Yuj cha, 'ix sb'on pax chan̈ eb' yin̈tl Gad chon̈b' Dibón, Atarot, Aroer, Atarot-Sofán, Jazer, Jogbeha, Bet-nimra yet' Bet-arán. Sb'on 'och eb' smuroal, sb'on pax eb' scol-l scalnelu cha.

Dt 2:36

'Ix 'el yich qui satnec 'el eb' 'a lum chon̈b' Aroer, lum 'ay 'a span̈nil sti a Arnón, masnto on̈ jawc 'a Galaad. May xon junc eb' chon̈b' chi stac' scoln sb'a 'ayn̈ec; yujto a Jehová qui Diosalec, a 'ix 'a'n eb' 'a yol qui c'ab'ec.

Dt 3:12

'Ix yaln pax Moisés 'ixtic: A lum lum xquijec 'ec' 'a eb' 'anma 'a jun tiempoal cha, 'ix wa'cn lum 'a eb' yin̈tl Rubén yet' 'a eb' yin̈tl Gad. Smasnil lum 'ay 'a yol yic Aroer, yet' lum 'ay 'a sti a Arnón, masnto tzq'ue'ch 'a spacl lum stzalnil Galaad, 'ix can lum 'a eb', yet' jun tzo'n̈ chon̈b' cha.

Josué 13:16

Tz'atn̈j slum eb' chi 'a Aroer, tz'ec' 'a sti a a Arnón, yet' pax jun chon̈b' 'ayc' 'a spacl snan̈l span̈nil sti a cha, yet' smasnil lum ya'lical Medeba, masnto tzc'och 'a Hesbón yet' smasnil jun tzo'n̈ chon̈b' 'ay 'a span̈nil cha: Atn Dibón, Bamot-baal, Bet-baal-meón, Jahaza, Cademot, Mefaat, Quiriataim, Sibma, Zaret-sahar, jun 'ay 'a stzalnil lum pan̈n cha, Bet-peor, Bet-jesimot, yet' lum spa'ctacl Pisga.

Josué 13:25

A jun tzo'n̈ slum eb' chi xyijcani, atn Jazer, yet' smasnil jun tzo'n̈ chon̈b' Galaad, yet' spacl xo lum yic eb' amonita, masnto tzc'och 'a Aroer, jun 'ay 'a yojltac 'at Rabá.