Is 17:10 - Chuj San Sebastian Bible

¹⁰ Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Chuj San Mateo Bible

¹⁰ Yujto ix b'at co Diosal satc'olal eyuuj, aton Jun coljinac on̈, maxtzac e nacoti tato a d'ay co colnac co b'a. Yuj chi' vach'chom tzeyavej juntzan̈ te' eyavb'en te' vach', te' tzeyic'cot d'a ch'oc nacional,

Is 17:10 Iomraidhean Croise

1 Cr 16:35

Calc 'a 'ixtic: Mamin Jehová, qui Diosal ach, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.

Salmos 106:13

Palta yajn̈j wal cha, 'ix satx sc'ojl eb' 'a tas xa b'o 'a eb', ma'ix stan̈wj eb' yila', tas wal a nab'en 'a yib'n̈ eb'.

Salmos 106:21

'Ix ya'n sat eb' sc'ojl 'aych Mamin, palta to colwjum aj 'a eb', til wal tas satjub'tac xa b'o 'a Egipto yuj eb'.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Salmos 31:2

Chaj ab' tas tzwala, caw coln muc'uc, wojtac to 'icha in n̈aq'uen aji, in cuartel ach, a 'aych tzin col in b'a.

Salmos 65:5

Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.

Salmos 79:9

Ach qui Diosal on̈, qui Colmal aji, colwjan̈ quet' on̈, tza'n lajwc qui mul on̈, sec matz b'uchx a b'i.

Salmos 85:4

Ach qui Diosal on̈, qui Colmal aji, colwjan̈ pax quet' jun 'ejm xo on̈. 'Ij 'och wan yowl a c'ojl 'a quib'n̈ on̈.

Salmos 9:17

A eb' cha, yet' eb' tzyac' sat sc'ojl 'ayach, 'oj 'atcn eb' 'a chamel.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 17:9

A 'a jun c'u cha, a jun tzo'n̈ chon̈b' caw wach' yajch smuroal, 'oj can eb' 'a cusltaquil, 'oj 'actx can eb' sch'ocoj, 'icha 'ajnc scan schon̈b' eb' heveo yet' eb' amorreo yuj eb' quit israelal 'a pecti'.

Is 18:5

A yic wan xo spucl snich te uva, tzcheclj can te sat cha, a yic mantzac molx chan̈ sat te 'awb'ente cha, ata 'oj lajwc 'el eb' 'aj Etiopía. 'Icha tz'aj slot'x 'el sc'ab' te snun uva yet' texlex, tzlaj lot'x can 'eli, tzsi'x can monto 'a yet'ul, 'ixta 'oj 'aj eb' 'anma cha.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Is 30:29

Palta ax xo pax tic, to 'oj e b'itni, 'icha 'a yic 'aych q'uin̈ yic snanb'il yelt eb' quit israelal 'a libre, caw tzaljc'ojlal eyico', 'aych b'it yet' 'amay yic tzex 'at 'a lum tzaln yic Jehová, atn qui Colmal an̈ israel on̈c tic.

Is 33:2

Mamin Jehová, 'o'ch cab' wal a c'ojl 'ayn̈ on̈, caw tan̈b'ilch cuj on̈, 'ochn̈ quet' 'a junjn c'u yic 'ay qui yailal on̈, coln̈ 'el on̈.

Is 44:8

Man̈ex xiwoc, te'n tzeyutj e b'a, ax tic in testigo ex, to waljnac jun tic 'ayx 'a yictax pecti'. ¿Tom 'ay junc xo dios, mto 'ay junc xo colwjum? Cojxn In Toni, may junc xo mach wojtac, xchi Dios.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Jeremías 12:13

'Ix yawj eb' in chon̈b' 'ixm trigo, ax te q'uix xpa'chan̈ sjelc 'ixim, nab'an̈ej xmunlj eb'. Caw xlajw 'ejm yawb'en eb', q'uixwc'ojlal xoj tz'ec' eb' yuj jab' sat yawb'en tzlaj smolb'tzoc. Yuj ton wal yowl in c'ojl 'a yib'n̈ eb', 'ixta x'aj eb', xchi Dios.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Jeremías 3:21

Tz'ab'x jun tzo'n̈ 'aw tz'och 'a lum tzalctac to caw cusltac, a eb' israel tz'el yaw yoq'ui, tzc'ann eb' colwal. 'Ix 'elcn eb' 'a jun b'e yic tojlal. 'Ix sat sc'ojl eb' 'ayn an Jehová sDiosal in eb' tic.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Ez 23:35

Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Jl 1:17

A 'ixm 'in̈at, ton̈j xc'a 'ixm 'a yol lu'um, yuj cha, man̈x 'a 'ixm trigo. Ax jun tzo'n̈ sc'un̈ail, wan laj slan̈chj 'ejmi yujto man̈x 'a tas 'ay 'a yojol, man̈x 'a pax n̈ab'.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Lv 26:20

Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Sofonías 1:13

Yuj cha, a smasnil sricoal eb', 'oj 'ijxoc 'eq'ui, ax sma'x lan̈chjoc can yatut eb'. 'Oj cob' sb'o chan̈ eb' yatut, palta man̈xtoc a eb' 'oj cajnoc. 'Ojt cob' yawc eb' te uva, palta man̈xtoc a eb' 'oj 'u'nc yalil te', xchi Dios.

Dt 28:30

'Oj eyac' e ti cob' e nupn yet' junc 'ix 'ix, palta chucx win 'oj way yet' 'ix. 'Oj cob' e b'o eyatut, palta ma'oj e caja'. 'Oj cob' e b'o e munljel, palta ma'oj e c'ux sat eyawb'en cha.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Dt 32:18

Ex wit israelal, 'oj eyac' sat e c'ojl 'a qui Mam, atn jun qui Colmalec yaji. 'Oj eyac' sat e c'ojl 'a Jehová qui Diosalec 'ix 'a'n qui q'uinlec.

Dt 32:31

Caw wal yojc eb' 'ajc'ojl cha, to a scolmal eb', matz tac' slajb'tzan sb'a yet' qui Colmal.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Dt 6:12

A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 8:11

Caw wal tzeyil e b'a, man̈ eyac' sat e c'ojl 'a Jehová qui Diosalec. Yowlal tzeyiclj schecnb'il, sley yet' jun tzo'n̈ cuynb'il tzwalcn 'ayx tic.

Dt 8:14

man̈ e b'an̈ e b'a yet'oc. Xeya't wal sat e c'ojl 'a Jehová qui Diosalec, atn jun on̈ 'i'nec 'elt 'a Egipto, 'a 'aj 'ayn̈ec 'och mosoal.

Dt 8:19

Palta toto tzeyac' sat e c'ojl 'a Jehová qui Diosalec, tzex 'och tza'n yuj jun tzo'n̈ tzalx 'och diosal, tzeya'n 'e'jm e b'a 'a 'a, toto 'ixta 'oj eyutc e b'a, 'a jun rato tic tzwaln cani, to 'oj ex satl Jehová e masnil.