Is 17:1 - Chuj San Sebastian Bible

¹ Atn jun tzo'n̈ paxti tic 'ix alx can 'el 'a yib'n̈ chon̈b' Damasco: A Damasco, man̈x chon̈b'oc, palta to cojxn yet'l checl 'oj 'ajcn chan̈ b'ulan.

Chuj San Mateo Bible

¹ Aton juntzan̈ lolonel tic alb'ilcan d'a yib'an̈ chon̈ab' Damasco: A chon̈ab' Damasco, man̈xo chon̈ab'oc ol ajcanoc. Axon̈ej sc'ajil ol q'uecan b'ulan.

Is 17:1 Iomraidhean Croise

Gn 14:15

Ax 'a yic 'ac'wal, 'ix spojn 'at Abram smasnil eb' winc ajun yet' cha, 'ix ya'n eb' owl yet' chan̈wn̈ eb' rey cha. 'Ix pechx 'at eb' yuj eb', masnto 'a Hoba. A jun lugar cha, ata 'ay 'a yojltac 'at Damasco.

Gn 15:2

'Ix ta'w Abram 'ixtic: —Ach Wajlil Jehová, ¿tas wal yopiso jun spac chi wu'uj? Ojc wal si'mb'il to may xon junc wunnal 'ix ac' 'a yic tzyica'an tas 'ay 'ayin. Yuj cha, a mach 'oj 'ica'anc can tas 'ay 'ayin, atn win in checb' Eliezer 'aj Damasco, xchi.

A Ch'an̈ B'ab'el Libro Yic Yab'ixal Eb' Rey 11:24

'A yaln̈taxi, yic xlajw smiln cham David smasnil eb' soldado 'aj Sobá, 'ix smolb'tzan Rezón chi jun tzo'n̈ eb' 'elc'um. Xlajw cha, x'och win syajlilc eb', yic tz'och eb' 'ajc'ojlal 'a Salomón cha. Xlajw cha, 'ix 'at eb' 'a Damasco, axta xcan cajn eb' ta'. 'Ix ya'n 'och eb' Rezón chi sreyloc chon̈b' Damasco cha.

A Ch'an̈ Schab'il Libro Yic Yab'ixal Eb' Rey 16:9

'Ix syiclj sreyl chon̈b' Asiria sb'on tas 'ix yala, 'ix jaw yet' eb' soldado wul yac' 'owl yet' Damasco, 'ix smiln pax eb' win Rezin sreyl jun chon̈b' cha. Xyi'n 'at eb' soldado chi eb' 'anma cajn 'a jun chon̈b' cha, 'ix c'och eb' 'a chon̈b' Kir.

1 Cr 18:5

'Ix jaw eb' soldado sirio 'aj Damasco colwjoc yet' Hadad-ezer cha, palta xmilx cham 22 mil eb' yuj David yet' soldado.

2 Cr 28:23

'Ix yac' xajmb'al 'a jun tzo'n̈ scomn diosal eb' 'aj Damasco, yujto x'ajx ganar yuj eb'. Xyaln cob' 'ixtic: A jun tzo'n̈ sdiosal eb' sirio tzcolwj 'a eb' sreyal, an̈jtona 'in, 'oj wac' in xajmb'al 'a jun tzo'n̈ sdiosal eb' cha, sec wach' 'oj colwjc pax eb' 'ayin, xchi Acaz. 'Ixtnta x'aj swach' cot 'a yib'n̈ yet' smasnil eb' yit chon̈ab'.

2 Cr 28:5

Yuj wal cha, 'ix 'ajx 'och yuj Jehová sDiosal 'a yol sc'ab' sreyl Siria. Caw niwn sb'isl eb' 'aj Judá xyij 'at eb' sirio 'a 'icha presoal 'a Damasco. An̈jtona', xya'n pax 'och Jehová eb' 'aj Judá chi 'a yol sc'ab' sreyl chon̈b' Israel, yuj cha, caw niwn eb' xchami.

Is 10:9

Lajn wutjnac can chon̈b' Calno yet' Carquemis, 'ixta pax wutjnac chon̈b' Hamat yet' Arfad, an̈jtona' lajn pax wutjnac Samaria yet' Damasco.

Is 13:1

'Aycto yaln can Dios 'a win Isaías, win yunnal Amoz, tas jun tzo'n̈ 'oj jawc 'a yib'n̈ chon̈b' Babilonia, yic yaln 'a win 'ixtic:

Is 15:1

A jun tzo'n̈ paxti tic 'ix alx can 'el 'a yib'n̈ eb' 'aj Moab: A 'a jun 'ac'wl 'aj 'oj satl chon̈b' Ar yet' jun 'ac'wl 'aj 'oj satl chon̈b' Kir 'a yol yic Moab, a yic cha, 'icha wal to a Moab chi tzsatli; caw 'oj can 'a sictaquil.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Is 25:2

'Icha wal junc b'ulc q'uen q'ue'en, 'ixta x'ajcn jun tzo'n̈ chon̈b' o'oj. A jun tzo'n̈ chon̈b' caw wach' yajch yipnub'al, a 'ix lan̈chj 'ejmi. 'Ix a ma'n pax lan̈chjoc sdespacho eb' 'ajc'ojl yajch 'ayon̈, man̈x 'a b'a'n̈ 'oj b'ox chan̈ jun 'ejm xo.

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 7:16

A 'a yic mantzac 'och snab'en jun 'unn cha, a chawn̈ rey yet' chab' chon̈b' 'aj wan a xiw tic, 'oj can eb' 'a sictaquil.

Is 7:8

Yujto a chon̈b' Damasco, a sat yaj yuj eb' 'aj Siria, ax win Rezín a win rey 'a Damasco cha; a Samaria, a sat yaj 'a schon̈b' eb' yic Efraín, ax win yunnal Remalías, a win rey yaj 'a Samaria cha. Palta yic wal 65 ab'il, ax slajw 'ejm schon̈b' eb' yic Efraín, man̈x nacion̈oc ta'. 'Ixta pax 'oj eyaji, toto ma'oj in eya'ch yipc e c'ojol, ma'oj e te'nb'i 'a yol e chon̈ab', xchi Dios, xchi Isaías.

Is 8:4

Yujto a yic mantzac yal win 'unn tic mamin, nunin, a yic cha, a chon̈b' Damasco yet' chon̈b' Samaria, 'oj wul 'ijxoc 'ec' smasnil sricoal eb' yuj win sreyl Asiria, xchi Dios.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Miqueas 1:6

Yuj ton wal cha, tzyaln Jehová 'ixtic: 'Oj wac' lan̈chjoc 'ejm chon̈b' Samaria, toxn̈ej 'oj q'uecn b'uln sc'axpil. Sec 'oj 'ajcn yet'l 'icha 'aj wach' yawx te uva. At 'a lum pan̈ctac, atta 'oj in julcn 'at sq'uenal jun chon̈b' tic, ax scheclj can q'uet stzatzl yich.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Zacarías 9:1

Atn jun tzo'n̈ paxti tic 'ix yalcn 'el Jehová, chajtlto 'oj ya' cot yailal 'a yol yic lum Hadrac yet' 'a yib'n̈ niwquil chon̈b' Damasco. Man̈ocn̈ej smasnil eb' yin̈tl Israel tzmaclj Dios yila', palta tzmaclj pax yil smasnil eb' chuc nacion̈al.

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.