Is 16:3 - Chuj San Sebastian Bible

³ Ax yaln eb' 'ixtc 'a eb' 'aj Sión: Na'ec tas tzon̈ eyutj on̈ e colni, ax tzex 'och qui colmalc on̈. 'Icha junc te 'ay yen̈l 'a chimc'ual, 'ixta cab' tzeyutj on̈ e c'ub'n 'el 'a eyen̈ul. 'Icha tzyac' junc tas 'a 'ac'wal, man̈ checloc, 'ixta tzon̈ eyutj an̈ tzon̈ 'atcn 'elc tic on̈, man̈ on̈ e ch'ox on̈.

Chuj San Mateo Bible

³ Ol yalan eb' aj Moab chi' d'a eb' aj Sion icha tic: Naec tas tzeyutej on̈ e colani. A exxo tzex och co columaloc, icha junoc te te' ay yen̈ul d'a chimc'ualil, ichocab' ta' tzeyutej on̈ e c'ub'anel d'a eyen̈ul. Icha junoc tas d'ac'valil, man̈ chequeloc, icha chi' tzon̈ eyutej a on̈ van co b'at elelal tic, man̈ on̈ e ch'oxo'.

Is 16:3 Iomraidhean Croise

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 56:8

An Jehová in, an tzwala to 'oj in molb'tzoc paxt eb' israel 'aycn 'at 'icha presoal 'a jun tzo'n̈ chuc chon̈b'al. 'Oj wi' cot pax jun tzo'n̈ xo 'anma yet' eb' yic junxn̈ej tz'ajcn eb' yet' eb' in chon̈b' 'oj in molb'tzoc cha, xchi Dios.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

Mt 25:35

Yujto a yic yoch in wejel, eya'jnacn wa'oc; yic yoch pax in tacn̈ti'al, eya'jnac tas xwuq'uej, yic in b'eyc' 'icha junc b'eymal 'anma', eya'jnac in posada.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

Jueces 9:15

Xta'w te snun q'uix chi 'ixtic: Toto yel tzeyala to tze nib'j tzin 'och e reyloc, cotn̈ec, c'ub'jec 'el e b'a 'a yaln̈ wen̈ul. Toto matz e nib'j an tzin 'och e reyloc jun, 'elt cab' n̈iln̈joc c'ac' 'ayin, ax stz'acn eb' te c'ute 'a Líbano wu'uj, xchi te'.