Is 16:2 - Chuj San Sebastian Bible

² Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.

Chuj San Mateo Bible

² A eb' ix aj Moab, tz'ec' lemnaj eb' ix d'a a' Arnón. Icha noc' much tz'el lemnaj d'a so' yuj xivelal, icha chi' yaj eb' ix.

Is 16:2 Iomraidhean Croise

A Ch'an̈ Schab'il Libro Yic Yab'ixal Eb' Rey 3:4

A win Mesá sreyl Moab, cajm calnelu win yet' smasnil eb' 'anma cajn 'a jun chon̈b' cha. Yowlal tzyac' win stojlb'al 'a win sreyl chon̈b' Israel, 100 mil no quelm calnelu, yet' slanail 100 mil no mam calnelu tzyac' a' junjn ab'il.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Pr 27:8

A win winc tz'actn can yatut yet' yunnal, lajn wal win 'icha junc no ch'ic tzyactj can so yet' yune'.

Is 13:14

Ax eb' chuc chon̈b'al cajn 'a Babilonia cha, lajn 'oj yutc sb'a eb' 'icha no c'ultquil chej tzpechxi, mto 'icha no calnelu man̈x 'a yilmal, tzpuccn 'at no'. 'Ixta 'oj yutc sb'a eb'. Junjn mach 'oj paxcn 'a schon̈ab', mto 'a slum 'aj 'ay.

Jeremías 48:20

A wal Moab, caw q'uixwc'ojlal xoj yaji, 'aych 'a xiwc'ojlal. 'O'n̈ec yuj syailal. Alc 'el 'a stitc 'a niwn a Arnón, chajtlto a Moab, tox 'ix lajw 'ejmi, xchi Dios.

Jeremías 48:46

'Oltacx wal ex 'aj Moab, schon̈b' ex Quemos, caw ex sat 'ejmi. A wal eb' eyunnal, yet' eb' 'ix eyisil, tox 'ix 'ijx 'at eb' 'icha presoal.

Jeremías 48:9

'Icha to 'oj 'och sc'axl eb' 'aj Moab, yic tz'at eb' 'eloc. A wal smasnil eb' chon̈b' 'ay 'a yol smacb'en, caw 'oj lajwc 'ejm eb'. Man̈x 'a junc mach 'oj can cajn 'a 'a, xchi Dios.

Nm 21:29

'Oltacx wal ax tic 'aj Moab, ex lajw 'eli, schon̈b' ex cob' dios Quemos. A jun e diosal cha, ma'ix stac' scolwji, 'ix 'at eb' e soldado 'eloc, ax smasnil eb' 'ix 'ix, 'ix can eb' 'ix 'a yol sc'ab' rey Sehón.

Dt 2:36

'Ix 'el yich qui satnec 'el eb' 'a lum chon̈b' Aroer, lum 'ay 'a span̈nil sti a Arnón, masnto on̈ jawc 'a Galaad. May xon junc eb' chon̈b' chi stac' scoln sb'a 'ayn̈ec; yujto a Jehová qui Diosalec, a 'ix 'a'n eb' 'a yol qui c'ab'ec.

Dt 3:12

'Ix yaln pax Moisés 'ixtic: A lum lum xquijec 'ec' 'a eb' 'anma 'a jun tiempoal cha, 'ix wa'cn lum 'a eb' yin̈tl Rubén yet' 'a eb' yin̈tl Gad. Smasnil lum 'ay 'a yol yic Aroer, yet' lum 'ay 'a sti a Arnón, masnto tzq'ue'ch 'a spacl lum stzalnil Galaad, 'ix can lum 'a eb', yet' jun tzo'n̈ chon̈b' cha.

Dt 3:8

'Ixta wal 'ix 'aj lum slum eb' amorreo scan 'a yol qui c'ab'c 'a jun tiempoal cha, atn lum 'ay 'a sti a Jordán, 'a stojlal 'aj tzq'uel c'u. Tz'atn̈j 'a sti a Arnón masnto tzc'och 'a lum stzalnil Hermón.

Josué 13:16

Tz'atn̈j slum eb' chi 'a Aroer, tz'ec' 'a sti a a Arnón, yet' pax jun chon̈b' 'ayc' 'a spacl snan̈l span̈nil sti a cha, yet' smasnil lum ya'lical Medeba, masnto tzc'och 'a Hesbón yet' smasnil jun tzo'n̈ chon̈b' 'ay 'a span̈nil cha: Atn Dibón, Bamot-baal, Bet-baal-meón, Jahaza, Cademot, Mefaat, Quiriataim, Sibma, Zaret-sahar, jun 'ay 'a stzalnil lum pan̈n cha, Bet-peor, Bet-jesimot, yet' lum spa'ctacl Pisga.

Jueces 11:18

Xlajw cha, on̈ laj oyy 'ec' 'a lum cusltac lu'um. C'uxn xcoymtej sti slum eb' 'aj Edom yet' lum yic eb' 'aj Moab, masnto on̈ jaw 'a stojlal 'aj tzq'uel c'u 'a Moab cha. Axta 'on̈ 'och wa'an, on̈ can 'a sc'axpil 'ec' sti a Arnón, ma'on̈ c'axw 'e't 'a 'a. Yujto ata tz'el yich smacb'en Moab.