Is 16:14 - Chuj San Sebastian Bible

¹⁴ Ax ticnec, tzyaln pax 'ixtic: Yab'm wal 'oxab', 'icha wal sb'isn junc munljum jantc xo tiempo smunlji, 'ixta wal sb'isx sc'ul slajw 'ejm tas 'ay 'a eb' 'aj Moab. Til wal 'anma 'oj satli; jaywn̈ xoj eb' 'oj canoc, man̈x 'a yip eb' scoln sb'a 'a owal, xchi Dios.

Chuj San Mateo Bible

¹⁴ Axo ticnaic syal Jehová icha tic: Yic val oxe' ab'il ticnaic, icha tz'aj sb'isan junoc munlajvum stiempoal smunlaji, icha chi' ol aj satel sb'eyumal Moab. Vach'chom tzijtum eb' ticnaic, palta junxon̈ej b'otzan̈ ol ajcan eb'. Ol paticajel eb', te man̈xalaj yip eb' b'aj ol scol sb'a, xchi Jehová.

Is 16:14 Iomraidhean Croise

Gn 31:1

Ax xyab'n win Jacob to a ewin yunnal win Labán, wan yaln 'el ewin 'ixtic: Yujn̈ej smasnil tas xyij 'ec' Jacob 'a qui mam, yuj cha, rico ticnec, xchi ewinac.

Ester 5:11

'Ix syamn 'och sb'an̈n sb'a 'a sat eb', yujto caw wal rico win si'mb'il, caw niwn pax yunnal winac. 'Ix yaln paxi to 'ix si'x 'elt yuj win rey 'a scal jun tzo'n̈ xo eb' 'aych yajlil yet'oc, 'ix 'ajx 'och wal yopiso sat yajlil 'a yib'n̈ jun tzo'n̈ xo eb' cha.

Job 14:6

'Ij 'el a sat 'ayin sec tzin can 'a junc'ojlal, ya' sb'a tzlajw c'och in q'uinl 'icha junc mach tzmunlj 'a junjn c'u.

Job 7:1

An̈ 'anman̈ cajn on̈ 'a sat lum tic, lajn wal cab'n syal 'icha junc soldado mto 'icha junc 'anma 'aych mosoal 'a spatron̈.

Is 11:14

'Oj yi' chan̈ sb'a eb' schac'ajil, ax 'at ya'nc eb' owl yet' eb' filisteo 'ay 'a stojlal 'aj tz'em c'u. 'Oj 'em eb' filisteo chi yuj eb'. Ax smol 'i'n 'ec' eb' smasnil tas 'ay 'a eb' 'anma 'ay 'a stojlal 'aj tzq'uel c'u. 'Oj c'och yi'n 'ec' eb' lum lum chi 'a chon̈b' Edom yet' lum chon̈b' Moab, ax ya'n eb' yajlil 'a yib'n̈ eb' 'aj Amón.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Is 16:13

Atn jun tzo'n̈ tic yaljnac can Jehová 'a yib'n̈ Moab 'a pecti'.

Is 17:4

A 'a jun tiempoal cha, a tas 'i'n tzb'an̈ sb'a eb' yin̈tl Jacob, 'oj 'ijxoc 'ec' 'a eb', ax sat 'ejm smasnil tas 'ay 'a 'a.

Is 21:16

'Ix yaln Jehová 'ayn 'ixtic: Yab'n 'ixtc junab', 'icha wal junc munljum tzb'isa jantc xo tiempo smunlji, 'ixta wal sb'isx sc'ual yic 'oj lajwc 'ejm sb'inab'ilal chon̈b' Cedar.

Is 23:9

A Jehová tztac' yuj smasnil, a 'ix nani, yic tz'ijx 'ejm smasnil eb' tzb'an̈ sb'a, eb' jeln tzyutj sb'a 'a sat lum tic.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 25:11

'Icha to 'oj cob' sjen̈l Moab chi sc'ab', 'icha tz'ajl jen̈n sc'ab' junc mach tznoxwi, wach'xam 'oj cob' to yac' wal yip, palta 'oj sat 'ejm sb'an̈jb'al chi yuj Dios.

Is 7:16

A 'a yic mantzac 'och snab'en jun 'unn cha, a chawn̈ rey yet' chab' chon̈b' 'aj wan a xiw tic, 'oj can eb' 'a sictaquil.

Jeremías 48:42

A Moab, man̈x nacion̈oc 'oj 'ajcni, yujto xyij chan̈ sb'a 'a 'ayn an Jehová in.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Dt 15:8

Wach' cab' tzeyutj e nab'en 'a 'a, 'a'c junc tas smajnoc.