Is 16:11 - Chuj San Sebastian Bible

¹¹ Yuj cha, caw wal tzcus in c'ojl yuj tas 'oj 'aj slajw 'el eb' 'aj Moab yet' eb' 'aj Kir-hareset.

Chuj San Mateo Bible

¹¹ Te cusnac in c'ol yuj Moab, yuj pax Kir-hareset, icha scuseltaquil yoch sjaj te' arpa.

Is 16:11 Iomraidhean Croise

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Is 21:3

Caw tzyab' in niwnal syail, caw 'ayn 'och 'a in yailal, 'icha wal junc 'ix 'ix tzyab' syal yalj yune'. Tzin 'och 'a somc'ojlal yuj tas tzlaj wab'i, tzin xiw pax chan̈ yuj tas tzwila.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Jeremías 4:19

Caw wal tzin cumcn 'ec' wab'n syail. Caw tz'ib'x in pixn yuj tas tzlaj uji. Man̈xtzac stac' sictac tzin 'aji. Tox 'ix wab' yoc' q'uen trompeta, yet' jun 'aw yic owal.

Jeremías 48:31

Yuj wal cha, tzin 'oq'ui, tzin cus yuj eb' 'aj Moab, yuj pax eb' 'anma 'a Kir-hares.

Jeremías 48:36

'Icha wal yoc' te 'amay tz'utz'x yuj cusc'ojlal, 'ixta wal woc' yuj eb' 'aj Moab, atn yuj eb' 'anma 'ay 'a Kir-hares, yujto a wal sricoal eb' smolb'tzej, caw sat 'ejmi.

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

A Scarta San Pablo D'a Eb' Aj Filipos 2:1

A Cristo tzon̈ jucb'tzanec. Tzya'n sniwnal qui c'ojlec, 'ay schamc'ojlal 'ayn̈ec. Junxn̈ej tzon̈ 'ajc yet' Yespíritu ticnec. A tz'a'n qui chamc'ojlalec, sec tz'o'ch qui c'ojlec 'a eb' quit 'anma'il.