Is 16:10 - Chuj San Sebastian Bible

¹⁰ A tzaljc'ojlal yet' 'el-l 'aw 'oj sat 'ejmi. Man̈x 'a mach 'oj 'el yaw mto 'oj b'itnoc 'a scal te 'awb'en uva cha, man̈x 'a pax mach 'oj ste'l yal uva 'a ste'lab'. Smasnil 'aw cha, 'oj sat 'ejmi.

Chuj San Mateo Bible

¹⁰ A b'aj avab'il te' uva, man̈xalaj av yic tzalajc'olal ol ochoc, man̈xa mach ol b'itan d'a scal te', man̈xapaxlaj mach ol tec'anel yal sat te'. A Jehová ol ac'an satel masanil av chi'.

Is 16:10 Iomraidhean Croise

Job 24:11

'Aych eb' syuc q'uen niwc q'uen 'aj tz'elt aceite, tzlaj ste'nc 'el eb' yalil te uva, palta tzcham pax eb' yuj tacn̈ti'al.

Is 24:11

A eb' 'anma', caw tz'oc' eb' 'a yoltc caye, yujto man̈x 'a yal uva. 'Ix lajw 'ejm smasnil tzaljc'ojlal, 'ix 'ochcn cusc'ojlal 'a sat lum lum tic.

Is 32:10

A ticnec, may tas tze na'a, palta jun, yic wal yab'n 'ixtc junab', caw 'oj e xiw cha'an̈, yujto man̈x 'a sat 'awb'en 'oj 'el-loc, man̈x 'a sat uva 'oj molb'tzaxc cha'an̈.

Jeremías 48:33

Man̈x 'a 'aw yic tzaljc'ojlal 'a scal 'awb'ente yic Moab. Man̈x 'a yal uva 'a yet'l 'aj tzmolxi, yujto man̈x 'a mach tzte'n 'el yal uva, man̈x 'a b'it yic tzaljc'ojlal.

Ez 7:7

Xc'och sc'ul e lajw 'el ax cajn ex 'a jun nacion̈ tic, caw jab'xoj sjaw sc'ul e chan e b'a yet' somc'ojlal. Man̈x 'a tzaljc'ojlal 'a lum jolmctac witz 'aj cajn ex.

Jl 1:12

Tox xtacj 'el te uva, tox xlajw 'ejm te higo. Xtacj pax 'el te granado, te palma, te manzan, yet' pax smasnil te 'awb'ente'. 'Ixta x'aj slajw 'ejm stzaljc'ojlal eb' 'anma'.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Am 5:17

A wal yic 'oj in jaw wul wa'ch yailal, caw wal ji'jmtac yoc' eb' 'anma 'a scal te 'awb'en uva, xchi Dios.

Am 9:13

Tzyaln pax Jehová 'ixtic: 'Ay jun tiempoal 'oj jawoc, mantzac lajw spolx chan̈ 'ixm trigo ax sjaw pax stiempoal yawx 'ixm jun 'ejm xo. Mantzac lajw ste'x 'el yalil te uva, ax yawx pax 'ixm trigo. Ax 'a eb' lum jolmctac witz, yet' 'a eb' lum tzalctac, man̈x jantcoc yal uva 'oj yac'a', 'oj b'ey yoctc 'icha a a',

Sofonías 1:13

Yuj cha, a smasnil sricoal eb', 'oj 'ijxoc 'eq'ui, ax sma'x lan̈chjoc can yatut eb'. 'Oj cob' sb'o chan̈ eb' yatut, palta man̈xtoc a eb' 'oj cajnoc. 'Ojt cob' yawc eb' te uva, palta man̈xtoc a eb' 'oj 'u'nc yalil te', xchi Dios.

Jueces 9:27

'Ix 'elt eb' 'a spatquil chon̈b' chi sayj sat uva, spitz'n 'el eb' yalil te', sb'on eb' te yal uva chi yuc'. Xya'n 'och eb' jun q'uin̈ yet' wa'el. 'Ix 'och pax eb' wac 'a yol yatutal sdiosal eb' cha. Xlaj yu'nc eb' yal uva jawnc sti', axta xyalcn eb' tu paxti 'a yib'n̈ Abimelec.