Is 15:4 - Chuj San Sebastian Bible

⁴ A eb' 'aj Hesbón yet' eb' 'aj Eleale, 'oj 'el yaw eb' sc'ann scolwal junc xo mach yet'oc; 'oj c'och yel yaw eb' 'a chon̈b' Jahaza. Ax eb' soldado yic Moab, 'oj 'el yaw eb', ax yel yip eb' yuj xiwc'ojlal.

Chuj San Mateo Bible

⁴ A eb' aj Hesbón yed' eb' aj Eleale, ol sc'an colval eb'. Olto ab'chaj yel yav eb' chi' d'a Jahaza. Masanil eb' soldado yic Moab, ol el yav eb', ol el yip eb' yuj xivelal.

Is 15:4 Iomraidhean Croise

Gn 27:46

Xlajw cha, xyaln 'ix Rebeca 'a Isaac 'ixtic: —Caw wal tzcus in c'ojl yuj eb' 'ix hitita, eb' 'ix yistzil ni Esaú tic. Yuj cha, toto tzyij sb'a ni Jacob yet' junc eb' 'ix hitita cajn 'a Canaán tic, yel xo am wach' tzin chami, xchi 'ix.

A Ch'an̈ B'ab'el Libro Yic Yab'ixal Eb' Rey 19:4

Xlajw cha, 'ix 'at 'a lum cusltac lu'um, jun c'u 'ix b'ey'ti, ax x'aji, 'ix c'unb'cha'an̈. Yuj cha, 'ix 'em wocn 'a yich jun te te'; ata 'ix snib'j cham sb'a. 'Ix yaln 'ixtic: Colb'l xo wal wil tic Mamin Jehová, tztac' xo wal in chami, ¿tom an yel xo wach'n 'a yib'n̈ eb' in mam wicham? xchi.

Jeremías 20:18

¿Tas wal yuj in 'alji? ¿Tom yuj wiln yailal yic tzin cham 'a q'uixwc'ojlal? xchi Jeremías.

Jeremías 48:21

Tox 'ix jaw yailal alb'il can 'el 'a yib'n̈ jun tzo'n̈ chon̈b' 'ay 'a lum niwc pan̈n tic: atn Holón, Jahaza, Mefaat,

Jeremías 48:34

A eb' 'anma 'aj Hesbón, caw tz'el yaw eb' yuj yailal. Tzc'och yel yaw eb' 'a Eleale yet' 'a Jahaza. Tzc'och pax yel yaw eb' 'a Zoar masnto 'a Horonaim, yet' pax 'a Eglat-selisiya, an̈jtona eb' a spac'b'a 'a Nimrim 'ix tup chan̈ eb' a'.

Jeremías 8:3

An Jehová in, tztac' wuj smasnil, an tzwala, to a jantc eb' 'anma 'oj canc 'a spitznal 'a jun tzo'n̈ 'anma tic, caw 'oj snib'c cham sb'a eb', 'a yib'n̈ to tzcancn eb' 'a pitznal 'a 'aj 'oj sactzic can 'at eb' 'a jun tzo'n̈ xo lugar.

Jonás 4:3

A ticnec, tzin tew 'aych Mamin Jehová, to tzej 'ec' in q'uinal. Yel xo wach' to tzin chami, yic pax to an̈j 'ijnoc pitzn in, xchi Jonás.

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.

Nm 11:15

Toto 'oj a'n̈j jun yailal tic 'ayin, yel xo wach' tzin a mil chamoc; palta toto 'ay wal a chamc'ojlal 'ayin, 'ij in 'el 'a scal jun tzo'n̈ yailal tic, xchi Moisés.

Nm 21:23

Palta ax win Sehón, ma'ix yal sc'ojl win to x'e't eb' israel chi 'a sat slum eb' cha. A yico', to 'ix smolb'tzej eb' soldado yic tzya'n owl yet' eb' israel 'a lum cusltac lu'um. 'Ix c'och 'a Jahaza, ata xyac' owl yet' eb'.

Nm 21:28

A 'a lum Hesbón cha, lum schon̈b' Sehón, ata 'ix n̈ilchj cot jun c'ac' xlajn 'el chon̈b' Ar 'a yol yic Moab. 'Ix lajw pax 'el eb' yajl yaj 'a eb' chon̈b' 'ay 'a spa'nil q'ue sti a Arnón.

Dt 2:32

'Ix 'el Sihón on̈ scha yet' smasnil eb' soldado, yic tzya'n owl quet'ec 'a Jahas.

Apoc 9:6

A wal 'a jun tiempoal cha, 'oj cob' sayc' eb' 'anma tas tz'aj schami, palta toxn man̈x 'oj chax yuj eb'. Wach'xam caw 'oj snib'c cham sb'a eb', palta man̈x 'oj stac' scham eb'.

Jueces 11:20

Palta ma'ix schaj win Sehón yab' tas xcal on̈, ma'on̈ schaj 'e't win 'a sat slum cha. A yico', to 'ix syamb'tzej smasnil soldado, axta xc'och sb'o scamplamento 'a Jahas, 'ix ya'n owl quet' on̈.