Is 15:3 - Chuj San Sebastian Bible

³ A spichl eb' n̈achtac sat 'oj laj ya'chi, ax laj yec' eb' 'a yol caye yet'oc. 'Oj q'ue eb' 'anma chi 'a span̈nil yib'n̈ yatut, ax laj yoc' eb'. 'Oj laj 'oc' eb' 'a plas, toxn̈ej 'oj si'si'nc eb' yoq'ui.

Chuj San Mateo Bible

³ A pichul ya sva ayoch yuj eb', ayic ol ec' eb' d'a yoltac b'e yed' d'a yib'an̈tac spat. Ol el yav eb' yuj syaelal chi'. Ol laj oc' masanil anima chi' d'a mercado. Ol tup val yal sat eb' yoq'ui.

Is 15:3 Iomraidhean Croise

A Ch'an̈ Schab'l Libro Samuel 3:31

Xlajw cha, xyaln David 'ixtc 'a Joab yet' 'a smasnil eb' ajun yet'oc: Tzilcjat e pichul, tzeya'n pax 'och jun tzo'n̈ pichl n̈achtac sat, 'ochn̈ec 'a cusc'ojlal yuj schamlil Abner, xchi. Ax rey David 'ix 'och tza'n yuj eb' b'achjnac scaxail Abner.

A Ch'an̈ Schab'il Libro Yic Yab'ixal Eb' Rey 6:30

A yic 'ix yab'n win rey tas 'ix yal 'ix cha, 'ix stzilnjat win spichul. Yic wan tzb'eyc' win 'a yib'n̈ muro, ax xyiln eb' 'anma', to a te pichl n̈achtac sat 'aych yuj 'a yol spichl cha, yuj sch'oxn scusc'ojlal.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.

Is 22:1

Yuj lum pan̈n 'aj tzch'oxx 'ilxoc jun tzo'n̈ tas 'a 'icha waychil, yuj cha, yalx can jun tzo'n̈ tic 'ixtic: Ex 'aj Jerusalén, ¿tas tzex 'i'ni, yuj cha, e masnil xoj tzex q'ue 'a yib'n̈ eyatut?

Is 22:4

Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Is 3:24

Ax sjel 'oj 'ajxoc 'a eb', atn tic: A tas caw tu sjab', a chi 'oj 'och sjelc perjuma; a lasu, a chi 'oj 'och sjelc jal-l caw wach'; ax jolm caw wach' tz'aj squichxi, 'oj pucoc; a pichl caw tzlab'b'i, a te n̈achtac 'oj 'ochcn sjeloc; ax sat eb' wach' yilxi, 'oj juwc can yilxi, tz'ib'intac 'oj 'ajcni.

Jeremías 19:13

Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

Jeremías 48:37

Smasnil eb' winac, tox 'ix sjoxl eb' xil sjolom, tox 'ix sjoxl eb' xil sti'. C'uxn spol lajwc eb' sc'ab', cojxn̈ej jun tzo'n̈ pichl n̈achtac sat 'aych yuj eb'.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Ez 7:18

ax ya'n 'och eb' sn̈achtac pichl yuj scusc'ojlal cha. 'Oj 'ib'xoc chan̈ sniwnal eb' yuj xiwlal, 'oj schacb' 'el sat eb' yuj q'uixwelal, ax sjoxn 'el eb' xil sjolm smasnil.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Mt 11:21

—A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

Dt 22:8

Toto 'ayx tze b'o junc eyatut pan̈n tz'aj yib'an̈, yowlal tzeya'ch smuroal sti 'eli, sec may junc eb' tz'ajx 'och 'a eyib'an̈, toq'ue 'ay junc 'anma tztelwi, mto tzchami.

Santiago 5:1

'Ab'c ex rico. 'El cab' wecc'oc eyaw eyoc' ticnec, yujto caw niwn yailal 'oj jawc 'a eyib'an̈.

A Ch'an̈ B'ab'el Libro Samuel 5:12

Ax eb' ma'ix cham cha, caw wal ya yaj eb' yuj jun tzo'n̈ yab'il chi tzlaj mal 'elt 'a eb' cha, caw wal tz'el yaw eb' yab'n syail.