Is 14:12 - Chuj San Sebastian Bible

¹² Ach sacb'su'un, ¡tas ach 'aj a cotcn 'a satcha'an̈! 'In ach 'ix ac' 'ejm jun tzo'n̈ nacion̈, palta ax ticnec ach julx can 'emt 'a sat lum tic.

Chuj San Mateo Bible

¹² Ach nit c'anal to tzach veei d'a q'uin̈ib'alil, ix ach yumjicot xututoc d'a satchaan̈. Ato d'a sat lum tic ach javi tan̈najoc. A ach ton tic ix aq'uem lan̈naj juntzan̈ chon̈ab'.

Is 14:12 Iomraidhean Croise

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Is 34:4

Smasnil c'anal 'ay 'a satcha'an̈, 'oj tzicb'tan̈x 'a yet'ul, ax satcha'an̈, 'oj chulxocb'e'n 'icha junc ch'an̈ u'un̈. 'Oj cot smasnil c'anal, lajn 'oj 'aj eb' yem 'icha tz'aj stacj 'el xil te uva, tzpuc 'ejm 'a yich, mto 'icha tz'aj yem sat te 'awb'ente 'a yich.

Jeremías 50:23

A Babilonia, mac'b'il poj smasnil yolyib'n̈q'uinl yu'uj. Ax ticnec, a 'oj ma'xoc pojoc, choc' 'oj 'ajcni. Caw tu 'oj yab' smasnil eb' nacion̈ yic 'oj yilnc 'och eb' yuj tas 'oj 'ajcn Babilonia cha.

Jeremías 51:53

An Jehová in, an tzwala: Wach'xam tzq'ue'ch Babilonia 'a satcha'an̈, chan̈ tzyutj sb'on smuroal, palta 'oj wa'tn̈ej eb' 'ajc'ojl ta', sec tzsatx 'el yuj eb', xchi Dios.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Ez 26:17

'Oj sb'o eb' jun sb'it yic chamel, ax yaln eb' 'ixtic: Ach Tiro tas ach 'aj a lajw 'ejmi, ach sat 'ejm 'a et'l 'a sti a mar, caw wal b'inab'il ach, caw jeln eb' 'anma chi smasnil, caw tzxiw jun tzo'n̈ xo eb' chon̈b' cajn 'a sti a mar cha.

Abdías 1:4

An Jehová in, an tzwala: Wach'xam tzex 'at jen̈noc 'a chan̈ 'icha no salt'iw tzb'o so 'a caw cha'an̈, mto at 'a scal jun tzo'n̈ c'anal tz'at e b'o eyet'ul, palta 'oj ex wic' 'emt ta'.

Lc 10:18

—An tic, wiljnac tas 'ajnc win Satanás scot 'a satcha'an̈, yemt can win 'a yolyib'n̈q'uinl tic 'icha junc raya.

A Schab'il Carta San Pedro 1:19

An̈jtona', 'aycto sjaw Cajlilec, stz'ib'n can eb' schecb' Dios yab'xil. An̈ja 'ayc' Ch'an̈ Un̈ chi ticnec. A tas tzyal Ch'an̈ Un̈ cha, caw yel. Caw wach' tzcutjec qui b'a, toto an̈ja ca'nec 'och qui nab'en 'a tas tz'ib'b'il can yuj eb' cha. Yujto a Ch'an̈ Un̈ cha, lajn 'icha junc cantil tzqui tzic 'a 'aj caw q'uic'q'uinal. Tzyac' yoc 'ayon̈, masnto yic wan sacb'i, yic tzq'uel jun niwquil chac c'anal. 'Icha jun c'anal cha, 'ixta 'oj 'aj Cristo yic 'oj jawc paxi, ax swach' 'a'n sacq'uinl 'a qui pixnec.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

Apoc 2:28

An̈jtona', 'oj wac' pax jun niwquil c'anal sacb'sun 'a eb'.

Apoc 22:16

An Jesús in, 'ix in checb't jun wángel 'at yal jun tzo'n̈ tic 'ayach, sec 'oj alxc 'a eb' creyente 'a junjn iglesia. An tic, yin̈tl in can David, palta yuj in poder, pitzwnac 'el David cha. Lajn in 'icha jun niwquil c'anal sacb'su'un, caw tzictzni, xchi.

Apoc 8:10

'Ix yutz'n jun yoxl ángel strompeta. Ax jun niwquil c'anal 'a satcha'an̈, yajn̈ej x'ejmi. Caw stz'a 'icha stz'a junc taj. Jab'xoj man̈ spacloc a niwc a', yet' a spac'b'a 'ajtil xlaj 'ejmi.

Apoc 9:1

Xlajw cha, xyutz'n jun yol ángel strompeta. Ax xwilni, a jun c'anal 'a satcha'an̈, 'ix 'ejm 'a yolyib'n̈q'uinal. A 'a jun c'anal cha, ata 'ix 'ajx syaweal jun xab' olan.