Is 13:7 - Chuj San Sebastian Bible

⁷ Yuj cha, ax smasnil 'anma', 'oj sicb'oc 'ejm eb' yuj xiwc'ojlal.

Chuj San Mateo Bible

⁷ Yuj chi' jun, masanil anima, ol el yip sc'ab' eb' yuj xivelal, man̈xo animaoc ol ajcan eb'.

Is 13:7 Iomraidhean Croise

Salmos 58:7

Sat cab' 'ejm eb' 'icha tz'aj stup 'ejm a a tzb'eyi. Lajn cab' tz'aj eb' 'icha te c'ultc tzte'x yuj 'anma'.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Is 37:27

Man̈x 'a yip eb' 'anma cajn 'a jun tzon̈ chon̈b' cha, caw wal tzxiw eb', tzq'uixw eb'. Lajn xoj eb' 'icha te c'ultac, mto 'icha te 'itj caw wal yax latz'nac, mto 'icha c'ultc tzpa' chan̈ 'a yib'n̈ n̈a, tzma'x tacjoc can yuj 'ic', 'ixtnta yaj eb' 'anma cha.

Is 51:20

Tox x'el yip eb' eyunnal, 'ix can eb' 'a ch'an̈yal 'icha tzyac' no c'ultquil chej. Telctac tz'ajcn eb' scham 'a 'aj tzchaj sb'a caye, lajwnac eb' yuj yowl sc'ojl Jehová, yujto a tz'a'n cuenta eb'.

Jeremías 50:43

A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.

Jeremías 51:30

A eb' soldado yic Babilonia, man̈x 'a tas 'oj yal eb'. Toxn̈ej 'oj smacn 'och sb'a eb' 'a yol scuartel. Man̈x 'a yip eb', lajn xoj 'oj 'ajcn eb' 'icha eb' 'ix 'ix. Ax 'oj yilnc cot eb', wan xo slan̈chj 'ejm schon̈b' eb', wan sn̈usx can pax yatut eb'.

Ez 21:12

Ach 'anma', 'el cab' aw oq'ui, yujto 'oj tzu'xoc cham eb' in chon̈ab' yet' eb' 'aych yajlil 'a scal eb'. A eb' yajl cha, junn̈j 'oj 'aj eb' scham yet' eb' chon̈ab', ach xo tic, tza mac' sn̈i a c'ojl yuj cusc'ojlal.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Ez 7:17

'Oj 'el yip sc'ab' eb' smasnil, 'oj 'ib'xoc chan̈ yoc eb' yuj xiwlal,

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

Nahúm 2:11

¿Tas 'ix 'i'n chon̈b' Nínive tic? 'Icha wal sn̈aq'uen no león 'aj 'ayc' yet' yune', 'ixta yaj 'a yic yaln̈taxi. A e no león chi yet' yune', caw wach' yaj no ta tzyab'i, may mach tzxib'tn no ta'.

Josué 2:11

Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.