Is 13:4 - Chuj San Sebastian Bible

⁴ Ex 'aj Babilonia 'ab'c wal jun 'aw 'a eb' lum jolmctac witz cha. A wal tzcab'i to caw niwn 'anma yamn ta', atn eb' 'anma xcot 'a jun tzo'n̈ xo nacion̈. A Jehová tztac' yuj smasnil, a wan ya'n 'awtxoc slistail eb' soldado 'oj 'och 'a owl cha.

Chuj San Mateo Bible

⁴ Ab'ec val yoch jun av d'a jolomtac vitz, tzijtum anima tz'el yav, aton eb' anima ix laj cot d'a juntzan̈xo nación ix smolb'ej sb'a. A Jehová Yajal d'a Smasanil van smolb'an eb' soldado ol ac'an oval chi'.

Is 13:4 Iomraidhean Croise

Is 17:12

'Oltac wal eb' 'anma tzcot 'a jun tzo'n̈ xo nacion̈, caw wal tzc'an̈ cob' scot eb' yujto niwn sb'isl eb', lajn wal sc'an̈ scot eb' 'icha sc'an̈ sq'ue wan a mar. Caw wal cob' tz'el yaw eb' nacion̈ chi scoti, 'icha wal sc'an̈ yem pawnjoc a niwc a'.

Is 48:14

Molb'tzejc e b'a e masnil, tze maclni eyab' tas 'oj wala': ¿Mach wal junc 'ayx ax tic tztac' yalni tas jab'xoj 'oj ujoc? A jun mach sic'b'il 'el wu'uj, a 'oj b'onc smasnil tas xin nalb'ej in b'on an Jehová in 'a yib'n̈ Babilonia, ax yip jun cha, a 'oj 'a'nc 'ejmc eb' caldeo cha.

Is 5:26

'Oj ya' chan̈ jun bandera yil jun tzo'n̈ xo nacion̈, ax xulmj 'at 'a eb' nacion̈ cajn 'a 'aj tzlajw c'och sti lum lum tic. 'Oj yawtc cot eb' 'anma chi 'a caw najt cha, ax sjaw tza'njoc eb' muc'uc.

Is 5:30

A 'a jun c'ul cha, a jun nacion̈ cha, 'oj 'el yaw sjaw 'a spatiquil 'el qui chon̈b'ec tic, lajn wal 'oj c'an̈ 'icha a mar. A mach 'oj 'at q'ueln 'a jun chon̈b' cha, 'oj yil jun yailal cha, 'icha to 'oj 'och q'uic'q'uinl 'a yib'an̈, ax stup sacq'uinal, caw q'uic'q'uinl 'oj 'ajcn smasnil.

Jeremías 21:4

to a Jehová qui Diosalec an̈ israel on̈c tic, a tzaln 'ixtic: 'Oj wac' meltzjoc eb' a soldado 'a spatic, atn eb' tzcob' 'a'nc owl yet' win sreyl Babilonia yet' eb' soldado. Ax eb' soldado cha, atn eb' 'ayc' 'a spatquil 'el smuroal jun chon̈b' tic, 'oj in molb'tzoc 'oxt eb' 'a yol jun chon̈b' tic.

Jeremías 25:14

'Oj wa'ch eb' 'a yol sc'ab' jun tzo'n̈ niwc nacion̈, yet' 'a yol sc'ab' jun tzo'n̈ niwc yajl to caw 'ay xo smay sb'inaxi. 'Ixta wal 'oj yutc eb' schan spac, atn tas smoj schan eb' yuj tas tz'el sb'oni, xchi Dios 'ayin.

Jl 2:25

Xyaln Dios 'ixtic: 'Oj in jelx smasnil sat eyawb'en lajwnac 'el yuj no c'ulb' xwa't 'a e cal 'icha eb' soldado.

Jl 3:14

Man̈x yalnb'ilc 'anma 'ayc' 'a lum niwn pan̈n 'a 'aj 'oj 'och b'eyc'ojlal cha, yujto jab'xoj sjaw sc'ul wa'n yowl in c'ojl ta'.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.