Is 13:18 - Chuj San Sebastian Bible

¹⁸ 'Oj julxoc cham eb' quelmtac 'unn yet' sjul-lab' eb' cha. May sniwnc'ojlal eb' 'a yib'n̈ eb' tz'ulc 'unn tzat 'alji, matz 'o'ch xon pax sc'ojl eb' 'a eb' cotc 'unin.

Chuj San Mateo Bible

¹⁸ A yed' sjul-lab' eb', ol sjulancham eb' quelemtac eb'. Man̈xo ol oc'laj sc'ol eb' d'a eb' cotac unin yed' d'a eb' ac' unin.

Is 13:18 Iomraidhean Croise

A Ch'an̈ Schab'il Libro Yic Yab'ixal Eb' Rey 8:12

Xlajw cha, 'ix sc'anb'n Hazael 'a 'ixtic: —¿Tas yuj tzach 'oc' mamin? xchi. —Yujto wojtac to 'oj extc eb' wit israelal, 'oj a'ch sc'a'l schon̈b' eb' 'aych smuroal, ax a miln cham eb' quelm yet' espada. 'Oj a mil cham eb' 'unin, ax a tecn 'elt yol sc'ojl eb' 'ix 'ayx tz'i'ni, xchi Eliseo cha.

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Salmos 127:3

A eb' 'unn tz'alji, siylab' Dios eb' 'ayn̈ec, yi'nb'il cot qui tzaljc'ojlal yaj eb'.

Is 13:16

Q'ueln 'och wal eb', ax sma'x cham yunnal eb' 'a sat lu'um. 'Oj 'ijxoc 'elt yol yatut eb' smasnil, ax yixtx can yistzil eb'.

Is 47:9

Wach'xam til wal eb' 'ajchum, mto jeln snan 'el paxti 'ayc' o'oj, lemb'il ata 'oj jawc tza'njoc jun tzo'n̈ chi 'a eb'an̈, ax a can 'a to man̈x 'a echmil, 'a man̈x 'a pax one'.

Is 5:28

A eb' soldado cha, caw jay yaj sn̈icn eb' ye sjul-lab', jalb'ilx teln sjul-lab' eb' chi yu'uj. A yech no schej eb' cha, lajn wal yilx 'icha q'uen suy q'ue'en, ax scaruaje eb', caw jeln sb'ey 'icha chacxuxm'ic'.

Jeremías 18:21

A ticnec, cham cab' yunnal eb' yuj wejel, cham cab' eb' yuj owal. Cancn cab' yistzil eb' 'a man̈x 'a yichmil, man̈x 'a cab' yune eb'. Cham cab' yichmil eb' 'ix yuj yab'il, ax yune eb' to quelmtac, cham cab' eb' 'a scal owal.

Jeremías 5:16

Smasnil jun tzo'n̈ 'anma cha, caw jeln eb' ya'n owal, a syamc'ab' eb' yic owl yet'i, yic chaml yaji.

Jeremías 50:30

Yuj cha, an Jehová in, an tzwala, to a wal eb' quelm 'aj Babilonia, b'ulctac 'oj 'ajcn eb' scham 'a yoltc caye. 'Oj milxoc cham smasnil eb' soldado 'a jun c'ul cha.

Jeremías 50:42

Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.

Jeremías 51:22

Xin mil cham eb' winc yet'oc, eb' 'ix 'ix, eb' 'icham, eb' quelem, yet' eb' 'ix cob'stac 'ix.

Jeremías 6:23

Yet' eb' sjul-lab', yet' slanza, caw yel xo tu eb', man̈xtzac 'o'ch sc'ojl eb'. 'Icha sc'an̈ a mar 'ixta sc'an̈ sb'ey eb' 'ay q'ue 'a yib'n̈ chej. Lista xo yaj eb' scot wul yac' owl eyet' ex cajn ex 'a Jerusalén, xchi Dios.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

Dn 7:5

Ax no schab'il, lajn yilx 'icha no oso, tz'eyn 'ejm jun pac' sniwnal 'a yib'n̈ jun pac' xo. Ax 'a yol sti', ata 'aych 'oxe sb'acl costl 'a slot'l ye. 'Ix wab'n yalx 'a 'ixtic: ¡'Ixic, chi 'ejm jantc chib'j tza nib'j tza chi'a, xchi jun cha.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Nahúm 2:1

Ex soldado 'aj Nínive, wan scot jun mach 'oj satn 'el e chon̈ab'. Q'uen̈ec 'a sjolm e cuartel. Macwjan̈ec. Jalc 'och eyespada 'a e nan̈al. Molb'tzej e b'a e masnil.

Nahúm 3:10

Palta jun, a eb' 'aj Tebas, 'ix 'ijx 'at pax eb' 'icha presoal. Ax yunnal eb', xma'x can ch'iychjoc eb' 'a yisquinyoal caye. 'Ix 'ajx 'och suerte 'a yib'n̈ eb' niwc winc 'a scal eb', x'ajx 'och q'uen cadena 'a eb' tzjucb'tzan eb'.