Is 12:2 - Chuj San Sebastian Bible

² Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Chuj San Mateo Bible

² Ach co Diosal, co Columal aji. Tzach cac'och yipoc co c'ool, yuj chi' max on̈ xivlaj. Mamin Jehová, tzach co b'itej, yujto a achn̈ej tzac' quip, tzon̈ a colanpaxi, xe chama.

Is 12:2 Iomraidhean Croise

A Ch'an̈ Schab'l Libro Samuel 7:24

yujto ach a'jnacn̈ 'och a chon̈b'oc 'a jun 'ejmn̈ej, ach xo Mamin Jehová, ach 'ochcn qui Diosalc on̈.

Job 13:16

Lemb'il pax ata 'oj wac' ganar in colnb'il, yujto a junc maysch'olnil snab'en, matz te'wtzej sb'a sc'och 'a yojltac Dios.

Salmos 112:8

Yojc eb' to te'nn̈ej yaj eb', yuj cha, matz xiw xon eb' jac 'a eb' 'ajc'ojl cha, ton̈j tzewj eb' yuj eb'.

Salmos 118:14

Yuj cha, tzin b'itn 'a 'a, yujto a wip yaji. A 'in Colmal yaji.

Salmos 118:21

Mamin Jehová, 'oj wac' yuj diosal 'ayach, yujto 'ix ab' tas xwala, in Colmal pax aji.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Salmos 65:6

Yuj a poder caw tzatz 'ix otj can lum niwc witz 'a yet'ul.

Salmos 68:20

A qui Diosalec, atn qui Colmalec paxi. A Jehová Cajlilec tic, tztac' on̈ scolnec 'el 'a yol sc'ab' chamel.

Salmos 68:21

A Dios 'oj ma'nc poj sjolm eb' 'ajc'ojl yajch 'a 'a, atn eb' an̈ja sb'on maysch'olnil.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Ex 15:2

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Is 10:24

Yuj cha, xyaln Jehová 'ixtic: Ex in chon̈b' cajn 'a Sión, man̈ ex xiw yuj eb' 'aj Asiria, wach'xam tzex cob' smac' eb' yet' jixc'ab'te', mto yet' sc'ococh, 'icha yutjnacx eb' 'aj Egipto.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Is 27:5

Toto tznib'j eb' 'ajc'ojl in colwal, 'och cab' eb' 'a junc'ojlal wet'oc. An tzwala, to tzyij 'ejm sb'a eb', xchi Dios.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 38:20

Mamin Jehová qui Colmal aji, yuj cha, smoj wal ach qui b'itnan yet' qui arpa, tzqui b'itnan a b'i 'a atut, ya' sb'a 'ayt jacx qui q'uinl on̈, xchi rey Ezequías.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Is 49:5

Ax ticnec tox xin chaj sniwquil-l wel'ch 'a yojltac Jehová in Diosal, yujto a x'a'n wip. 'Aynto 'ec' 'a yol sc'ojl in nun 'ix snan cani to tzin 'och schecb'oc, sec tzwijx meltzjoc eb' israel jun 'ejm xo 'a 'a, atn eb' yin̈tl can Jacob.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Is 65:18

Tzaljan̈c 'a smasnil tiempo yuj jun tzo'n̈ tas 'oj in b'o cha, yujto 'oj wac' stzaljc'ojlal chon̈b' Jerusalén, jantcn̈ej eb' 'anma 'oj cajnc jun chon̈b' cha, 'oj tzaljoc eb' smasnil.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Jl 2:23

E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Jonás 2:9

Palta an xo tic, tzwal yuj diosal 'ayach. 'Oj wac' in xajmb'al, ax in yiclni 'aj 'ix wac' in ti 'ayach. Cojn ach tztac' a colwj Mamin Jehová, xchi Jonás.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

Apoc 7:10

'Ix 'awj chan̈ eb' smasnil, 'ix yaln eb' 'ixtic: A qui Diosalec, wocn 'ejm 'a sdespacho, a x'a'n qui colnb'ilec. An̈jtona', yet' jun tzcuch Calnelu, locn x'a'n pax qui colnb'ilec, xchi eb'.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.