Is 11:14 - Chuj San Sebastian Bible

¹⁴ 'Oj yi' chan̈ sb'a eb' schac'ajil, ax 'at ya'nc eb' owl yet' eb' filisteo 'ay 'a stojlal 'aj tz'em c'u. 'Oj 'em eb' filisteo chi yuj eb'. Ax smol 'i'n 'ec' eb' smasnil tas 'ay 'a eb' 'anma 'ay 'a stojlal 'aj tzq'uel c'u. 'Oj c'och yi'n 'ec' eb' lum lum chi 'a chon̈b' Edom yet' lum chon̈b' Moab, ax ya'n eb' yajlil 'a yib'n̈ eb' 'aj Amón.

Chuj San Mateo Bible

¹⁴ Axo eb' scha macan̈il, junn̈ej ol b'at eb' yac' oval d'a eb' filisteo d'a stojolal b'aj tz'em c'u. Ol yac'an ganar eb'. Junn̈ej ol aj yic'anec' sb'eyumal eb' cajan d'a stojolal b'aj sjavi c'u eb', aton Edom, Moab yed' pax eb' amonita, yujto ol can eb' d'a yol sc'ab' eb'.

Is 11:14 Iomraidhean Croise

Is 14:29

Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.

Is 15:1

A jun tzo'n̈ paxti tic 'ix alx can 'el 'a yib'n̈ eb' 'aj Moab: A 'a jun 'ac'wl 'aj 'oj satl chon̈b' Ar yet' jun 'ac'wl 'aj 'oj satl chon̈b' Kir 'a yol yic Moab, a yic cha, 'icha wal to a Moab chi tzsatli; caw 'oj can 'a sictaquil.

Is 16:14

Ax ticnec, tzyaln pax 'ixtic: Yab'm wal 'oxab', 'icha wal sb'isn junc munljum jantc xo tiempo smunlji, 'ixta wal sb'isx sc'ul slajw 'ejm tas 'ay 'a eb' 'aj Moab. Til wal 'anma 'oj satli; jaywn̈ xoj eb' 'oj canoc, man̈x 'a yip eb' scoln sb'a 'a owal, xchi Dios.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Is 9:12

A eb' 'aj Siria, 'oj cot eb' 'a stojlal 'aj tzq'uel c'u, ax eb' filisteo, 'oj cot eb' 'a stojlal 'aj tz'em c'u. Junn̈j 'oj yutc sb'a eb', ax satn 'el eb' chon̈b' Israel. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 40:11

An̈jtona 'ay pax eb' israel xcancn to 'a chon̈b' Moab, 'a Amón, 'a Edom, yet' 'a jun tzo'n̈ xo nacion̈. 'Ix yab' eb' to 'ayt eb' israel xcancn 'a chon̈b' Judá chi yuj win sreyl Babilonia. 'Ix yab'n pax eb' to a Gedalías yunnal Ahicam yixchicn Safán, a 'ix 'ajx can 'och gobernadoral 'a yib'n̈ eb' yuj winac.

Jeremías 48:40

Tzyaln Jehová pax 'ixtic: A jun 'ajc'ojl yajch 'a Moab, 'ix c'och lemnjoc 'a 'a, 'icha sc'och jen̈n̈oc junc no c'uc'um.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Jeremías 49:22

A eb' 'ajc'ojl cha, caw yajn̈ej ax sc'och eb' yac' owl 'a chon̈b' Bosra, 'icha sc'och jen̈n̈oc junc no c'uc'um. A wal 'a jun c'u cha, a eb' soldado 'aj Edom, caw 'oj 'ib'xoc eb' yuj xiwlal 'icha junc 'ix 'ix wan yalj yune', xchi Dios.

Jeremías 49:28

Atn jun tzo'n̈ tic yaljnac can Jehová 'a yib'n̈ eb' 'ay 'a yol yic Cedar yet' 'a eb' yajl yaj 'a chon̈b' Hazor, atn eb' x'ejm yuj Nabucodonosor sreyl Babilonia: Ex 'aj Babilonia, 'ixquec, 'at 'a'c owl 'a chon̈b' Cedar, 'at satc 'el eb' 'anma cajn 'a stojlal 'aj tzq'uel c'u.

Ez 25:14

An Jehová in, an tzwala, to 'oj in c'anlb'oc eb' in chon̈b' israel yic tzin pacn in b'a 'a eb' 'aj Edom. 'Oj ya'ch eb' syailal eb' 'aj Edom 'icha wal yaj yowl in c'ojl 'a yib'n̈ eb', sec 'oj yojcoc 'el eb', to an tzin pac in b'a 'a eb'.

Dn 11:41

Til wal jun tzo'n̈ nacion̈ 'oj 'em yu'uj. An̈jtona', 'oj 'och pax 'a chon̈b' Israel, atn 'a lum lum caw wach'. Ax eb' 'anma cajn 'a Edom yet' 'a Moab, 'oj colchjoc can 'el eb', 'ec'b'alt pax 'a spacl eb' 'aj Amón 'oj colchjoc.

Jl 3:19

A chon̈b' Egipto, 'oj lan̈chjoc can 'ejmi, ax Edom, caw cusltac lum 'oj 'ajcni, yujto ya'jnac eb' owl yet' eb' cajn 'a Judá, ata 'elnc schic'l eb' 'anma may smul yuj eb'.

Am 9:12

'Ixta to b'i'an, a jantcto eb' 'aj Edom 'oj to canoc, yet' smasnil jun tzo'n̈ nacion̈ to wic xon yaji, 'oj 'ochcn eb' 'a yol sc'ab' yin̈tl Israel, xchi Dios. A Jehová aljnac jun tic, yowlal 'oj 'el'choc.

Habacuc 1:8

Ax schej eb' tzc'ana, yel xo wal jeln sb'ey no 'a yib'n̈ no leopardo. Ax eb' soldado 'ay q'ue 'a yib'n̈ no', yel xo wal ow eb' 'a yib'n̈ no 'ocs tz'ec' 'a 'ac'wal. Caw man̈x yalnb'ilc sb'isl schej eb' cha, najtto 'ay e no', tz'at lemnjoc e no 'a owl cha, 'icha wal s'at lemnjoc no c'uc'um yic tzyamn no schib'ej.

Sofonías 2:5

'Oltacx wal ex cotnc 'a Creta, ex to cajn ex 'a sti a mar. A Jehová tox 'ix yala tas 'oj jawc 'a eyib'an̈, 'ix yal 'ixtic: 'Oj in satl Canaán atn schon̈b' eb' filisteo, man̈x xon junc 'anma 'oj can cajn ta'.

Sofonías 2:7

A eb' 'oj can to 'a eb' yin̈tl Judá, 'oj yic' eb' smacl lum ta'. Ata 'oj stan̈wc wa eb' scalnelu, ax 'a 'ac'wal, a 'a eb' te n̈a 'ay 'a Ascalón, ata 'oj way eb', yujto a Jehová sDiosal eb', a 'oj tan̈wnoc eb', ax yi'n pax q'ue'ch eb'.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Nm 24:17

'Ay jun mach to caw najtto 'ay, palta tztac' wiln 'ati: 'ay jun rey 'oj checljoc chan̈ 'a scal eb' yin̈tl Jacob, caw tzictzni 'icha c'anal. A jun rey cha, 'oj yac' yajlil 'a scal eb' yin̈tl Israel. A 'oj satnc 'el chon̈b' Moab, a pax 'oj satnc 'el eb' yin̈tl win Set.

Mt 8:11

Tzwaln pax 'ayex, til wal eb' 'oj cot 'a 'aj tzq'uel c'u, yet' 'a 'aj tz'em c'u. 'Oj 'em wocn eb' swa yet' Abraham yet' Isaac, yet' Jacob 'a 'aj 'aych jun 'aj satchan̈ Yajlil.

Jueces 6:3

A yic tzyawn eb' israel yawb'en 'a 'aj 'ayc' cha, ax eb' madianita yet' eb' amalecita, yet' pax jun tzo'n̈ xo eb' cajn 'ec' 'a stojlal 'aj tzq'uel c'u, tz'at eb' 'at yac' owl yet' eb'.