Is 11:11 - Chuj San Sebastian Bible

¹¹ A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Chuj San Mateo Bible

¹¹ A d'a jun tiempoal chi', ol sch'ox spoder Jehová junelxo, yuj chi' ol smolb'ejcot masanil eb' schon̈ab' sacleminac yajcanb'ati. Ol cot eb' aytocan d'a Asiria, d'a Egipto, d'a Patros, d'a Etiopía, d'a Elam, d'a Sinar, d'a Hamat yed' d'a juntzan̈xo chon̈ab' ay d'a stitac a' mar.

Is 11:11 Iomraidhean Croise

Gn 10:10

A eb' chon̈b' 'aj yajl yaj Nimrod, 'ix 'el yich yuj 'a Babilonia, 'a Erec, 'a Acad yet' 'a Calne. A 'a yol yic Sinar ata 'ay jun tzo'n̈ chon̈b' cha.

Gn 10:22

Eb' yunnal Sem, atn Elam, Asur, Arfaxad, Lud yet' Aram.

Gn 14:1

A 'a yic jun tiempoal cha, a Amrafel 'aych reyl 'a Sinar, ax Arioc 'aych reyl 'a Elasar, ax Quedorlaomer 'aych reyl 'a Elam, ax Tidal 'aych reyl 'a Goím.

Gn 2:13

Ax a schab'il, Gihón sb'i a', atn a tic tz'ec' oyyoc 'a lum Cus sb'i.

A Ch'an̈ Schab'il Libro Yic Yab'ixal Eb' Rey 17:24

A sreyl chon̈b' Asiria 'ix 'i'n cot eb' 'anma 'ayc' 'a Babilonia, 'a Cuta, 'a Ava, 'a Hamat, yet' 'a Sefarvaim, 'ix jaw cajn eb' 'a jun tzo'n̈ chon̈b' 'ay 'a yol yic Samaria sjelc eb' israel.

Ester 10:1

'Ix ya'ch win rey Asuero jun tojlb'al 'a yib'n̈ smasnil 'anma 'ay 'a yol smacb'en, yet' 'a eb' cajn 'a sti a mar.

Salmos 68:22

A Cajlilec a 'ix aln 'ixtic: A 'a lum Basán, ata 'oj wi'x cot eb' 'ajc'ojol, ax wi'n cot pax eb' 'a a mar caw xab' yich,

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Is 10:20

A 'a jun tiempoal cha, a jaywn̈ocx eb' israel ma'oj chamoc, atn jaywn̈ocx eb' yin̈tl can Jacob 'oj colchjoc can 'eli. Man̈x 'oj ya'ch eb' yipc sc'ojl jun nacion̈ 'ijn satn 'el eb' cha. Palta axn̈ej 'a Jehová 'aj 'oj ya'ch eb' snab'en, atn sDiosal Israel to cojxni.

Is 10:9

Lajn wutjnac can chon̈b' Calno yet' Carquemis, 'ixta pax wutjnac chon̈b' Hamat yet' Arfad, an̈jtona' lajn pax wutjnac Samaria yet' Damasco.

Is 11:16

Yuj cha, a yic 'oj meltzjoc paxt eb' schon̈b' Jehová 'a Asiria, caw lewn sb'e eb' 'aj 'oj cotoc, 'icha 'aj b'eyn̈c eb' israel yic yelt eb' 'a Egipto.

Is 19:21

'Ixta wal 'oj yutc Jehová sch'oxn sb'a 'a eb' 'aj Egipto sec tz'ojcax 'el yuj eb', yuj cha, ax ya'n 'ejm sb'a eb' 'a 'a. 'Oj laj yac' eb' xajmb'al yet' yofrenda, ax laj ya'n can eb' sti 'a Jehová to yowlal 'oj syiclc eb'.

Is 19:22

Yujto 'oj ya'ch Jehová syailal eb' 'aj Egipto, yuj cha, 'oj laj meltzj eb' 'a 'a, ax yo'ch sc'ojl 'a eb', 'oj b'ox can sc'ojl eb' yu'uj.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 22:6

A eb' 'aj Elam, wan sb'on eb' sjul-lab', 'ayx 'och eb' 'a yol scaruaje, 'ayx q'ue pax eb' 'a yib'n̈ schej; ax pax eb' 'aj Kir, wan yi'n 'elt eb' smacl sat jul-lab' tzc'anlb'ej.

Is 24:15

An̈jtona yet' pax 'a stojlal 'aj tzq'uel c'u, yet' 'a jun tzo'n̈ nacion̈ 'ay 'a sti a mar, 'oj yal eb' wach' paxti 'a Jehová sDiosal Israel.

Is 37:31

A jaywn̈ocx ex tzex can 'a Judá, lajn 'oj eyaj 'icha junc te te tz'emx sch'an̈l yib' 'a yol lu'um, tzlajw cha, tzya'n sat muc'uc.

Is 42:10

Ex 'anma cajn 'a snajtil 'el sti lum lu'um, ex tzex 'ec' 'a yib'n̈ a mar, yet' no noc' cajn ta', yet' pax ex cajn ex 'a jun tzo'n̈ chon̈b' 'ay 'a sti a mar cha, b'itnejec junc 'ac' b'it yic tzeyaln e wach' paxti 'a Jehová.

Is 42:12

Yal cab' eb' chon̈b' 'ay 'a sti a mar swach' paxti 'a Jehová.

Is 42:4

Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Is 49:12

'Iltec, 'ay jun tzo'n̈ 'anma tzcot 'a caw najat, 'ay eb' tzcot 'a stojlal norte, 'ay eb' 'a stojlal 'aj tz'em c'u, 'ay pax jun tzo'n̈ xo eb' tzcot 'a yol yic Sinim.

Is 66:19

'Ay jun senya 'oj in ch'ox yil eb', 'oj wac' 'elcn jaywn̈oc eb' 'a scal owl cha, ax in checn can 'at eb' 'a jun tzo'n̈ nacion̈ tic: 'Ay eb' 'oj c'och 'a Tarsis, 'a Libia, 'a Lidia, atn jun chon̈b' chi 'aj caw jeln eb' 'anma sjulwji. 'Ay pax eb' 'oj c'och 'a Tubal, 'a Grecia yet' 'a jun tzo'n̈ chon̈b' 'ay 'a sti a mar. A eb' 'anma cha, may 'aj tzyab' eb' in b'inaxi, may pax 'aj tzyil eb' in poder. A 'a jun tzo'n̈ nacion̈ xwal tic, ata 'oj wac' yal-l eb' 'anma chi wab'xil.

Jeremías 25:25

'Ix wa'n 'a smasnil eb' rey 'a chon̈b' Zimri, 'a Elam, yet' 'a Media,

Jeremías 31:10

Ex nacion̈, 'ab'c wal in paxti an Jehová in tic, alc 'el 'ixtc 'a jun tzo'n̈ lugar 'a lac'an yet' 'a sc'axpil 'ec' a mar 'a caw najat: A Jehová 'ix 'a'n sactzic can 'at eb' israel, an̈jtona a pax tzmolb'tzan cot eb' ticnec, tztan̈wx eb' yuj 'icha tz'aj stan̈wx no calnelu yuj yilmal, xe chi.

Jeremías 44:1

A jun tzo'n̈ spaxti Dios in chajnac an Jeremías in tic yic tzalx 'a eb' 'aj Judá cajn 'ec' 'a stojlal norte 'a yol smacb'en Egipto, atn 'a chon̈b' Migdol, 'a Tafnes, 'a Menfis, yet' 'a stojlal sur.

Jeremías 49:23

'Ix yaln pax Dios yuj eb' 'aj Damasco 'ixtic: A eb' 'aj chon̈b' Hamat yet' Arfad, caw man̈x 'anmac yaj snab'en eb', yujto caw tu sc'och 'ab'x 'a eb'. Caw xniwtj xiwc'ojlal 'a eb', man̈xtzac stac' yajc' eb' 'a tzaljc'ojlal.

Ez 27:6

A te sma'lab'il a yic te barco cha, 'ix b'o te 'a te mach' 'ix cot 'a lum Basán; ax te q'uisis xcot 'a Chipre, a te x'och smacloc eb' te barco cha. A q'uen marfil, a 'aych pax yelwnub'loc.

Ez 29:14

A eb' 'aj Egipto 'icha presoal yajcn 'at cha, 'oj wi'x meltzjoc eb' 'a stojlal sur yic Egipto 'a slum 'aj 'aljnac smam yichm eb'. Ata 'oj ya'ch sb'a eb' chon̈b'al, palta may wal ste'nal jun chon̈b' cha.

Ez 30:14

'Oj sat 'ejm eb' chon̈b' 'ay 'a stojlal sur yic Egipto cha. 'Oj wa'ch sc'a'l chon̈b' Zoán, ax wa'n 'och yailal 'a yib'n̈ chon̈b' Tebas.

Ez 32:24

Ata mucb'il win sreyl chon̈b' Elam, oyn 'och smasnil eb' soldado 'a stz'ey, atn eb' chamnc yuj owal. Teln 'ec' sniwnal win 'a scal eb' 'anma chamnc yuj owl cha, atn eb' man̈ wico'oc, eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta man̈x 'a yel'ch x'aj sc'och eb' 'a scal eb' chamnc cha.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.

Dn 1:2

A Dios a 'ix 'a'n 'ajxc ganar win rey Joacim yet' schon̈b' yuj win rey Nabucodonosor cha. 'Ix ya'n pax 'ajxc 'och jun tzo'n̈ syamc'ab'il yatut Dios 'a yol sc'ab' win rey cha. Ax yic 'ix japx win 'a Babilonia, 'ix ya'n 'och win jun tzo'n̈ yamc'ab' chi 'a yol yatut sdiosal. 'Ix yi'n cot win jun tzo'n̈ eb' 'aj Judá chi 'icha presoal.

Dn 11:18

'Oj lajwc cha, ax 'at ya'nc owl yet' eb' chon̈b' cajn 'a sti a mar, caw niwn eb' 'oj 'em yu'uj. Palta 'ay jun capitan̈ chuc chon̈b'al 'oj tennc 'och wan 'a sb'an̈quinal, ax yel sq'uixwel jun sreyl norte cha.

Dn 8:2

A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

Os 1:11

'Oj lajwc cha, ax syamn sb'a smasnil eb' 'aj Judá, yet' eb' 'aj Israel, junxn̈ej syajlil eb' 'oj ya'chi. Junxn̈ej 'oj 'aj sjapx eb' wul yi'x slum jun 'ejm xo. ¡Caw niwn yel'ch jun c'u yic Jezreel!

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Os 11:11

'Icha sjelnal sb'ey junc no ch'ic, 'ixta 'oj 'aj eb' scot 'a Egipto. 'Icha no 'uch, 'ixta pax 'oj 'aj eb' scot 'a Asiria. An Jehová in, an tzwala, to 'oj wa'x scajx eb' yatut jun 'ejm xo.

Miqueas 7:12

A 'a yic jun c'u cha, 'oj cot eb' 'anma 'a smasnil nacion̈, ax sjaw eb' 'ayex. 'Oj cot eb' 'aj Asiria, yet' eb' 'aj Egipto, ax scot eb' 'ay 'a sti a Nilo, yet' eb' 'ay 'a sti a Éufrates. 'Oj cot eb' cajn 'a stitc a mar, yet' eb' 'ay 'a lum jolmctac witz.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Zacarías 5:11

'Ix yaln 'ixtc 'ayin: To 'oj 'at eb' 'at sb'o jun yet'l 'a Babilonia. A yic 'oj lajwc sb'o jun yet'l eb' cha, ax sb'on 'och eb' jun 'echtab' chi 'a yib'n̈ sb'achnub'al, xchi.

Zacarías 8:7

An 'oj in col-l in chon̈b' 'a yol sc'ab' jun tzo'n̈ nacion̈ 'a stojlal 'aj tzq'uel c'u yet' 'a stojlal 'aj tz'em c'u.

Zacarías 9:2

Yuj cha, 'oj ya' cot yailal 'a yib'n̈ eb' 'aj Hamat, ata 'ay 'a stitc smacb'en Hadrac. 'Oj ya' cot pax yailal 'a yib'n̈ eb' 'aj Tiro yet' 'a eb' 'aj Sidón, wach'xam to caw jeln eb'.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

Ro 11:26

'Ixta to b'i'an, ax scolchj pax smasnil eb' wit israelal. Yujto tzyal 'ixtc 'a Ch'an̈ U'un̈: A 'a chon̈b' Sión, 'a scal eb' israel, ata 'oj q'ue wan jun Colwjum. A 'oj 'i'nc 'el smul eb' yin̈tl Jacob.

2 Co 3:16

Palta a yic tzon̈ sutmjec ca'n 'och qui c'ojl 'a Cajlil, tz'ijx 'el jun 'icha nip chi 'a qui satec.

Dt 9:29

Palta a jun chon̈b'al eb' 'anma tic, ec ton wal yaj eb', ach ejnac 'elt eb' 'a Egipto yet' wal a niwquil poder, xin chi 'a 'a.