Is 11:1 - Chuj San Sebastian Bible

¹ 'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Chuj San Mateo Bible

¹ Icha val svolan junoc te yib' te', icha chi' ol aj spitzvichaan̈ jun yin̈tilal vin̈aj Isaí.

Is 11:1 Iomraidhean Croise

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

1 Cr 2:12

ax Booz a 'ay yunnal Obed, atn smam Isaí.

Salmos 145:11

'Oj alxoc 'eli to caw wach' a'n Yajlil, ax yalxi, to caw 'ay a poder.

Is 11:10

A 'a jun tiempoal cha, 'oj sch'oxl sb'a jun yin̈tl Isaí cha. Til wal 'anma 'oj cot 'a jun tzo'n̈ xo nacion̈, ax sayn 'ec' eb' 'aj 'ayc' cha, caw niwn yel'ch 'a sat eb'.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 53:2

Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Jeremías 23:5

Tzyaln pax Jehová 'ixtic: 'Oj jawc jun c'ual, ax wa'n 'och jun yin̈tl David reyl 'a in chon̈ab'. A jun cha, caw tojl snab'en. 'Oj sb'eyc'ojloc smasnil eb' chon̈b' 'a stojlal.

Jeremías 33:15

A wal yic 'oj jawc jun tiempoal cha, 'oj wa'ch junc yin̈tl David reyal, a 'oj 'i'nc chan̈ tojlal yet' wach'ilal 'a jun nacion̈ tic.

Ez 17:22

An Jehová Yajl in, an tzwal 'ixtic: An 'oj in b'ijl sjolm te c'ute cha, ax junc te swol chi 'oj in c'uy 'elta, ax wawn te 'a sjolm junc lum witz caw 'ayb't 'a cha'an̈.

Ez 37:25

'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Zacarías 6:12

Tzaln 'a 'ixtic: A Jehová tztac' yuj smasnil, a tzaln 'ixtic: 'Ay jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol, 'oj yic' wal yip 'a 'aj 'ayc' cha, 'oj sb'ox chan̈ sjel watut.

Mt 1:1

A jun libro tic tzaln cot yab'xil Jesucristo yin̈tl can David, yin̈tl pax Abraham. Atn sb'i eb' smam yichm Jesucristo tic.

Ro 15:12

A Isaías a tz'ib'jnac can 'ixtc 'a Ch'an̈ U'un̈: 'Ay jun yin̈tl Isaí 'oj pitzwc cha'an̈, a 'oj 'ajxc 'och syajlilc eb' nacion̈. Atn jun chi 'oj ya'ch eb' yipc sc'ojol, xchi 'a Ch'an̈.

A Ch'an̈ Carta D'a Eb' Hebreo 7:14

Cojquec, chajtlto a Cajlilec, yin̈tl can Judá. Ax Moisés, may tas yaljnac, toto 'ay junc eb' yin̈tl Judá chi tztac' yoch ya'malc 'och qui tic 'a Dios.

Apoc 22:16

An Jesús in, 'ix in checb't jun wángel 'at yal jun tzo'n̈ tic 'ayach, sec 'oj alxc 'a eb' creyente 'a junjn iglesia. An tic, yin̈tl in can David, palta yuj in poder, pitzwnac 'el David cha. Lajn in 'icha jun niwquil c'anal sacb'su'un, caw tzictzni, xchi.

Apoc 5:5

Palta 'ay jun 'a eb' 'ichm winc chi 'ix aln 'ayn 'ixtic: Man̈ ach 'oc'oc. A jun tzcuch León 'a scal eb' yin̈tl Judá, atn jun yin̈tl can win rey David, a 'a'jnac ganar. A 'oj stac' sn̈i'chtan uque seyo tic, ax sjacn ch'an̈ un̈ cha, xchi 'ayin.

Rt 4:17

A yic xyiln eb' 'ix cajn 'a sla'nil 'ix cha, 'ix yaln eb' 'ix 'ixtic: —'Icha to x'alj yune 'ix Noemí, xchi eb' 'ix. 'Ix ya'n eb' 'ix scuch jun 'unn chi Obed, atn win smam Isaí, win smam 'ichm David.

A Ch'an̈ B'ab'el Libro Samuel 17:58

'ix sc'anb'n win rey chi 'ixtc 'a 'a: —¿Mach a mam ach quelem? xchi. 'Ix ta'w David chi 'ixtic: —Yunnal in Isaí, win 'aj Belén, atn win a checab', xchi.