Is 10:3 - Chuj San Sebastian Bible

³ ¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

Chuj San Mateo Bible

³ ¿Tas val ol eyutej e b'a ayic ol javoc eyaelal, ayic ol eyilan scot yaelal chi' d'a najat? ¿Mach b'aj ol e c'an colval? ¿B'ajtil ol eyac'can e b'eyumal?

Is 10:3 Iomraidhean Croise

Gn 31:1

Ax xyab'n win Jacob to a ewin yunnal win Labán, wan yaln 'el ewin 'ixtic: Yujn̈ej smasnil tas xyij 'ec' Jacob 'a qui mam, yuj cha, rico ticnec, xchi ewinac.

A Ch'an̈ Schab'il Libro Yic Yab'ixal Eb' Rey 7:15

'Ix 'at eb' 'a spatquil eb' sirio, masnto 'ix c'och eb' 'a a Jordán. Ax 'ix yiln eb', lan̈n can spichl eb' 'a yol b'e sjuln can 'eli yet' tastc 'ay 'a eb', yuj s'at eb' 'eloc. Yajn̈ej 'ix meltzj eb' checb' chi wul yac' yojcoc 'el win rey tas chi xit' yil eb'.

Job 31:14

Q'uinloc ma'ay, ¿tas wal 'oj wutc wochch 'a yojltac Dios? ¿tas 'oj wutc walni yic 'oj sc'anb'n 'ayn yuj tas xin b'o'o?

Pr 11:4

A wal yic 'oj jawc jun c'u yic 'oj 'och b'eyc'ojlal 'ayn̈ec, caw wal man̈x 'a yel'ch qui ricoalec cha, cojxn qui tojl b'eyb'alec, a 'oj qui colnec 'el 'a yol sc'ab' chamel.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 17:4

A 'a jun tiempoal cha, a tas 'i'n tzb'an̈ sb'a eb' yin̈tl Jacob, 'oj 'ijxoc 'ec' 'a eb', ax sat 'ejm smasnil tas 'ay 'a 'a.

Is 20:6

A 'a jun tiempoal cha, a eb' 'anma cajn 'a sti a mar, 'oj laj yal eb' 'ixtic: 'Iltec wal tz'aj eb' 'anma 'aych cob' yipc qui c'ojol, atn eb' 'aj tzlaj calc qui b'a yic tzon̈ scolnec eb' 'a yol sc'ab' win sreyl Asiria, ¿ax ticnec, mach 'oj to qui colnec? 'oj schic eb', xchi Dios.

Is 26:14

A eb' cha, chamnc xo eb', man̈x 'oj pitzwc pax eb' jun 'ejm xo; man̈x b'a'n̈ 'oj checljoc chan̈ eb'. Lajn x'aj eb' yec' 'icha wewen, tox 'ix ac' syailal eb', 'ix a'n sat 'ejm snanb'il cot eb'.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 28:20

Lajn 'oj eyajcn 'icha mach tzway 'a sat junc ch'at yune ste'il, matz tac' sjiln 'at yoc 'a sat; yet' junc c'u yune sat, matz tac' spichn 'och 'a 'a.

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Is 30:5

'oj 'el sq'uixwel eb' smasnil yuj jun nacion̈ cha. May jac tas 'oj yic' eb' 'a 'a, ma'oj colwjoc jac 'a eb'. A yic eb', to 'oj q'uixwc can 'el eb' yuj eb', xchi Dios.

Is 30:7

A jun nacion̈ cha, matz tac' yu'uj, matz techj scolwji. Yuj cha, xwa'n sb'ic 'ixtic: Noc' to 'ay smay yel yaw, palta may pax tas tztac' yu'uj, xin chi, xchi Dios.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Is 39:3

Xlajw spaxcn eb' winc cha, 'ix 'at Isaías win schecb' Dios 'a win rey Ezequías, 'ix sc'anb'n 'a 'ixtic: —¿'Ajtil 'ix cot jun tzo'n̈ winc cha? ¿tas xchi eb' 'ayach? xchi. —'Ix cot eb' 'a jun nacion̈ caw najat, atn 'a Babilonia, xchi Ezequías.

Is 5:14

Ax yet'l chamel, 'oj sjac wal sti 'a eb' 'anma', yet' 'a eb' yajl yaj 'a scal eb' 'aj Jerusalén cha; ax sb'u'n 'ejm eb' smasnil, atn eb' 'anma tzcomn 'el yaw.

Is 5:26

'Oj ya' chan̈ jun bandera yil jun tzo'n̈ xo nacion̈, ax xulmj 'at 'a eb' nacion̈ cajn 'a 'aj tzlajw c'och sti lum lum tic. 'Oj yawtc cot eb' 'anma chi 'a caw najt cha, ax sjaw tza'njoc eb' muc'uc.

Jeremías 22:7

'Oj wa' cot eb' 'anma 'ay syamc'ab' yic owl 'a jun despacho tic, yic tzsatn 'el eb'. 'Oj stzu'l eb' te c'ute man̈x jantcoc swach'l yilx 'aych spatzb'iloc, ax sn̈usn can eb'.

Jeremías 4:30

A Jerusalén, tox 'ix 'ixtx 'eli. Lajn tzyutj sb'a 'icha junc 'ix 'ix to nab'axoj tzb'o sb'a yet' te pichl nab'a púrpura. Tzya'n 'och 'ix q'uen oro caw wach' yilx 'a 'a, caw q'uic' tzyutj 'ix ya'n 'och yan̈l yol sat. Wach'xam caw wach' yilx tzyutj ton 'ix sb'on sb'a, palta man̈x 'a jac yel'chi, yujto a ewin winc chamc'ojlb'il cob' yuj 'ix, tox xyajx can 'el 'ix yuj ewinac. A tas tzna ewinac, to tzsay ewin tas 'oj yutc smiln cham 'ix. 'Ixta wal yaj Jerusalén yet' jun tzo'n̈ xo nacion̈.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Jeremías 9:9

¿Tom man̈ smojc wa'n syailal eb' yuj tas tzb'o cha? An Jehová in, an tzwala, to caw smoj wa'n spac 'a junc chon̈b' 'ixta tzb'o'o, xchi Dios.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.

Os 9:5

¿Tas wal 'oj eyutc e b'a, yic 'oj jawc q'uin̈, atn jun tzo'n̈ q'uin̈ yic Jehová?

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Am 5:19

A 'a yic jun c'ul cha, lajn wal 'oj 'aj eb' 'anma 'icha junc mach tz'at 'elc 'a junc no león, ax tz'aji, tojl pax sc'och 'a junc no oso. Mto 'icha pax yic tz'och junc mach 'a yol yatut, tzquiln 'och sc'ab' 'a sat yich n̈a, ax junc no chan tzchini.

Miqueas 7:4

A mach wach' to wal 'a scal eb', lajn wal 'icha te q'ui'ix. A mach tojl to wal tas tzb'o'o, lajn wal 'icha te cacwq'ui'ix. Palta jun, caw la'n xoj sjaw sc'ual yic 'oj 'ajxoc 'och yailal 'a yib'n̈ eb' yuj Dios, 'icha x'aj yaln 'el eb' schecb' yu'uj. Cojxn̈ej somc'ojlal 'oj niwtjoc chan̈ 'a scal eb' 'anma cha.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.