Is 10:13 - Chuj San Sebastian Bible

¹³ Xcob' yal win 'ixtic: Yuj wal sjelnal in nab'en 'ix 'el'ch jun tzo'n̈ xin b'o tic. Caw 'ay in nab'en, yuj cha, xnachj 'el in b'on jun tzo'n̈ tic. Xtechj in jeln smon̈jonal jun tzo'n̈ xo nacion̈. Xlaj wi'n can 'ec' smasnil tas 'ay 'a eb', xtechj pax in te'n can 'ejm eb' rey chi yet' in jelnal.

Chuj San Mateo Bible

¹³ Ix yal vin̈ sreyal Asiria chi' icha tic: Yuj val sjelanil in pensar ix elc'och juntzan̈ ix in c'ulej tic, ix nachaj val in c'ulani. Ix techaj in q'uexan smojonal juntzan̈xo chon̈ab', ix vic'ancanec' masanil tastac ay d'ay. Ix techajpax in tec'ancanem eb' rey chi' yed' vipal.

Is 10:13 Iomraidhean Croise

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ Schab'il Libro Yic Yab'ixal Eb' Rey 16:8

Yuj cha, 'ix yij 'elt Acaz q'uen plata, q'uen oro 'ay 'a yatut Jehová, yet' q'uen 'ay 'a sdespacho, 'ix siyn 'at 'a sreyl chon̈b' Asiria.

A Ch'an̈ Schab'il Libro Yic Yab'ixal Eb' Rey 17:24

A sreyl chon̈b' Asiria 'ix 'i'n cot eb' 'anma 'ayc' 'a Babilonia, 'a Cuta, 'a Ava, 'a Hamat, yet' 'a Sefarvaim, 'ix jaw cajn eb' 'a jun tzo'n̈ chon̈b' 'ay 'a yol yic Samaria sjelc eb' israel.

A Ch'an̈ Schab'il Libro Yic Yab'ixal Eb' Rey 17:6

Ax yic sb'aln̈il xo ab'il yoch Oseas reyal, 'ix 'ajx ganar chon̈b' Samaria chi yuj eb' soldado Asiria. Xlajw cha, 'ix 'ijx 'at eb' israel 'a chon̈b' Asiria yu'uj. Xya'n pural win scan cajn eb' 'a chon̈b' Halah 'a yol yic Habor 'a sti a a yic Gozán, yet' 'a jun tzo'n̈ xo chuc chon̈b'al 'a yol yic eb' Medo.

A Ch'an̈ Schab'il Libro Yic Yab'ixal Eb' Rey 18:11

Ata 'ix yij 'at eb' asirio chi eb' israel, 'ix 'at can eb' yuj eb' 'a chon̈b' Halah, 'a sti a Habor 'a yol yic Gozán, yet' 'a jun tzo'n̈ xo schon̈b' eb' medo.

A Ch'an̈ Schab'il Libro Yic Yab'ixal Eb' Rey 18:15

Yuj cha, 'ix yac' Ezequías q'uen plata 'ayc' 'a yatut Jehová, yet' jantc sricoal 'ay 'a yol sdespacho.

A Ch'an̈ Schab'il Libro Yic Yab'ixal Eb' Rey 18:32

'Oj ec' jun tiempoal eyuj 'ixta', ax wul ex yi'nc eb' soldado win qui reyl on̈, ax ex 'at ya'n win can 'a jun lum lum to lajn yet' eyic tic, tz'el trigo, tz'el uva 'a sat lu'um, ax e b'on e pan, ax eyu'n yal uva, yet' yal chab', slumal olivo yet' aceite, wach' 'oj 'ec' eyu'uj, ma'oj e chami. Palta man̈ e cha eyab' tas tzyal Ezequías cha, yujto ton̈j tzex yixtj paxti' yic tzyaln 'ixtic: A Jehová 'oj qui colnec, xchi cob'i'.

1 Cr 5:26

Yuj wal cha, schecn Dios win Pul, atn win tzcuch pax Tiglat-pileser, sreyl chon̈b' Asiria, yic tzyi'n 'at win eb' rubenita, eb' gadita yet' spacl 'in̈tal eb' yic Manasés 'icha presoal 'a chon̈b' Halah, Habor, Hara, yet' 'a jun tzo'n̈ xo chon̈b' 'ay 'a stitc a Gozán. Ata xcann̈j eb'.

Pr 28:11

A eb' rico caw jeln snab'en eb' snani, palta ax eb' meb'a to jeln snab'en, tztac' yiln 'och eb' snab'en eb' rico cha.

Is 10:8

Yuj cha, xyaln yuj eb' yajl chi 'ixtic: A eb' tic reyn̈j eb' smasnil, an tzwac' mandar eb'.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

Jeremías 46:8

Atn Egipto tzniwtj chan̈ 'icha a Nilo, 'icha a a tzpultz'j 'el 'a sb'e. Yuj cha, xyaln eb' 'aj Egipto 'ixtic: 'Oj qui niwtjec, 'oj qui b'utc sat lum lum tic. 'Oj qui satc 'el jun tzo'n̈ chon̈ab' yet' eb' 'anma cajn 'a 'a, xchi cob' eb'.

Jeremías 48:14

Man̈ yal cab' eb' 'aj Moab 'ixtic: An̈ tic, caw jeln on̈, b'inab'il on̈, to caw 'a'm on̈ owal, man̈ xchic cab' eb'.

Ez 25:3

Al yab' eb' to an Jehová Yajl in, an tzwal 'ixtic: Ax tic, ton̈j xeya'l eyaw, ex tzewji yic xjuw 'ejm watut, yic 'ix 'ixtx 'el chon̈b' Israel, atn yic 'ix 'ijx'at eb' yin̈tl Judá 'a 'icha presoal.

Ez 26:2

Ach 'anma', a eb' 'aj Tiro, 'ix yal eb' 'ixtc 'a yib'n̈ chon̈b' Jerusalén: ¡A Jerusalén tox 'ix lajw 'ejmi! A 'a yic yalan̈, sb'e eb' chon̈wjum yaji, ata tztojcn eb' yic tz'ec' eb' yet' schon̈ cha, ax ticnec, tox xlajw 'ejm jun chon̈b' cha, yuj cha libre xo que'c ticnec yet' qui chon̈, 'oj cochc wal ricoal, xchi eb'.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Ez 35:13

Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Am 5:27

Yujto xe b'eylb'ej sb'eyb'al eb' cha, yuj cha, 'oj ex wa'cn 'at 'icha presoal 'a spatquil 'at Damasco. 'Ixta wal tzwutj waln an Jehová in b'i tic, tztac' wuj smasnil, xchi Dios.

Am 6:13

Ax tic, caw tze b'an̈ e b'a, yujto 'ix 'ejm jun yune chon̈b' Lodebar eyu'uj, palta toc 'ay jac yel'chi, tzeyaln cob'i, to caw tztac' eyu'uj, yic 'ix eyi'n 'ec' chon̈b' Carnaim.

Habacuc 1:11

Cojnn̈ej tz'em junc chon̈b' chi yuj eb', tz'atx eb' 'a junc xo chon̈b' yac' owal. 'Icha wal yec' chacxuxm 'ic', 'ixta wal yec' eb'. Caw tz'och smul eb' 'ayin, yujto a yip eb', a chi tzya'ch eb' sdiosaloc, xchi Dios.

Habacuc 1:16

Tzyac' eb' 'emmquilal 'a schim, yet' 'a slucb' cha. Tzya'n eb' xajmb'al, tzn̈usn eb' incienso yuj sch'oxn 'el eb' yemmquilal. Caw wal tzalj eb', yujto wach' swa eb' yuj syamc'ab' cha.

Habacuc 2:6

Palta a smasnil eb' 'anma 'a jun tzo'n̈ nacion̈ tz'ijx 'ec' cha, 'oj b'uchwjoc eb' 'a eb' caldeo tz'i'n 'ec' lum lum cha, ax laj yalnc eb' 'ixtic: ¡'Oltacx wal ax tic! Caw tzex 'och ricoal yuj tas man̈ eyico'oc. ¿B'a'n̈ wal tzex 'och wan eyecn syam sb'a smasnil tas tze chaj yuj eyixtm 'anma'il? 'oj schic eb'.

Dt 8:17

'Ayt ex xe na 'ixtic: A jun tzo'n̈ qui ricoal tic, 'ix ca'c ganar yet' quip, xe chi ta.

Jueces 7:2

'Ix yaln Jehová 'ixtc 'a Gedeón: Yel xo wal niwn eb' 'anma tic ajun et'oc yuj cha, matz tac' wa'n eb' madianita 'a yol e c'ab'. Q'uinloc tzwac' eb', ax am tz'aji, tzcob' eyalnoc to yuj e jelnal tzeya'n ganar e coln e b'a e ch'ocoj.