Is 1:2 - Chuj San Sebastian Bible

² Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Chuj San Mateo Bible

² Ex aj satchaan̈ yed' ex aj sat luum, ab'ec val tas syal Jehová: A eb' in chon̈ab' tic, ix in q'uib'tzitej eb' ayic ix cotoch eb' uninal, axo ix aji, ix meltzajoch eb' ajc'olal d'ayin.

Is 1:2 Iomraidhean Croise

A Ch'an̈ Schab'il Libro Yic Yab'ixal Eb' Rey 21:22

'Ix yactj can win Jehová, atn sDiosal eb' smam yicham, ma'ix sb'eylb'ej win schecnb'il Jehová.

Salmos 49:1

Tzcham wal eyab'n jun tic ex wit chon̈ab', ex to cajn ex 'a smasnil chon̈b' 'ay 'a yolyib'n̈q'uinl tic;

Salmos 50:4

A 'a cha'an̈, ata tzyawtj Dios eb' 'aj satcha'an̈ yet' eb' 'aj sat lu'um, sec tzyil eb' sb'eyc'ojlax schon̈b' Dios.

Is 30:1

A Jehová a tzaln 'ixtic: 'Oltac wal eb' 'anma 'e'nc 'a yib'an̈, til wal tas tzna eb' sb'on 'a mun yol yico'. Matz yal eb' wab'i', tzcomn b'on eb' junc strato 'a mun yol yico', palta man̈oc in tzwac' sb'o eb', yuj ton wal cha, caw tzniwtj smul eb' 'a yib'an̈.

Is 30:9

A eb' in chon̈b' tic, caw 'e'nc eb' 'a yib'an̈, 'a'm 'es eb', matz nib'j eb' yab' in paxti an Jehová in tic.

Is 31:6

Ex yin̈tl can Israel, meltzjan̈c 'a jun mach 'ajtil caw tenmtac xeyutj e b'a.

Is 34:1

Ex chon̈ab', nitzc cot e b'a yic tzex 'ab'xni, ex nacion̈ macljec eyab' tas 'oj alxoc. Yab' cab' pax yolyib'n̈q'uinl tic yet' smasnil tas 'ay 'a 'a.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Is 65:2

An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin. Palta cojn maysch'olnil tzb'eylb'ej eb'. A tas tznib'j eb' sb'o', a chi tzb'o eb'.

Jeremías 13:15

Ex wit israelal, caw man̈ eyi' chan̈ e b'a. Macljec wal eyab' tas 'ix yal Jehová.

Jeremías 22:29

¡Ex cajn ex 'a jun nacion̈ tic, macljec eyab' wal tas tzyal Jehová!

Jeremías 3:22

Ex 'anma to caw tenmtac, cotn̈ec pax 'ayin, 'oj in b'o jun e nab'en caw tenmtac cha, xchi Dios. 'Ix ta'w eb' israel 'ixtic: Caj on̈, tzca'ch qui b'a 'a yol a c'ab' on̈, yujto ach tic, Jehová qui Diosal ach on̈.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Jeremías 6:19

'Ab'c ex cajn ex 'a sat lum tic. 'Oj wi' cot yailal caw maysch'olnil 'a yib'n̈ jun chon̈b' tic, yuj tas tu tzna eb' sb'oni; yujto ma'ix schaj eb' yab' in paxti'. A yic eb', to 'ix spatquilj can 'el eb' in checnb'il.

Ez 24:3

Alcn 'el jun 'ab'x tic 'a ch'oxnb'ilal, tzaln 'a jun chon̈b' tenmtac tic 'ixtic: 'Ixtc wal xyutj Jehová Cajlil yaln 'ayin: 'Ac' q'ue junc chen 'a yib'n̈ c'ac', tza'n 'ejm a 'a yojol.

Ez 36:4

Yuj cha, an Jehová in, an tzwal 'ayx 'ixtc ex israel, to tze chaj eyab' in paxti tic, jantcn̈ej ex to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an, 'a eb' lum chon̈b' mac'b'il 'ejmi, 'a eb' lum chon̈b' cusltac yajcn sch'ocj 'a yol e macb'en cha, eb' chon̈b' to c'uxn 'elc'b'il 'at tas 'ay 'a yuj jun tzo'n̈ xo nacion̈ 'a sla'nil cha, atn eb' tzb'uchwj 'ayex.

Am 3:1

Ex wit israelal, 'ab'c wal tas tzyal Jehová, atn jun 'ijnac 'elt eb' qui mam quichmec 'a Egipto, a tzaln 'ixtic:

Miqueas 1:1

An Miqueas in tic, ata cajn in 'a chon̈b' Moreset 'a yol yic Judá. A yic xlaj 'ec' ewin tic reyl 'a Judá, atn Jotam, Acaz, yet' Ezequías, ata sch'ox Jehová wil 'a 'icha waychil yuj tas wan sjaw 'a yib'n̈ Samaria yet' Jerusalén. Yuj cha, xwaln 'ixtic:

Miqueas 1:2

E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.

Miqueas 3:8

An xo pax an tic, 'aych Yespíritu Jehová 'ayin, a tz'a'n wip, tzya'n wojcoc 'aj 'ay tojlal. Yuj wal cha, caw tzin te'wtzej in b'a waln 'och jantc smul eb' wit israelal 'a sat.

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

A Tas Sc'ulejnac Eb' Schecab' Jesús Hechos 4:20

Yuj cha, toxn matz tac' cactn can caln 'el yab'xil tas xquil on̈, yet' tas xcab' on̈, xchi eb'.

Dt 1:31

yet' pax tas quiljnaquec 'a lum cusltac lu'um. A Jehová qui Diosalec, 'icha to quetzb'iln̈ec yu'uj, yic on̈ yi'nec cot 'a yol b'e, masnto on̈ jawc 'a jun lugar tic. 'Icha wal tzyutj squetzn b'ey junc mamb'il yunnal mto yisil, 'ixta 'on̈ yutjec.

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

Dt 32:1

Yab' cab' satcha'an̈, yet' lum lu'um, tas 'oj wala'.

Dt 4:26

Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.