Is 1:12 - Chuj San Sebastian Bible

¹² ¿Mach xc'ann jun tzo'n̈ chi 'ayex, yuj cha, tzex comn jaw 'a wojltac yet'oc? Ax tz'aji tze comn te'n yamq'uil sti watut.

Chuj San Mateo Bible

¹² ¿Mach ix c'anan juntzan̈ chi' d'ayex, yuj chi' tzex comon javi yed' noc' chi' d'a vichan̈, tze comon tec'an yamaq'uil in templo?

Is 1:12 Iomraidhean Croise

Salmos 40:6

Ach tic matz a nib'j no noc' tz'ajx xajmb'alil, yet' jun tzo'n̈ xo tas tz'ajx ofrendail. May xon junc xajmb'al xa c'ana, no xajmb'al to tz'a smasnil, no xajmb'al yic tz'ajx lajwc mul. A eco' to 'ix a jac in chiquin sec yiclum tzwutj in b'a 'ayach.

Ex 23:17

An Jehová in, an tzwala, to yowlal 'ox 'ejm tzjaw smasnil eb' winc 'a wojltac, atn 'a yic tze nan 'oxe q'uin̈ tic 'a junjn ab'il.

Ex 34:23

An Jehová in an tzwala. Yowlal 'ox 'ejm tzjaw smasnil eb' winc 'a wojltac, atn 'a yic tze nan 'oxe q'uin̈ chi 'a junjn ab'il.

Ec 5:1

A yic tzon̈ c'ochc 'a yatut Dios, yel xo wach' tzqui nitzc 'ochch qui b'a yic tzqui maclniec cab' tas tzalxi, 'a yib'n̈ to tzqui comn ta'wjec junc tas 'icha cob' tzyutj sb'a eb' may snab'en. A eb' cha, matz na eb' toto tu tas tzb'o eb'.

Jeremías 7:11

Am tze na'a, to a jun watut tic, lajn 'icha junc n̈aq'uen 'aj tzc'ub'j 'el sb'a eb' 'elc'um. An Jehová in, an tzwala, to an tic tzwil smasnil tas tze b'o'o.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Zacarías 7:5

Al 'ixtc 'a smasnil eb' 'anma 'a jun nacion̈ tic, yet' 'a eb' ya'mal 'och sti eb' 'ayin: Ax tic, 'ayx 70 ab'il xo e c'ojl e b'eylb'an eya'n 'och te pichl n̈achtac yic cusc'ojlal, yic tzex 'och pax 'a c'ajb'c'ojlal 'a yotquil 'uj yet' 'a yucl 'uj 'a junjn ab'il, palta ¿tom yujto 'ay wel'ch 'a e sat, yuj cha, tze b'on jun tzo'n̈ cha?

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.