Is 1:1 - Chuj San Sebastian Bible

¹ An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Chuj San Mateo Bible

¹ A in Isaías in tic, yuninal in vin̈aj Amoz. Ix ch'oxji vil juntzan̈ tas ix in tz'ib'ejcan tic yuj tas ol javoc d'a yib'an̈ eb' aj Judá yed' eb' aj Jerusalén. Ix vil juntzan̈ tic ayic ayoch eb' vin̈ tic sreyaloc Judá: Aton vin̈aj Uzías, vin̈aj Jotam, vin̈aj Acaz yed' vin̈aj Ezequías.

Is 1:1 Iomraidhean Croise

A Ch'an̈ Schab'il Libro Yic Yab'ixal Eb' Rey 15:1

A yic 27 ab'il xo yoch Jeroboam reyl 'a chon̈b' Israel, 'ix schan 'el yich Azarías yunnal Amasías ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 15:13

A Salum yunnal Jabes, 'ix schaj 'el yich ya'n reyal, yic 39 ab'il xo yoch Uzías reyl 'a Judá. Jun 'uj 'ix yac' reyl 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 15:32

A yic chab' xo ab'il yoch Peka, yunnal Remalías reyl 'a chon̈b' Israel, 'ix schan 'el Jotam yunnal Uzías ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 15:7

A yic 'ix cham Azarías, ata 'ix mucx 'a 'aj mucn eb' smam yichm 'a Schon̈b' David. Xlajw cha, ax win Jotam cha, a win 'ix wach' 'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 18:1

A yic yoxl ab'il xo yoch Oseas yunnal Ela reyl 'a chon̈b' Israel, 'ix schan 'el Ezequías yunnal Acaz ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 19:2

'Ix schecn 'at win rey win Eliaquim mayltoma yaj 'a sdespacho, yet' Sebna tz'ib'n 'ab'ix, yet' pax eb' ya'mal 'och sti eb' 'anma 'a Dios to 'ichm winc xo. 'Ix ya'ch ewin spichl n̈achtac sat, 'ix 'at eb' 'a win schecb' Dios, atn win Isaías yunnal Amós.

2 Cr 26:1

Yuj cha, ax smasnil eb' 'aj Judá, 'ix ya'ch eb' win Ozías reyl sjelc Amasías, atn smam. Waclajn̈e ab'il sq'uinl Ozías cha.

2 Cr 26:22

Ax jantcto yab'xil tas 'ix 'el sb'on Ozías, yictax x'el yich, masnto 'a slajub', 'ix stz'ib'j can Isaías, atn schecb' Dios yunnal Amós.

2 Cr 27:1

A Jotam 25 ab'il sq'uinal, yic schan 'el yich ya'n reyal, waclajn̈e ab'il xyac' reyl 'a Jerusalén. Jerusa sb'i snun, yisl win Sadoc 'ix.

2 Cr 28:1

A Acaz cha, junc'l ab'il sq'uinal yic schan 'el yich ya'n reyal. Waclajn̈e ab'il xyac' reyl 'a Jerusalén, palta man̈ tojloc tas x'el sb'on 'a sat Jehová, man̈ 'ichaoc yic David, atn smam yicham.

2 Cr 29:33

A smasnil no xyac' eb', waque ciente no mam wacax, yet' 'oxe mil no calnelu mto chiwo.

Salmos 89:19

Mamin Jehová, a 'a yic pecti cha, 'icha waychil 'ix otj paxtinc a b'a 'a eb' a checb' caw 'aych sc'ojl 'ayach. 'Ix aln 'a eb' 'ixtic: A 'a scal eb' in chon̈b' tic, ata xin sic' 'elt jun winc caw jeln ya'n owal, an 'ix wac' q'ue'choc 'a yopiso, an tzin colwj yet'oc.

Is 13:1

'Aycto yaln can Dios 'a win Isaías, win yunnal Amoz, tas jun tzo'n̈ 'oj jawc 'a yib'n̈ chon̈b' Babilonia, yic yaln 'a win 'ixtic:

Is 2:1

'Aycto 'ix ch'oxx can jun tzo'n̈ tic yil win Isaías, atn win yunnal Amoz, yuj tas wan sjaw 'a yib'n̈ chon̈b' Judá yet' Jerusalén.

Is 20:2

A 'a jun tiempoal cha, ata xyal Jehová 'ixtc 'a win Isaías, win yunnal Amoz: 'Ij 'el a pichl n̈achtac 'aych o'oj, tze'n 'el 'a xan̈ab', xchi 'a winac. 'Ix syiclni Isaías sb'on 'icha x'aj yalx 'a cha, xyij 'el xan̈ab', xyi'n 'el spichul, cojxn yojl spichl chi xcani.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 37:2

'Ix schecn 'at win rey win Eliaquim mayltoma yaj 'a sdespacho, yet' Sebna tz'ib'n ab'ix, yet' pax eb' ya'mal 'och sti eb' 'anma 'a Dios to 'ichm winc xo. 'Ix ya'ch ewin spichl n̈achtac sat, 'ix 'at eb' 'a win schecb' Dios, atn win Isaías, yunnal Amoz.

Is 38:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amoz, win schecb' Dios, 'ix 'at win 'at yila', 'ix yaln win 'ixtic: —Tox 'ix yal Jehová oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi Isaías cha.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Is 6:1

A 'a jun ab'il 'aj chamnc win rey Uzías, ata sch'ox sb'a Cajlil 'ayin. Wocn 'ejm 'a sdespacho 'a caw cha'an̈, ax yol yatut b'ut'jnac 'el yuj sti spichul.

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.

Jeremías 23:16

A Jehová tztac' yuj smasnil, a 'ix aln 'ixtic: Ex israel, man̈ e cha eyab' tas tzyal eb' tzyalch sb'a in checb'oc cha, yujto a tas tzya'ch eb' yipc e c'ojol, caw man̈ yeloc. Mun tzpitz chan̈ eb', man̈oc in tzwac' yal eb'.

Ez 1:1

An Ezequiel in tic, yunnaln win Buzi, an xin tz'ib'j jun libro tic. Ya'mal 'och sti eb' 'anma waj 'a Dios. Ata 'ayn 'ec' 'a sti jun a a tzcuch Quebar 'a yol yic Babilonia. 'Ayn 'och 'a scal eb' 'aj Judá 'ijxnac cot 'icha presoal. A 'a yic yol c'u yoch schan̈l 'uj yic ab'il 30, atn 'a yic tox 'ix 'ec' o'e ab'il yijx cot win rey Joaquín 'icha presoal, ata 'ix wil jun tic, 'icha to 'ix jacw satcha'an̈, 'ix sch'oxn sb'a Jehová Dios 'ayin, xya'n jawc spoder 'a wib'an̈.

Os 1:1

An Oseas in tic, yunnal in Beeri, 'ix paxtin Jehová 'ayin, yic xya'n ewin tic reyl 'a chon̈b' Judá: Atn Uzías, Jotam, Acaz, yet' Ezequías, ax Jeroboam yunnal Joás, a 'aych reyl 'a chon̈b' Israel.

Am 1:1

An Amos in tic, cajm in noc' 'a chon̈b' Tecoa, a yic 'aych win Uzías reyl 'a chon̈b' Judá, ax Jeroboam, yunnal Joás, a 'aych reyl 'a Israel. Chab'oct ab'il sjaw jun niwquil quixcab' 'a jun chon̈b' tic, 'ix yaln Dios 'ayin to tzwal jun tzo'n̈ paxti tic 'ixtc 'a yib'n̈ chon̈b' Israel.

Am 4:5

'A'c tz'a 'ixm pan may yich ofrendail yuj e alj yuj diosal. Alc 'el 'a scal smasnil 'anma', yuj jantc eyofrenda tz'el wal 'a e c'ojl eya'ni, 'in a chi caw tze nib'j e b'o'.

Miqueas 1:1

An Miqueas in tic, ata cajn in 'a chon̈b' Moreset 'a yol yic Judá. A yic xlaj 'ec' ewin tic reyl 'a Judá, atn Jotam, Acaz, yet' Ezequías, ata sch'ox Jehová wil 'a 'icha waychil yuj tas wan sjaw 'a yib'n̈ Samaria yet' Jerusalén. Yuj cha, xwaln 'ixtic:

Nahúm 1:1

An Nahúm in tic, ata cajn in 'a jun aldea tzcuch Elcos. A 'ayn xyal Dios yuj jun tzo'n̈ paxti 'a 'icha waych'il yuj tas 'oj jawc 'a yib'n̈ chon̈b' Nínive.

Habacuc 2:2

'Ix yaln Jehová 'ayn 'ixtic: A tas 'oj in ch'ox 'aych tic, wach' tzotj a tz'ib'n can 'a jun pachc lum tz'acb'il lu'um, sec a mach 'oj 'awtnoc, wach' 'oj yutc yi'n b'ey jun tzo'n̈ paxti tic.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Nm 24:16

Tzwab' tas tzyal Dios, wojc paxi tas nab'ilx yuj jun tztac' yuj smasnil, 'icha waychil tzwutj wiln Dios. Man̈xtzac in na tas tzin 'aji, palta wach' wiln yet' in sat.

Nm 24:4

Tzwab' tas tzyal Dios, 'icha waychil tzwutj wiln Dios tztac' yuj smasnil. Man̈xtzac in na tas tzin 'aji, palta wach' wiln yet' in sat.

Mt 17:9

Yic wan yempaxt eb' 'a jun tzaln cha, 'ix yaln Jesús 'ixtc 'a eb': —'Ayt 'aj xeyal jun xeyil tic. At yic 'oj in pitzw pax An 'Ochnc in 'Anmal tic 'a scal eb' chamnac, atta 'oj eyal-li, xchi 'a eb'.

A Tas Sc'ulejnac Eb' Schecab' Jesús Hechos 10:17

Wanto snan Pedro tas wal yaj jun tzo'n̈ cha, 'ix c'och eb' schecb' Cornelio 'a sti n̈a. Tox sc'anb'j eb' yab'i', 'aj 'ay jun yatut win Simón cha.

A Tas Sc'ulejnac Eb' Schecab' Jesús Hechos 26:19

Yuj wal cha, ach rey Agripa, in yicljnac tas wul yaljnac Jesús 'ayin, yic scot 'a satcha'an̈, wul sch'oxnc sb'a 'ayin.

2 Co 12:1

Nab'a tzwixtj in b'a waln in b'a wach'il. Yel xo wach' tzwalb't 'ayx yuj jun tzo'n̈ 'icha waychil wiljnac, yet' jun tzo'n̈ xo tas ch'oxb'il 'ayn yuj Cajlilec.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.