A Ch'an̈ Carta D'a Eb' Hebreo 9:1 - Chuj San Sebastian Bible

¹ A 'a jun b'ab'l trato, 'ay jun tzo'n̈ checnb'il tzyala, tas tzyutj eb' ya'w servil 'a jun scajnub' Dios 'ay 'a sat lum tic.

Chuj San Mateo Bible

¹ A d'a jun b'ab'el trato, ay juntzan̈ checnab'il syala' tas syutej eb' yac'anem sb'a d'a Dios b'aj ay scajnub' d'a sat luum tic.

A Ch'an̈ Carta D'a Eb' Hebreo 9:1 Iomraidhean Croise

Ex 25:8

Tze b'on junc in cajnub', sec wach' tzin can cajn 'a e cal.

Ez 43:11

Toto 'oj q'uixwc chan̈ eb' yuj tas xlaj sb'o cha, to 'ixta', tza ch'ox yil eb' tas yaj watut sb'o'i, tastc 'ay 'a yojol, chajtl pax yilx smac 'aj tzon̈ 'ochi yet' 'aj tzon̈ 'el paxta, yet' pax jantc yechl 'a smasnil. Tzaln yab' eb' jun tzo'n̈ ley tas tz'aj yoch 'emmquilal 'a watut tic. B'o yechl chi yil eb', tza tz'ib'n pax smasnil jun tzo'n̈ ley cha, sec 'oj stac' syiclni eb'.

Lv 18:30

Yuj cha, b'eylb'ejc in checnb'il, man̈ e b'eylb'oc jun tzo'n̈ b'eyb'al to yajb'entac, yujto a jun tzo'n̈ tic sb'eylb'ej eb' 'anma b'ab'l cajjnac lum lum chi 'ayex, man̈ eyixtc 'el e b'a yu'uj. An Jehová e Diosal in, an tzwala, xchi Dios.

Lv 22:9

Al 'a eb' to tzyiclj eb' in checnb'il tic, yic wach' matz 'och smul eb', sec matz cham eb' yuj may yel'ch in checnb'il 'a sat eb'. Yujto an Jehová in, an in si'jnac 'och eb' wico'oc.

Nm 9:12

Matz yactj can eb' jacx no calnelu 'ac'b'il xajmb'al-l 'a yic junx c'u, matz tac' pax sma'n poj eb' sb'acl no'. 'Icha wal 'ix wutj walni, 'ixta tzeyutj e nan jun q'uin̈ cha.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

A Scarta San Pablo D'a Eb' Aj Colosas 2:8

Tzeyil wal e b'a. Man̈ e cha juwc 'el e nab'en yuj jun tzo'n̈ eb' jeln tzyutj yaln yico'. Caw jeln eb' ya'n 'es, palta may jac yel'ch tas tzyal eb' cha, yujto man̈oc 'a Cristo tzcot jun yic eb' cha. An̈j sb'eyb'al yic smam yichm eb' tzyala, yet' jun tzo'n̈ xo cuynb'il yic yolyib'n̈q'uinl tic.

A Ch'an̈ Carta D'a Eb' Hebreo 8:13

Yic yaln Dios yuj jun yac' trato tic, sch'oxo, to 'ichm xo jun sb'ab'l trato. Q'uinloc 'ay junc tas tz'ichmax ticnec, tzlajw yopiso. Toto 'ixta', jab'xoj ax swach' satli.

A Ch'an̈ Carta D'a Eb' Hebreo 8:2

Wan ya'n 'och qui tic 'a 'a. 'Ayc' 'a yojl jun caw yel yatut Dios, atn jun mun b'ob'il yuj Cajlilec cha. Man̈ 'anmac b'ojnac.

A Ch'an̈ Carta D'a Eb' Hebreo 8:7

Q'uinloc may junc tas tzyac' palta 'a jun sb'ab'l trato cha. Toto 'ixta', man̈x yowlalc 'ix yac' junx schab'l trato tic.

A Ch'an̈ Carta D'a Eb' Hebreo 9:24

Yujto a Cristo, man̈ 'ochncoc 'a yojl jun scajnub' Dios b'ob'il yuj 'anma', yujto a jun cha, yechln̈ej jun caw yel scajnub' Dios. At 'a satcha'an̈, atta 'ochnac. Ax ticnec, 'ayc' 'a yojltac Dios, yic tzya'n 'och qui tic 'a 'a.