A Ch'an̈ Carta D'a Eb' Hebreo 7:3 - Chuj San Sebastian Bible

³ Man̈ checloc mach smam snun, yet' smam yicham. Yic yalji, yet' yic schami, may tas tzyal yu'uj. Yuj cha, sch'oxnb'il Yunnal Dios yaj winac, atn jun tz'a'n 'och qui tic 'a Dios 'a smasnil tiempo.

Chuj San Mateo Bible

³ Man̈ chequeloc mach smam snun vin̈, mach pax smam yicham vin̈. Malaj b'aj syalcan d'a Slolonel Dios Tz'ib'ab'ilcan yuj yaljub'al vin̈ yed' pax yuj schamel vin̈. Yuj chi' sch'oxnab'il Yuninal Dios yaj vin̈, yujto ochnac vin̈ sacerdoteal d'a masanil tiempo.

A Ch'an̈ Carta D'a Eb' Hebreo 7:3 Iomraidhean Croise

Ex 6:18

A win Coat cha, 133 ab'il 'ix yila. Ax eb' yunnal, atn eb' tic: Amram, Izhar, Hebrón, yet' Uziel.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

A Ch'an̈ Carta D'a Eb' Hebreo 4:14

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

A Ch'an̈ Carta D'a Eb' Hebreo 7:1

A win Melquisedec, sreyl chon̈b' Salem win 'a pecti'. Ya'mal 'och pax sti eb' 'anma win 'a Dios, atn jun caw niwn yel'chi. A 'a jun 'el, xit'nc Abraham yac' owl yet' jun tzo'n̈ eb' rey, yic yajx ganar eb' yu'uj. Ax yic spaxta, ax win Melquisedec xit' c'umnoc 'a yol b'e. Sc'anjnac win swach'c'ojlal Dios 'a yib'an̈.

A Ch'an̈ Carta D'a Eb' Hebreo 7:17

Yujto yaljnac Dios 'ixtc 'a 'a: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi.

A Ch'an̈ Carta D'a Eb' Hebreo 7:2

Ax Abraham cha, jantcn̈ej tas xit' yac' ganar 'a jun owl cha, c'uxn xya'cn sdiesmoal 'a winac. A Melquisedec, tzyal 'el'chi, rey caw tojol. An̈jtona', sreyl pax chon̈b' Salem. A Salem, tzyal 'el'chi, junc'ojlal. Yuj cha, tzcuchn pax win Melquisedec cha, rey yic junc'ojlal.

A Ch'an̈ Carta D'a Eb' Hebreo 7:6

Ax win Melquisedec cha, wach'xam man̈ yin̈tloc Leví, palta schajnac sdiesmo Abraham, atn jun 'aj ya'jnac Dios sti'. Sc'anjnac can win swach'c'ojlal Dios 'a yib'n̈ Abraham cha.