A Ch'an̈ Carta D'a Eb' Hebreo 5:2 - Chuj San Sebastian Bible

² A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

Chuj San Mateo Bible

² Lajan eb' sat sacerdote chi' qued'oc, yujto malaj stec'anil eb'. Yuj chi' syal nivan syutej sc'ool eb' d'a eb' max nachajel yuuj yed' d'a eb' tz'em d'a junoc spaltail.

A Ch'an̈ Carta D'a Eb' Hebreo 5:2 Iomraidhean Croise

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Is 29:24

A eb' matz nachj 'el yu'uj, 'oj cuychjoc 'el jelnal yuj eb', ax eb' b'uchwjum, 'oj scha eb' yab' in cuynb'il, xchi Dios.

Is 30:11

'Eln̈ec 'a yol qui b'e 'on̈. A jun Dios To Cojxni, atn qui Diosal an̈ israel on̈, caw man̈ eyal cot 'ayon̈, xchi eb'.

Lc 22:32

Palta caw in tew 'a Dios o'oj, sec matz ej 'el a c'ojl 'a 'a. Ach tic, a yic 'oj meltzj paxt a nab'en 'ayn jun 'ejm xo, tzac' ste'nal eb' o'tac, xchi 'a 'a.

2 Co 11:30

Toto tzin b'an̈ in b'a, 'oj in b'an̈ ton in b'a yuj jun tzo'n̈ wan waln 'at 'ayx tic, yujto a jun tzo'n̈ tic tzch'oxni, to may jac wel'chi.

2 Co 12:5

A jun winc cha, an̈j 'oj stac' in b'an̈ni, palta an xo tic, ma'oj in b'an̈ in b'a. 'Ay jun tzo'n̈ tas 'aych 'a wib'an̈, a tzch'oxni, to may wel'chi. An̈j chi 'oj wala', yic tzcob' in b'an̈nc in b'a jab'oc.

Gl 4:13

Eyojtac, a yic in b'ab'l 'ec' 'ayx ta', yuj wal jun yab'il 'ochnc 'ayin, waln 'el wach' 'ab'x 'a e cal.

Ef 4:18

Ax snab'en eb', caw q'uic'q'uinl yaji. May xon jac sq'uinl eb' tzyac' Dios 'a jun 'ejmn̈ej. Yuj spitl eb', yuj cha, man̈ jac tznachj 'el yuj eb'.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

A Ch'an̈ Carta D'a Eb' Hebreo 12:13

Caw tze say jun tojl b'eyb'al 'aj tzex b'eyi. Toto 'ixta', ax xo 'icha to coxo eyoc, 'oj wach' b'o e nab'en, ma'oj e wach' juwi.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

A Ch'an̈ Carta D'a Eb' Hebreo 2:18

Caw xyab' syail, yic 'ix 'ajx prowal. Yuj cha, a ticnec tztac' yoch quet'ec, yic tzon̈ 'ajxec prowal jun xo.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 7:28

Yuj ley yic Moisés, a eb' 'ochnc sat ya'malc 'och sti eb' quit chon̈b'ec 'a Dios, 'anman̈ej eb'. Palta a yic slajw yopiso jun ley cha, mun slocjnac Dios sb'i, yic ya'n yopiso junx sat ya'mal 'och qui ti 'a 'a, atn Yunnal. Yaljnac Dios yu'uj, chajtlto tz'acn 'a smasnil.

A Ch'an̈ Carta D'a Eb' Hebreo 9:7

Palta ax 'a jun schab'l cuarto cha, cojxn jun sat ya'mal 'och sti eb' 'anma 'a Dios 'ochnac. Cojn jun 'ejm tz'och 'a junjn ab'il. A yic tz'ochi, yowlal yet' schic'l no noc', yic tzya'n yuj smul, yet' pax yuj smul eb' quit chon̈b'ec.

Santiago 5:19

Ex wu'tac, ex wanab', toto 'ay eb' 'a e cal, tzya'lj yi'n 'el snab'en 'a jun cuynb'il caw yel, comnoc 'ay ex, tze montj eb', sec tzya'ch wal eb' snab'en 'a jun 'ejm xo.

A Sb'ab'el Carta San Pedro 2:25

A 'a yic yalan̈, lajn on̈c 'icha jun tzo'n̈ calnelu pucnc can 'ati. Palta ax ticnec, on̈ meltzjec cot 'a Quilmalec, atn jun tzon̈ tan̈wniec.

Jueces 2:17

Palta a eb' israel cha, ma'ix schaj eb' yab' tas xyal eb' tzcoln eb' cha, palta to 'ix 'och tz'a'n eb' yuj jun tzo'n̈ comn dios, atn jun tzo'n̈ 'aj tzyac' 'ejm sb'a eb'. Yajn̈j cha xyi'n 'el sb'a eb' 'a jun b'eyb'al sb'eylb'ejnac eb' smam yichm eb'. A wal eb' smam yichm eb' cha, caw yiclum yutjnac sb'a eb' 'a schecnb'il Jehová, palta ax eb', man̈ 'ixta'oc xyutj sb'a eb'.