A Ch'an̈ Carta D'a Eb' Hebreo 5:1 - Chuj San Sebastian Bible

¹ Junjn eb' sat ya'mal 'och sti eb' israel 'a Dios, sic'b'il 'el eb' 'a scal eb' yit 'anma'il. Tz'ajx yopiso eb' ya'n 'och sti eb' 'anma 'a Dios. Tzya'n pax eb' jun tzo'n̈ ofrenda yet' jun tzo'n̈ xajmb'al yuj smul eb' 'anma cha.

Chuj San Mateo Bible

¹ A junjun eb' sat sacerdote a d'a co cal a on̈ anima on̈ tic sic'jielta eb'. Tz'ac'ji yopisio eb' yac'anoch co ti' d'a Dios, syac'an ofrenda eb' yed' silab' sn̈usji yuj co mul.

A Ch'an̈ Carta D'a Eb' Hebreo 5:1 Iomraidhean Croise

Lv 8:2

'Ij cot Aarón yet' eb' yunnal, tze'n pax cot spichl eb' tzya'ch 'a yic tzyiln yopiso ya'malc 'och sti eb' 'anma 'ayin, yet' pax perjuma tzc'anlb'ax 'a yic tzsi'x can 'och eb' 'a yopiso cha. Tze'n cot pax junc no quelm wacx 'oj 'ajxoc xajmb'al-l yuj yajx lajwc mul, chawn̈oc no calnelu, yet' junc yune xuc 'ixm pan may yich.

Lv 9:7

Xlajw cha, xyaln Moisés 'ixtc 'a Aarón: Nitz cot a b'a 'a stz'ey yet'l xajmb'al tic, tza'n no noc' chi a xajmb'alc yuj a mul yet' no xajmb'al tz'a'i, yic tz'ajx lajwc a mul cha. Tza'n pax no xajmb'al yuj yajx lajwc smul eb' quit israelal, 'icha wal xyutj Jehová yalni, xchi Moisés 'a Aarón.

Ro 15:17

Yujto 'ayx 'och in c'ojl a Cristo Jesús, yuj cha, tztac' walni, chajtlto caw 'ay yel'ch jun munljel tic tzin b'o 'a Dios.

1 Co 15:3

A jun tzo'n̈ cuynb'il in chajnac, atn in b'ab'l aljnac 'ayex. To a Cristo 'ix cham yuj qui mulec, 'icha yaj stz'ib'x can 'a Ch'an̈ U'un̈.

A Ch'an̈ Carta D'a Eb' Hebreo 10:11

Jantcn̈ej eb' ya'mal 'och sti eb' quit chon̈b'ec 'a Dios, 'ayc'n̈ej eb' 'a junjn c'u, yic tzmunlj eb' 'a yopiso. Til wal 'ejm tzyac' eb' jun tzo'n̈ xajmb'al cha. Palta a jun tzo'n̈ cha, matz tac' yi'n 'el jac qui mulec.

A Ch'an̈ Carta D'a Eb' Hebreo 10:12

A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios.

A Ch'an̈ Carta D'a Eb' Hebreo 11:4

A Abel, caw ya'jnac 'och Dios 'a sc'ojol. Yuj cha, a jun xajmb'al ya'jnac 'a Dios, caw wach' 'a yib'n̈ yic win Caín. Yuj cha, yaljnac Dios yu'uj, to wach' 'a sat, yujto caw xchaj jun xajmb'al cha. Wach'xam chamnc xo winac, palta 'icha to an̈ja tzat yal 'ayn̈ec, yujto ya'jnac 'och 'a sc'ojol.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.

A Ch'an̈ Carta D'a Eb' Hebreo 8:3

Junjn eb' sat ya'mal 'och sti eb' quit chon̈b' 'a Dios, 'ay yopiso eb' ya'n jun tzo'n̈ ofrenda 'a 'a, yet' jun tzo'n̈ xajmb'al. Yuj cha, yowlal 'ay pax tas tzyac' Jesucristo 'a Dios.

A Ch'an̈ Carta D'a Eb' Hebreo 8:4

Q'uinloc an̈ja 'ayc' 'a yolyib'n̈q'uinl tic ticnec. To 'ixta', may am yopiso ya'n 'och qui tic 'a Dios, yujto 'ay jun tzo'n̈ xo eb' 'ay yopiso 'ixta', tzyac' eb' jun tzo'n̈ ofrenda 'icha tzyal ley yic Moisés.

A Ch'an̈ Carta D'a Eb' Hebreo 9:9

A jun tzo'n̈ cha, ch'oxnb'il yaj 'ayn̈ec 'a jun tiempoal tic. A eb' 'anma 'ixta tzyutj yaln sb'a 'a Dios, matz tac' sb'o snab'en eb' yuj jun tzo'n̈ ofrenda, yet' jun tzo'n̈ xajmb'al cha.