A Ch'an̈ Carta D'a Eb' Hebreo 4:11 - Chuj San Sebastian Bible

¹¹ Yuj cha, ca'c wal 'ip cochc 'iljoc yuj Dios, sec wach' may junc on̈ec tzqui b'eylb'ej sb'eyb'al eb' ma'ix ya'ch 'a sc'ojl cha.

Chuj San Mateo Bible

¹¹ Yuj chi', caq'uec val quip cac'anoch Dios d'a co c'ool yic ol on̈ och d'a junc'olal chi'. Malajocab' junoc on̈ sco b'eyb'alej sb'eyb'al eb' spitejnac sb'a chi'.

A Ch'an̈ Carta D'a Eb' Hebreo 4:11 Iomraidhean Croise

Mt 11:12

Yictax syamn 'och Juan ya'w bautisar, masnto ticnec, til wal 'anma yelc'ojlal tz'och 'a yol sc'ab' Dios. 'Ay eb' te'n tzyutj sb'a, caw tzyac' eb' 'ip ya'n 'och sb'a 'a yol sc'ab'.

Mt 7:13

'Ay jun 'icha puerta lot'an, ata tzex 'ochi. Yujto 'ay pax junx 'icha puerta caw lewan, ax jun b'e tz'ec' ta', caw lewn sat, palta a 'a yailal 'aj tzc'ochi. Til wal 'anma tz'at 'a jun b'e cha.

Lc 13:24

—'A'c eyip eyoch 'a jun 'icha puerta lot'an. Yujto tzwal 'ayex, caw niwn eb' 'oj cob' snib'c 'och sb'a, palta ma'oj stac' yoch eb'.

Lc 16:16

A ley yic Moisés yet' tas yaljnac can eb' schecb' Dios pecti', 'ochnc yopiso masnto 'a yic swulc' win Juan Bautista. Ax ticnec, at xo yic swulc' win Juan cha, syamchj can pax 'och yalx 'el wach' 'ab'ix, chajtl tz'aj eb' 'anma yoch 'a yol sc'ab' Dios. Yuj cha, c'uxn tzyac' eb' 'ip ya'n 'och sb'a 'a yol sc'ab'.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

A Tas Sc'ulejnac Eb' Schecab' Jesús Hechos 26:19

Yuj wal cha, ach rey Agripa, in yicljnac tas wul yaljnac Jesús 'ayin, yic scot 'a satcha'an̈, wul sch'oxnc sb'a 'ayin.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Ef 5:6

Man̈ e cha 'ixtxoc paxti e b'a yuj eb' tzalni, to may yowlal qui b'onec jun tzo'n̈ tzwal tic. Caw wal may yel'ch tas tzyal eb', yujto atn 'a yib'n̈ eb' tzb'on jun tzo'n̈ tic, 'oj cot jun niwn yailal yuj yowl sc'ojl Dios, yujto matz yiclj eb' tas tzyala.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

A Scarta San Pablo D'a Eb' Aj Colosas 3:6

'Oj ya' cot Dios yowl sc'ojl 'a yib'n̈ eb' tzb'on jun tzo'n̈ xwal tic, yujto matz yiclj eb' tas tzyala.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

A Ch'an̈ Carta D'a Eb' Hebreo 3:18

¿Mach eb' 'aj ya'jnac Dios sti', chajtlto may b'a'n̈ 'oj 'och eb' 'iljoc yu'uj? Atn 'a eb' man̈ yiclumoc yutjnac sb'a 'a 'a.

A Ch'an̈ Carta D'a Eb' Hebreo 4:6

A eb' cha, sb'ab'l 'ab'jnac eb' jun wach' 'ab'x yic colnb'il, palta ma'ix 'och eb' 'iljoc yuj Dios, yujto man̈ yiclumoc yutjnac sb'a eb'. Palta yowlal 'ay mach 'oj 'och 'iljoc 'icha yaj yaln can cha.

A Ch'an̈ Carta D'a Eb' Hebreo 6:11

Palta tzqui nib'j on̈, junjn ex, yelc'ojlal 'ixta tzeyutj e b'a 'a smasnil tiempo, sec wach' tz'acn 'oj e cha jun spac eyic wan e tan̈wni.

Josué 7:3

Ax yic xmeltzj ewinac, 'ix yaln eb' 'a Josué 'ixtic: Matz 'at cab' eb' 'anma tic yac' owl smasnil 'a chon̈b' Hai cha. Nab'an̈ej tz'at yixtc sb'a eb', yujto man̈ niwnoc eb' tan̈wjnac jun chon̈b' cha. Colb' cab' s'at chab'oc mil mto 'oxe'oc mil eb' soldado tic, xchi eb'.

A Schab'il Carta San Pedro 2:6

An̈jtona', ya'jnac Dios yailal 'a yib'n̈ eb' 'aj Sodoma yet' eb' 'aj Gomorra. C'uxn lajwnac 'el chab' chon̈b' chi yet' c'ac'. Nab'a tan̈ xoj 'ajnc can smasnil. A eb' lajwnac 'el cha, ch'oxnb'il yaj eb' 'a jantcn̈ej mach maysch'olnil sb'eyb'al.