A Ch'an̈ Carta D'a Eb' Hebreo 3:9 - Chuj San Sebastian Bible

⁹ Chawinc ab'il yiljnac eb' e mam eyichm jun tzo'n̈ milagro b'ob'il wu'uj. Palta an̈ja ya'jnacn prowal eb'.

Chuj San Mateo Bible

⁹ Vach'chom 40 ab'il yilnac juntzan̈ milagro eb' in b'onac, palta an̈eja' yac'lejnac in proval eb'.

A Ch'an̈ Carta D'a Eb' Hebreo 3:9 Iomraidhean Croise

Salmos 95:9

Atnta ya'jnacn prowal eb' e mam eyicham, wach'xam yiljnac eb' tas satjub'tac yilx b'ob'il wu'uj.

Ex 19:4

Ax tic, eyiljnac wal tas wutjnac eb' 'aj Egipto, yet' tas ex wutj ex wi'n 'elta, yic ex wi'n cot 'a tic, 'icha to a 'a yib'n̈ sc'axl junc no salt'iw 'ayx q'ue'i, yic ex jaw 'a tic.

Ex 20:22

'Ix yaln Jehová 'a Moisés 'ixtic: Al smasnil jun tzo'n̈ paxti tic 'a eb' et israelal, to an Jehová in, an tzwal 'ixtic: 'Ix eyila tas xwutj paxtinc 'emt in b'a 'ayx 'a satcha'an̈.

Am 2:10

Palta ax tic, wijnac 'elt eb' e mam eyichm 'a Egipto, chawinc ab'il wijnac b'ey eb' 'a lum cusltac lu'um, yuj wa'n slum eb' amorreo chi 'a eb'.

Nm 14:33

Ax eb' eyunnal tic, 'icha to 'ilj calnelun̈ej 'oj sb'o eb' chawinc ab'il 'a lum cusltac lum tic. A eb' 'oj tupn lajwc e tenmtacl x'och 'ayin, masnto 'oj lajwc e chamcn ax tic 'a lum cusltac lum tic.

Lc 7:22

Yuj cha, 'ix yaln Jesús 'a eb' schecb' Juan chi 'ixtic: —Paxn̈ec 'a Juan cha. C'uxn tzeyal 'a 'a, tastc xeyab'i, xeyil 'a tic. Tzeyaln 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tzax stac' sb'ey eb'. Ax eb' tzlaj c'a yuj lepra, tzlaj b'ox can sc'ojl eb'. 'Ay eb' chacan̈, tzax laj yab' pax eb', 'ay pax eb' chamnac, tzlaj 'ajx pitzwc pax eb'. Ax eb' meb'a', wan yalx wach' 'ab'x yic colnb'il 'a eb'.

A Tas Sc'ulejnac Eb' Schecab' Jesús Hechos 13:8

Palta ax win tzyalch sb'a wayjlil cha, tzcuch pax Elimas, 'ix cot yowl win 'a eb', yujto snib'j win ma'ix ya'ch Sergio chi sc'ojl 'a spaxti Dios.

A Tas Sc'ulejnac Eb' Schecab' Jesús Hechos 7:36

Atn Moisés chi x'i'n 'elt eb' quit chon̈b' 'a Egipto. Chawinc ab'il 'ix sch'ox jun tzo'n̈ milagro 'a Egipto cha, yet' 'a a Chac Mar sb'i, yet' pax 'a lum cusltac lu'um.

Dt 11:7

Xquilc wal si'mb'il tas satjub'tac 'ix sb'o Jehová.

Dt 29:2

'Ix ya'n Moisés syam sb'a smasnil eb' yit chon̈b' cha, 'ix yaln 'a eb' 'ixtic: Ax tic, eyiljnac smasnil tas sb'ojnac Jehová 'a win sreyl Egipto, yet' 'a eb' 'aych yajlil yet' winac, yet' 'a smasnil eb' 'anma 'a jun nacion̈ cha.

Dt 4:3

'In xeyila tas 'ix yutj Jehová eb' xyac' 'ejm sb'a 'a comon dios tzcuch Baal 'aj Peor, q'ueln ex wal 'ochi yic 'ix satl eb' yu'uj.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

Dt 8:4

A qui pichl 'aych cujec 'a jun chawinc ab'il cha, ma'ix lajw xoni, ma'ix tzajlj pax coc qui b'eyi.

Josué 23:3

Ax tic, eyiljnac wal tas sb'ojnac Jehová qui Diosalec yet' jun tzo'n̈ chon̈ab', jun tzo'n̈ eb' ste'wtzej sb'a ya'n owl quet'ec, palta a Jehová a x'a'n owl cujec.

Josué 24:7

Yuj cha, x'awj eb' e mam eyichm chi 'ayn an Jehová in tic. An xo xwac' 'ejm jun niwquil q'uic'q'uinl 'a scal eb' yet' eb' 'ajc'ojl cha. Xwa'n cot a mar 'a yib'n̈ eb', xmucchj can 'ejm eb' 'aj Egipto chi yuj a'. Ax tic, eyiljnac wal si'mb'il tas xwutj eb'. Caw niwn tiempo x'ec' eb' e mam eyichm chi 'a cusltac lu'um,

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.