A Ch'an̈ Carta D'a Eb' Hebreo 3:10 - Chuj San Sebastian Bible

¹⁰ Yuj cha, scot wowl 'a eb', waln 'ixtic: A jun tzo'n̈ 'anma tic, chuc 'aj 'aych snab'en eb'. Toxn matz nib'j eb' tzyojquej 'el in b'eyb'al, xin chi.

Chuj San Mateo Bible

¹⁰ Yuj chi' cotnac voval, valannac yuj eb': Masanil tiempo ch'ocn̈ej b'aj ayoch spensar eb'. Toxonton malaj sgana eb' yojtacanel in c'olb'al, xin chi.

A Ch'an̈ Carta D'a Eb' Hebreo 3:10 Iomraidhean Croise

Gn 6:6

Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.

Salmos 147:20

Man̈ 'ichcta 'ix yutj jun tzo'n̈ xo nacion̈, yuj cha, man̈ yojcoc eb' jun tzo'n̈ sley cha. ¡Alx cab' wach' paxti 'a Jehová!

Salmos 67:2

yic wach' a smasnil jun tzo'n̈ nacion̈ 'ay 'a sat lum lum tic, tzyojquej 'el eb' tas wal a nib'b'en, yet' pax colnb'il tzac'a.

Salmos 78:40

Til wal 'ejm ma'ix syiclj eb' tas xyal Dios 'a cusltac lu'um, caw 'ix stzuntzj cot eb' yowl sc'ojol.

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Salmos 95:10

Chawinc ab'il stzuntzjnac cot eb' 'anma chi wowal, yuj cha, waln 'ixtic: A eb' 'anma tic, chucchc 'aj 'aych snab'en eb', ma'ix ya'ch eb' sc'ojl 'a tas xwac' scuyu'.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Os 4:12

A eb' in chon̈b' tic, a 'a junc te te', ata tzc'anb'j sb'a eb'. A te te chi tz'a'n snab'enoc eb' yalni. Yuj cha, 'ix juw can 'el eb', 'icha wal tzyutj junc 'ix 'ix yactn can yichmil, ax yet' junc xo win winc tzmuln 'ix, 'ixta wal in yutj eb' in yactn cani, ax 'a jun tzo'n̈ comn dios 'aj tzyal sb'a eb'.

Mt 20:24

Ax lajn̈wan̈ xo eb' scuywum, yic xyab'n eb' jun tzo'n̈ cha, xcot yowl eb' 'a eb' chawn̈ cha.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Jn 8:45

Aln tic, caw yel jun tzo'n̈ tas tzwal 'ayex, palta matz e chaj eyab'i'.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Ro 3:7

'Ay eb' tznan 'ixtic: A yic tzwac' 'es, wan in ch'oxn 'eli, to cojn Dios caw yel. Toto yel xo niwn yel'ch Dios yuj jun tzo'n̈ 'es tzwac' cha, ¿tas yuj a yic tzin b'eyc'ojlaxi tzin alx 'ajmulal? xchi eb'.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.