A Ch'an̈ Carta D'a Eb' Hebreo 13:2 - Chuj San Sebastian Bible

² Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

Chuj San Mateo Bible

² Mocab' puraloc scac' sposado eb' tz'ec' d'ayon̈, yujto man̈ cojtacoc mach eb'. Ay eb' ac'jinac sposado eb' ángel, palta maj nachajel yuj eb' tato ángel eb' b'aj vach' yutejnac sb'a eb' chi'.

A Ch'an̈ Carta D'a Eb' Hebreo 13:2 Iomraidhean Croise

Gn 18:1

Xlajw cha, sch'oxn sb'a Jehová 'a win Abraham 'a sla'nil 'aj 'ay te ma'ach', 'a yol yic win Mamre. Yic am chimc'ual, wocn 'elt Abraham 'a sti smantiado,

Gn 19:1

Ax yic wan sq'uic'b'i, 'ix c'och eb' ángel schawn̈il 'a Sodoma. Ax Lot wocn 'ejm 'a spuertail sti chon̈ab'. 'Ix yiln sb'a 'a eb', xq'ue wa'an, x'at schanc eb'. 'Ix 'em n̈ojn 'a yojltac eb' 'a sat lu'um.

A Ch'an̈ Schab'il Libro Yic Yab'ixal Eb' Rey 4:8

'Ay jun c'ual 'ix 'ec' Eliseo 'a chon̈b' Sunem, ata 'ay jun 'ix 'ix caw wal rico si'mb'il, 'ix yac' pural 'ix win Eliseo chi swa yet' 'a yatut. Yuj cha, ax yic tz'ec' 'a jun lugar chi 'a junjn 'ejem, tz'e'n̈j wac 'a yatut 'ix.

Job 31:19

A yic xlaj wilni to 'ay eb' 'anma man̈x 'a spichul, mto junc meb'a toxn may jac tas 'aych spichloc,

Job 31:32

A eb' b'eymal 'anma', may 'aj xyal in c'ojl xcan eb' 'a yol caye wayoc, palta to jacnn̈ej watut 'a eb'.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Lv 19:34

'Ay cab' yel'ch eb' 'ayex, tze chamc'ojlej eb', 'icha tzeyutj e chamc'ojlan e b'a. Yujto ax tic, 'e'nc ex cajn 'a scal eb' chuc chon̈b'al 'a Egipto.

Mt 25:35

Yujto a yic yoch in wejel, eya'jnacn wa'oc; yic yoch pax in tacn̈ti'al, eya'jnac tas xwuq'uej, yic in b'eyc' 'icha junc b'eymal 'anma', eya'jnac in posada.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 25:43

Yic in b'eyc' 'icha junc b'eymal 'anma', ma'ix eyac' in posada, yic may wal in pichul, may jac in pichl eya'jnac. An̈jtona', yic ya'ay in yet' 'a yic 'ayn 'och 'a preso, ma'ex xit' in eyil jab'oc, 'oj in chic 'a eb'.

A Tas Sc'ulejnac Eb' Schecab' Jesús Hechos 16:15

Yuj cha, xya'n 'ajxc bautisar sb'a 'ix, yet' jantcn̈ej eb' jun yaj yet' 'a yol yatut. Xlajw xoj cha, xyaln 'ix 'ayn̈ 'ixtc on̈: —Toto tze na'a, to yel tzwa'ch in c'ojl 'a Cajlil, 'ochn̈ec 'a yol watut. Wach' tzex 'aj ta', xchi 'ix 'ayn̈ on̈. Caw xtew 'och 'ix 'ayn̈ on̈, yuj cha, on̈ 'och wan ta on̈.

Ro 12:13

Yowlal tzon̈ colwjec 'a eb' quit creyenteal, yic 'ay tas 'ay sc'a'l tz'och yuj eb'. Wach' tzlaj cutquec pax qui b'a 'a eb' tzlaj 'ec' 'ayn̈ec.

Ro 16:23

A cu'tac Gayo, tzya't pax stzatzl e c'ojol. A 'a yatut tic 'ayn̈ 'ec' on̈. A 'a tic, tzyam sb'a eb' creyente smasnil. A cu'tac Erasto, molm tumn yaj 'a jun chon̈b' tic, yet' cu'tac Cuarto, tic tzya't pax eb' stzatzl e c'ojol.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

Tito 1:8

A eb' 'ay yopiso cha, yowlal wach' tzyutj sb'a eb' 'a eb' tzlaj 'ec' 'a 'a. Yowlal a tas wach', an̈j tzb'o eb', tzya'n cuenta sb'a eb'. Caw tojl tzyutj eb' sb'eyb'al. Cojxn 'a Dios tzya'ch eb' snab'en. Yowlal tztench wan eb' sniwnal 'a maysch'olnil.

A Sb'ab'el Carta San Pedro 4:9

Ca'c sposada eb' quit creyenteal tzlaj 'ec' 'ayn̈ec, palta man̈oc cab' yet' qui chab'c'ojlal.

3 Jn 1:5

Ach chamc'ojlb'il wu'uj, caw wach' xon tzotj a nab'en ta tzwab'i. Tzach laj colwj ab' 'a eb' quit creyenteal. Wach'xam man̈ ojcoc eb', palta 'ixta ab' tzotj a b'a 'a eb'.