A Ch'an̈ Carta D'a Eb' Hebreo 13:15 - Chuj San Sebastian Bible

¹⁵ Yuj cha, smasnil tiempo yowlal tzcalc wach' paxti 'a Dios yuj Jesucristo. A yet' qui ti', tzcalc swach'l Dios. A jun tzcalc tic, atn jun qui xajmb'al tzca'c 'a 'a.

Chuj San Mateo Bible

¹⁵ Yuj chi', yovalil scaln̈ej vach' lolonel d'a Dios yuj Jesucristo. A juntzan̈ vach' lolonel scal tic d'a Dios, aton co silab' yaji.

A Ch'an̈ Carta D'a Eb' Hebreo 13:15 Iomraidhean Croise

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.

2 Cr 33:16

'Ix laj snipnc yet'l xajmb'al yic Jehová, 'ix ya'n q'ue xajmb'al yic junc'ojlal 'a yib'an̈, yet' yic alj yuj diosal. 'Ix ya'n alxc 'a eb' 'aj Judá to tzyac' eb' 'emmquilal 'a Jehová sDiosal.

2 Cr 7:6

Lin̈n 'ec' smasnil eb' chon̈ab' yic x'och jun 'emmquilal cha. A eb' ya'mal 'och sti eb', 'ayc' eb' 'a yet'l 'aj 'ayq'ui, tzyutz'n eb' q'uen trompeta. Ax 'a yojltac eb', ata 'ayc' eb' levita wan syucn jun tzo'n̈ yamc'ab' b'ob'il can yuj rey David yic tz'och 'emmquilal 'a Jehová. Ya' sb'a cha, wan yaln eb' wach' paxti 'a Jehová 'ixtic: A schamc'ojlal may b'a'n̈ 'ay slajub', xchi eb'.

Esdras 3:11

'Ay mach tzb'itni yuj yaln wach' paxti', 'ay pax mach tzaln 'ixtic: Calc yuj diosal 'a Jehová, yujto caw wach' snab'en, yujto a schamc'ojlal 'ayn̈ec an̈ israel on̈c tic, may b'a'n̈ 'ay slajub', xchi eb'. Ax smasnil eb' chon̈ab', caw wal tzalj eb' yaln wach' paxti 'a Jehová, yujto 'ix 'el yich jun munljel cha.

Nehemías 12:40

Yajn̈ej 'ix c'och eb' chamacn̈ tzb'itn chi 'a yatut Dios; in c'och pax yet' nan̈l xo eb' yajl ajun wet'oc.

Nehemías 12:43

A wal yic jun c'ul cha, man̈x jantcoc xajmb'al x'ajxi. Ax eb' 'anma cha, caw 'ix tzalj chan̈ eb', yujto a Dios x'a'n jun niwquil tzaljc'ojlal chi 'a eb'. An̈jtona', caw 'ix tzalj pax eb' 'ix 'ix yet' eb' 'unin. A jun tzaljc'ojlal 'ix uj 'a Jerusalén cha, caw 'ix 'ab'x 'a najat.

Salmos 118:19

Jacx cab' spuertail yatut Dios 'ayin, yujto tzin nib'j tzin 'och 'a yojol, yic tzwa'n yuj diosal 'a 'a.

Salmos 119:108

Tzin tew wal 'ayach, to tza chaj 'in wach' paxti tz'el 'a in c'ojl walni, tzin a cuyn 'a jun tzo'n̈ a ley tic.

Salmos 18:49

Yuj cha, tzwaln wach' paxti 'aych 'a scal eb' 'anma 'a junjn nacion̈, tzin b'itnan pax a b'i.

Salmos 50:14

A 'e xajmb'al tzin nib'ej, atn alj wach' paxti 'ayin. 'A'c 'el'choc e ti tzeyac' 'ayn an Dios in tic, to caw niwn wel'chi.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Jeremías 33:18

An̈jtona', may b'a'n̈ 'oj satl eb' ya'mal 'och sti eb' 'ayin, yet' jun tzo'n̈ xo eb' yin̈tl Leví, smasnil tiempo a eb' 'oj 'a'nc tz'a xajmb'al 'ayin. 'A junjn c'u ax ya'n tz'a eb' 'ixm trigo ofrendail 'ayin, ax ya'n eb' jun tzo'n̈ xo xajmb'al 'ayin, xchi Dios.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Lv 7:12

Toto a junc no xajmb'al tz'ajx cha, yic alj yuj diosal yaj no', yowlal tz'ajx 'ox c'ajoc 'ixm pan may yich yet' no'. Chab' pan pim tz'aji tzcalx yet' yaceiteal te olivo, yet' jun tzo'n̈ c'oxox pan, tzq'ue aceite 'a yib'an̈.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Lc 10:21

A 'a yic jun rato cha, caw tzalj Jesús yuj Yespíritu Dios. 'Ix yaln 'ixtic: Mamin, yajl ach 'a satcha'an̈, yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, yet' 'a eb' caw 'ay snab'en 'a sat eb' yit 'anma'il. Ax eb' 'icha 'unin, a eb' 'ix ac' 'ojcanc 'eli. 'Ixta x'aj Mamin, yujto 'ixta tza nib'ej, xchi 'a Dios.

Jn 10:9

An tic, lajn in yet' sti colal. A eb' tz'och wu'uj, 'oj colchjoc 'el eb'. 'Icha junc calnelu tz'och 'a yol scolal, tz'el paxta, tz'at saync wa sb'a, 'ixta 'oj 'aj eb'.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Ro 6:19

A jun tzo'n̈ wan waln 'at 'ayx tic, 'icha to comn 'ab'xn̈ej tzwutj walni, yujto mantzac nachj 'el wal jun tzo'n̈ cuynb'il tic eyu'uj. A 'a yic yalan̈, ca'jnaquec 'och qui niwnal ya'malc servil tu'al, yet' maysch'olnil. Yuj cha, caw maysch'olnil cutjnaquec qui b'a ta'. Ax ticnec, yowlal 'ixta tzcutjec ca'n 'och qui niwnal tic ya'malc servil wach'il, sec wach' cojxn Dios 'aj tzca'c 'och qui nab'en.

Ef 2:18

Yuj cha, wach'xam israel on̈ec, wach'xam ma'ay, yuj Cristo 'ayx calnec quic caln qui b'a 'a qui Mam Dios ticnec, yujto junn̈j Yespíritu xya' cot 'ayn̈ec.

A Scarta San Pablo D'a Eb' Aj Colosas 1:12

Ax eya'n yuj diosal 'a qui Mam Dios. A tzb'on qui nab'enec, sec 'ay calnec quic yet' jantcn̈ej eb' yic xo yaji, yujto yic on̈c xo sacq'uinal.

A Ch'an̈ Carta D'a Eb' Hebreo 12:28

A jun matz tac' yib'x tic, atn jun lugar tzyac' Dios 'ayn̈ec, 'a 'aj 'aych yajlil. Yuj wal jun tic, ca'c yuj diosal 'a 'a. Ca'c 'ejm qui b'a 'a 'a, tzcalnec qui b'a 'a 'icha tznib'ej. Caw xiw coyc 'a 'a,

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.