A Ch'an̈ Carta D'a Eb' Hebreo 11:1 - Chuj San Sebastian Bible

¹ A yic tzca'nec 'och Dios 'a qui c'ojol, tzyal 'el'chi, to caw tzca'c 'och yipc qui c'ojol, chajtlto 'oj qui chac tas wan qui tan̈wni. Cojquec si'mb'il, a jun tzo'n̈ tas mantzac quila, caw 'ayq'ui.

Chuj San Mateo Bible

¹ Ayic scac'anoch Dios d'a co c'ool, syalelc'ochi to scac' val och yipoc co c'ool to ol co cha tas van co tan̈vani. Yuj b'aj scac'och d'a co c'ool chi' cojtac sic'lab'il to a juntzan̈ tas manto quila', ay val eq'ui.

A Ch'an̈ Carta D'a Eb' Hebreo 11:1 Iomraidhean Croise

Salmos 27:13

Tzwa'ch yipc in c'ojol to 'oj wil a wach'c'ojlal yic pitzn in to.

Salmos 42:11

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.

A Tas Sc'ulejnac Eb' Schecab' Jesús Hechos 20:21

'Ix waln 'el 'a eb' israel, 'ix waln pax 'a eb' man̈ israeloc, chajtlto yowlal tzna sb'a eb' 'a sat Dios, tzya'n 'och eb' sc'ojl 'a Cajlil Jesucristo.

1 Co 13:13

A ticnec, tzca'c 'och Dios 'a qui c'ojol, tzca'nec pax 'och yipc qui c'ojol. Tzqui chamc'ojlanec pax eb' quit 'anma'il. A 'oxe tic, 'ay yopiso 'a smasnil tiempo. Palta a jun chamc'ojlal cha, 'ec'b'al 'a yib'n̈ chab'x tic 'a sat Dios.

2 Co 11:17

A jun tzo'n̈ 'oj walb't 'ayx tic, man̈oc Cajlilec tz'a'n walb'ti. 'Icha to man̈ nab'enal waji, tzwaln 'ati, yujto ton̈j tzin b'an̈ in b'a walni.

2 Co 4:18

Man̈ ca'c 'och qui nab'en 'a jun tzo'n̈ tas tzquilc yet' qui sat, yujto a jun tzo'n̈ tzquilc tic, ton̈j 'e'lb'a yeq'ui. A 'a jun tzo'n̈ tas matz quilec, ata tzca'c 'och qui nab'en, yujto a jun tzo'n̈ matz quilc cha, 'ayc'n̈ej 'a jun 'ejmn̈ej.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

2 Co 5:7

A yic tzon̈ 'e'c 'a yolyib'n̈q'uinl tic, cojxn Dios tzca'c 'och 'a qui c'ojol. Man̈oc 'a jun tzo'n̈ tas tzquilc yet' qui sat 'aj tzca'c 'och qui c'ojol.

2 Co 9:4

Toto 'ay eb' 'aj Macedonia tic tz'at wet'oc, toto ax tzyiln eb', man̈ listaoc yaj eyofrenda cha, ax yel qui q'uixwel on̈. Yujto tox ex ca'ch yipc qui c'ojl on̈. May tas tzwala, toto 'oj 'el e q'uixwel jun xo.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 10:39

Palta an̈ec tic, man̈oc on̈ec tzon̈ meltzj pax 'a qui patic, 'icha jun tzo'n̈ xo eb' tzmeltzji, ax satcn 'el eb' 'a jun 'ejmn̈ej. Yujto an̈ec tic, tzca'c 'och 'a qui c'ojol. Yuj cha, caw colchjnacn̈ec xo.

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

A Ch'an̈ Carta D'a Eb' Hebreo 6:12

Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.