Gn 9:3 - Chuj San Sebastian Bible

³ A smasnil no noc', tztac' e chin e no', tztac' e lon smasnil te 'itaj, yujto an tzwac' 'ayex.

Chuj San Mateo Bible

³ A ticnaic syal e chi'an masanil noc' noc' tic. A in svac' noc' d'ayex icha ix aj vac'an an̈ itaj e chi'a.

Gn 9:3 Iomraidhean Croise

Gn 9:2

Smasnil no noc' 'ay 'a sat lum lum tic, no ch'ic, yet' no 'ay 'a yojl a mar, 'oj xiw e no 'ayex. A smasnil jun tzo'n̈ noc' tic, tzcan e no 'a yol e c'ab'.

Lv 22:8

An Jehová in, an tzwala. Matz tac' schin schib'jal no noc' mun tzchami, mto junc no tzmilx cham yuj junc no calte'al noc', sec wach' matz yixtj 'el sb'a yuj no chib'j cha.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Ro 14:20

Caw 'ay smay sjuw 'el smunljel Dios 'a spixn eb' quit creyenteal yuj tas tzqui c'uxec. Yuj cha, caw man̈ qui b'oc 'ixta'. Yel toni, may junc tas 'ay yowlal qui c'uxnec yuj Dios. Palta toto 'ay eb' tzsomchj 'el snab'en yuj tas tzqui c'uxec, yowlal tzcactjec can qui c'uxni.

Ro 14:3

An̈ec tzqui c'uxc smasnil tas, matz tac' qui b'uchwjec 'a eb' matz c'uxn jun tzo'n̈ cha. An̈jtona', a eb' matz c'uxn jun tzo'n̈ cha, matz tac' sb'uchwj pax eb' 'ayn̈ec, yujto chab'iln̈ec yuj Dios yet' eb'.

1 Co 10:23

Tecn 'ayx tzeyal 'ixtic: Libre cajc qui b'on smasnil tas, xe chi. Yel toni libre caji, palta man̈ smojc qui b'onec smasnil. Yel toni, libre qui b'onec smasni tas, palta man̈ smasnilc jun tzo'n̈ chi tz'a'n ste'nal qui nab'enec.

1 Co 10:31

Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

Dt 12:15

Palta a yic tze nib'j e chi no chib'ej, tztac' e miln no noc' cha, sec 'ay chib'j tze chi 'aj 'ayx 'ec' cha, a tzyal tas no'l 'ay 'a yol e c'ab' yuj Jehová. Toxn̈ej to wach' eyaj 'icha yaln ley mto ma'ay, tztac' e chin no e masnil, tze chi no 'icha tz'aj schix no c'ultquilchej.

A Scarta San Pablo D'a Eb' Aj Colosas 2:16

Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.