Gn 9:1 - Chuj San Sebastian Bible

¹ 'Ix yaln can Dios wach' paxti 'a yib'n̈ Noé, yet' 'a eb' yunnal. 'Ix yaln 'a eb' 'ixtic: Niwtj cab' 'el eyunnal, 'a'c b'ut'joc sat lum lum tic.

Chuj San Mateo Bible

¹ Ix lolon Dios d'a vin̈aj Noé yed' d'a eb' yuninal vin̈, ix yalani to ol yac' syaxil d'a yib'an̈ eb'. Ix yalan icha tic: Tzijtumocab' eyuninal tz'alji, b'ud'jocab' yolyib'an̈q'uinal tic yuj eb'.

Gn 9:1 Iomraidhean Croise

Gn 1:22

'Ix ya'n syaxilal 'a yib'n̈ smasnil no noc' cha, 'ix yaln 'ixtic: 'Unewoc cab' e no', b'ut'j cab' 'el yojl a mar yuj e no', 'ixta pax no ch'ic, b'ut'j cab' 'el yolyib'n̈q'uinl yuj e no', xchi.

Gn 1:28

Xya'n Dios syaxilal 'a yib'n̈ eb', xyaln 'a eb' 'ixtic: 'Alj cab' eyunnal, q'uib' cab' e b'isul, b'ut'j cab' 'el sat lum lum tic eyu'uj. 'Oj eyac' yajlil 'a yolyib'n̈q'uinl tic, 'a yib'n̈ no chay 'ay 'a yojl a mar, 'a yib'n̈ no ch'ic tz'ec' jen̈n̈oc, yet' 'a yib'n̈ smasnil no noc' tz'ec' 'a sat lum tic, xchi.

Gn 10:32

Smasnil jun tzo'n̈ 'anma tic, yin̈tl eb' yunnal win Noé, junjn c'aj eb' yet' yin̈til. A yic xlajw can 'ec' jun owl yaxn̈ab' cha, 'ix sactzic can eb', 'ix 'och eb' chon̈b'al 'a yolyib'n̈q'uinl tic.

Gn 2:3

'Ix si'n can 'el Dios jun yucl c'u chi yico'oc sec tz'ilj pax eb' 'anma 'a jun c'u cha, yuj yoch swach'loc eb', yujto a 'a jun c'u chi 'aj xb'o 'el'ch smasnil tas yuj Dios.

Gn 24:60

'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

Gn 35:11

xyaln 'a 'ixtic: An ton Dios in, tztac' wuj smasnil, til wal 'oj 'ajl onnal, til wal pax 'oj 'aj en̈til. A 'aych 'oj pitzwc 'elt jun niwquil nacion̈, axta 'oj 'elx jun tzo'n̈ xo nacion̈, a 'a scal en̈tl cha, ata 'oj 'eltoc eb' rey.

Gn 8:17

Tze'n pax 'elt smasnil no noc' 'aych et'oc: No ch'ic, no cajb'en noc', no calte'al noc', no tzjuc sb'a 'a sat lu'um. Sactzic cab' 'at e no', 'unewoc cab' e no', sb'ut' cab' e no sat lum lum tic, xchi Dios.

Gn 9:19

Atn 'a ewin 'oxwn̈ tic, xcot yin̈tl eb' 'anma sactzicnac yaj 'a sat lum lum tic.

Gn 9:2

Smasnil no noc' 'ay 'a sat lum lum tic, no ch'ic, yet' no 'ay 'a yojl a mar, 'oj xiw e no 'ayex. A smasnil jun tzo'n̈ noc' tic, tzcan e no 'a yol e c'ab'.

Gn 9:7

Ax xo tic, niwtj cab' eyunnal, b'ut'j cab' 'el yolyib'n̈q'uinl tic eyu'uj, xchi Dios.

Salmos 112:1

¡Alx cab' wach' paxti 'a Jehová! A eb' 'ay yel'ch Jehová 'a 'a, caw wach' yic eb', yujto tzalj eb' sb'eylb'an schecnb'il 'aycni.

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.