Gn 8:1 - Chuj San Sebastian Bible

¹ Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

Chuj San Mateo Bible

¹ Yujto naan vin̈aj Noé chi' yuj Dios yed' masanil noc' noc' ayoch yed' vin̈ d'a yol te' barco chi', yuj chi' ix ac'jicot jun ic' te ov yuj Dios d'a yib'an̈ a a' chi', yic vach' stupem a'.

Gn 8:1 Iomraidhean Croise

Gn 19:29

Palta a yic 'ix ya'n Dios lajwc jun tzo'n̈ chon̈b' 'a jun pan̈n 'aj 'ix 'ec' cajn win Lot cha, 'ix snan cot tas 'ix sc'an Abraham, yuj cha, xcolx can 'elt Lot yuj 'a jun niwquil yailal cha.

Gn 30:22

'Ix nax cot Raquel yuj Dios, yujto xyab' slesl 'ix, yuj cha, xya'n jun yune 'ix.

Gn 9:10

yet' 'a smasnil no noc' 'ix 'elt eyet' 'a yojl te barco tic, no ch'ic, no cajb'en noc', no calte'al noc', yet' smasnil no noc' 'ay 'a yolyib'n̈q'uinl tic.

Nehemías 13:14

Xwaln 'ixtc 'a in lesal: Ach in Diosal, na cot jun tzo'n̈ tas xin b'o tic. Man̈ 'at satc'ojlal o'oj, atn jun tzo'n̈ tas xin b'o yet' in chamc'ojlal 'a atut, 'a 'aj tz'och 'emmquilal 'ayach, xin chi.

Nehemías 13:22

Xlajw cha, xwaln 'a eb' levita to tzsacb'tzej sb'a eb', yic tz'at eb' 'at stan̈wc puerta cha, sec wach' matz tz'ixtx 'el sc'ul 'iljelal. Yuj cha, xwaln 'ixtc 'a in lesal: Ach in Diosal, nan cot yuj jun tzo'n̈ tic, 'o'ch cab' 'a c'ojl 'ayn yuj a wach'c'ojlal, xin chi.

Nehemías 13:29

Yuj cha, xwaln pax 'ixtc 'a in lesal: Ach in Diosal na cot jun tzo'n̈ eb' x'a'n juwc 'el jun 'opiso yic tzya'n 'och eb' sti eb' 'anma 'ayach, yet' a trato xa b'o yet' eb', yet' eb' levita, xin chi.

Nehemías 13:31

'Ix waln yuj te c'atzitz, tas c'ul tz'ijx cot te', xwaln pax yuj sb'ab'l sat yawb'en eb' quit chon̈ab', to yowlal tzyij cot eb' 'a yatut Dios. Yuj cha, xwaln 'a in lesl 'ixtic: Ach in Diosal, nan coti, 'o'ch cab' 'a c'ojl 'ayin, xin chi 'a Dios.

Job 12:15

Toto tzyal sc'ojl man̈xtzac yac' n̈ab', ax smasnil tas 'ay 'a sat lum tic, c'uxn tztacj 'eli. Q'uinloc tzyal sc'ojl tzjac cot n̈ab', c'uxn tz'atx sat lum lum tic c'acpil yu'uj.

Job 14:13

Comnoc wal tzin a c'ub'j 'el yet' chaml muc'uc, sec tz'ec' yowl a c'ojl tic 'a wib'an̈, ax a nani b'a'n̈ tzin a na paxta.

Salmos 105:42

yujto sna cot sti yaljnac can 'a jun schecab', atn Abraham.

Salmos 106:4

Tzin a na cot Mamin Jehová, yic tza'n a wach'c'ojlal 'a quib'n̈ an̈ a chon̈b' on̈ tic, tzin a na coti, yic tzin a coln can 'eli,

Salmos 115:12

On̈ snac cot Jehová, yuj cha, 'oj yac' swach'c'ojlal 'ayn̈ec. 'Oj yac' syaxilal 'a quib'n̈ an̈ israel on̈c tic. Ax ya'n pax syaxilal 'a yib'n̈ eb' yin̈tl Aarón.

Salmos 132:1

Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:

Salmos 136:23

A 'on̈ nanec coti, yic 'ayn̈ec 'ec' 'a qui yailal. A schamc'ojlal Dios 'ayn̈j 'a smasnil tiempo.

Salmos 137:7

Mamin Jehová, na cot wal tas yaljnac eb' edomita yic yem Jerusalén, yic yaln eb' 'ixtic: Ma'c 'ejm smasnil, masnto tz'em'ch 'a 'aj 'ay yipnub'al yich, xchi eb'.

Salmos 29:10

A Jehová syajlil a niwc mar. Yajl yaj 'a jun 'ejmn̈ej.

Salmos 36:6

Caw wal tojl a nab'en, lajn wal 'icha lum niwc witz, ax a b'eyc'ojlal, lajn yaj 'icha a mar caw xab' yich. Ach tza tan̈wj eb' 'anma', yet' pax no noc'.

Ex 14:21

'Ix ya'n cot Moisés sc'ab' yet' sc'occh 'a yib'n̈ a mar, ax Jehová 'ix 'a'n cot jun niwquil 'ic' caw ow. 'Ix cot jun 'ic' chi 'a stojlal 'aj tzq'uel c'u, jun 'ac'wl xyac' jun 'ic' cha. A x'a'n spoj sb'a a mar, 'ix ya'n checljoc lum tacn̈ lum 'a snan̈l a'.

Ex 15:10

A yic 'ix otz'n 'at ec' 'a yib'n̈ a mar, 'ix mucchj can 'ejm eb' 'ajc'ojl chi yuj a'; 'icha q'uen plomo, 'ixta 'ix 'aj eb' s'atcn 'a yich a'.

Ex 2:24

'ix yab'n pax yoc' eb', yuj cha, 'ix snan cot strato yet' Abraham, Isaac yet' Jacob.

Pr 25:23

A tu paxti tzalxi, a tz'a'n owxoc 'el qui satec, lajn wal 'icha 'ic' tz'i'n cot n̈ab' 'a stojlal norte.

Is 44:27

Tztac' waln 'a a mar to tztup chan̈ a', smasnil yoctc a a tzb'eyi, c'uxn 'oj tup cha'an̈.

Jeremías 50:38

Tup cab' 'ejm yal eb', tacj cab' chan̈ yet'l a', yujto a Babilonia, schon̈b'al jun tzo'n̈ comn dios yajb'entac yilxi. Yuj jun tzo'n̈ cha, tzsucb'i 'el snab'en eb'.

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Jonás 4:11

An xo pax tic, ¿tom an to wal ma'oj cus in c'ojl yuj jun niwquil chon̈b' Nínive tic? 'Ec'b'al 120 mil 'anma mant 'a snab'en, mant yojcoc 'aj 'ay swach'il yet' tas maysch'olnil, til pax no noc', xchi Dios.

Nahúm 1:4

A tzalni, yic tztup chan̈ a mar yet' eb' a niwc a tzb'eyi. A pax tzalni, yic tztacj chan̈ eb' lum lum yax sat, atn lum Basán, lum jolm witz Carmelo, yet' lum Líbano, atn lum 'aj 'ay te nichte' wan laj stacj 'ejm lojljoc.

Habacuc 3:2

Mamin Jehová, a wal yic tzwab'n yab'xil smasnil tas tzlaj a b'o', caw wal tzsat in c'ojl yu'uj. B'o tas 'a qui tiempoal tic, 'icha tas a b'ojnac 'a yic pecti cha. Wach'xam 'a scal yowl a c'ojol, palta ch'ox quil tas tz'aj yo'ch a c'ojl 'ayn̈ on̈.

Zacarías 10:11

A yic 'oj 'ec' eb' 'a scal yailal, 'icha to yojl a mar tz'ec' eb', an 'oj wi'l yip a mar cha, ax a Nilo 'oj tup 'ejm a'. 'Oj wac' lajwc 'ejm sb'an̈quinal eb' 'aj Asiria, ax wa'n lajwc pax yopiso eb' yajl yaj 'a Egipto.

Nm 10:9

Toto 'ay junc 'ajc'ojl tzjaw wul yac' owl eyet' 'a sat e lu'um, ax xo tic, yowlal tzex 'el eyac' owl yet'oc. Caw ji'lti tzeyutj eyutz'n q'uen trompeta cha, sec wach' an Jehová e Diosal in tic, 'oj ex in na coti, ax ex in coln 'el 'a eb' 'ajc'ojl tz'ajch 'ayx cha.

Nm 22:32

Yuj cha, xyaln jun yángel Jehová chi 'a 'ixtic: —¿Tas yuj 'ix a mac' no a 'axna chi 'ox 'ejem? An ton 'ix in mac yol a b'e tic, yujto maysch'olnil tas tz'at a nib'j a b'o'.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

Apoc 18:5

Yujto a jun tzo'n̈ smul 'ix cha, caw xq'uib' cha'an̈, masnto xq'uel 'a satchan̈ tic. Ax Dios 'ix nan cot stul 'ix.

A Ch'an̈ B'ab'el Libro Samuel 1:19

Ax 'a junx c'u caw 'ix seb' q'ue wan eb', xleslwi can eb' 'a Jehová, 'ix pax eb' 'a yatut 'a Ramá. Xlajw cha, xway win Elcana chi yet' 'ix Ana cha, 'ix snan cot Jehová tas c'anb'il yuj 'ix 'a 'a.