Gn 6:6 - Chuj San Sebastian Bible

⁶ Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.

Chuj San Mateo Bible

⁶ Yuj chi' ix yala': Octom maj in b'olaj juntzan̈ anima tic. Te ya svab' yuj eb'.

Gn 6:6 Iomraidhean Croise

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

A Ch'an̈ Schab'l Libro Samuel 24:16

Ax yic 'ix ya'n 'at jun ángel sc'ab' 'a yib'n̈ Jerusalén, yic tzya'n lajwc yalni, 'ix cus sc'ojl Jehová yuj tas 'ix yutj cha, yuj cha, 'ix yaln 'a jun ángel wan ya'n lajwc eb' 'anma cha, ¡Colb'xo cha, 'ochn̈ wa'an! xchi Jehová. A 'a ste'lab' trigo win Arauna jebuseo, ata 'ayc' jun ángel cha yic xyaln Jehová cha.

1 Cr 21:15

'Ix schecn cot jun yángel 'a Jerusalén yic tzya'n lajwoc. Palta ax yic xyilni to yelc'ojlal tzlajw 'el yu'uj, yuj cha, 'ix snan sb'a sc'ojl yuj jun yailal cha, 'ix yaln 'ixtc 'a jun yángel wan smilw cham 'anma cha: ¡Colb' cha, 'ochn̈ wa'an! xchi 'a 'a. A jun yángel Jehová cha, ata 'ayc' 'a 'aj wan ste'w trigo Ornán win jebuseo.

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

Salmos 110:4

A Jehová mun slocjnac sb'i yic yalni, yuj cha, may wal b'a'n̈ 'oj sjel snab'en, alb'il can yuj 'ixtic: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi Dios 'a 'a, xchi.

Salmos 119:158

A eb' 'anma chab'sat yaji, caw tu wiln 'och eb', yujto matz yiclj eb' a paxti'.

Salmos 78:40

Til wal 'ejm ma'ix syiclj eb' tas xyal Dios 'a cusltac lu'um, caw 'ix stzuntzj cot eb' yowl sc'ojol.

Salmos 81:13

A eb' in chon̈ab', comnoc xyab' eb' tas xwala; comnoc sb'eylb'ej eb' israel tas xwal 'a 'a.

Salmos 95:10

Chawinc ab'il stzuntzjnac cot eb' 'anma chi wowal, yuj cha, waln 'ixtic: A eb' 'anma tic, chucchc 'aj 'aych snab'en eb', ma'ix ya'ch eb' sc'ojl 'a tas xwac' scuyu'.

Ex 32:14

Xlajw cha, 'ix sjeln Jehová snab'en yic matz satl eb' schon̈b' cha.

Is 48:18

Comnoc wal 'ix eyiclj in checnb'il, toto 'ixta', a e junc'ojlal, caw lajn am tz'aj sq'uib' 'icha a niwc a', ax e tojlal, lajn am 'icha scot b'alb'noc yib'n̈ a mar.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Jeremías 18:7

Q'uinloc an tic, tzin nalb'ej in satn 'el junc nacion̈, mto tzin nalb'ej wi'n 'el junc mach 'a yopiso,

Jeremías 26:19

Toc yuj cha, 'ix milx cham Miqueas yuj win rey Ezequías, yet' yuj smasnil eb' chon̈ab'. A yic eb', to 'ix xiw eb', 'ix leslwi eb' 'a Jehová, sec tz'o'ch sc'ojl 'a eb'. Yuj cha, man̈x 'ic ya' cot Jehová jun yailal tox 'ix alx 'el 'a yib'n̈ eb' cha. Toto an̈ec tic, 'oj qui milc cham Jeremías tic, caw 'oj jawc yailal 'a quib'n̈ec, xchi eb'.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Jl 2:13

Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.

Jonás 3:10

A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.

Malaquías 3:6

An Jehová in tztac' wuj smasnil, may b'a'n̈ tzin jelmji. Yuj cha, ax yin̈tlex Jacob tic, mantzac ex satli.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Ro 11:29

Yujto a tas tzyac' Dios, jun 'ejmn̈ej tzyac'a. Man̈xtzac yij 'ec' jun 'ejm xo. A eb' tzyawtj 'och Dios yico'oc, jun 'ejmn̈ej tzyawtj 'och eb' yico'oc.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

A Ch'an̈ Carta D'a Eb' Hebreo 3:10

Yuj cha, scot wowl 'a eb', waln 'ixtic: A jun tzo'n̈ 'anma tic, chuc 'aj 'aych snab'en eb'. Toxn matz nib'j eb' tzyojquej 'el in b'eyb'al, xin chi.

A Ch'an̈ Carta D'a Eb' Hebreo 3:17

¿Mach eb' 'aj cotnc yowl Dios 'a chawinc ab'il chi tze na'a? Atn eb' 'ochnc smul 'a 'a, schamcn eb' 'a lum cusltac lu'um.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.

A Ch'an̈ B'ab'el Libro Samuel 15:29

Na coti to a Jehová a tz'i'n chan̈ qui chon̈b' tic, caw may 'aj tzyac' 'es, may 'aj tzjel snab'en, yujto man̈ lajnoc yet' 'anma', xchi Samuel.

A Ch'an̈ B'ab'el Libro Samuel 15:35

A yic 'ayt 'ec' Samuel, man̈x 'a 'aj 'ix sayx 'ec' Saúl yu'uj, palta caw 'ochnc scusc'ojlal yu'uj. An̈jtona Jehová caw xcus sc'ojol, yujto 'ix ya'ch Saúl reyl 'a chon̈b' Israel.