Gn 6:2 - Chuj San Sebastian Bible

² Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

Chuj San Mateo Bible

² Axo eb' vin̈ yuninal Dios, ayic ix yilan eb' ix yisil eb' anima chi' eb' vin̈, te vach' yilji eb' ix, ix laj sic'lan eb' vin̈ machtac eb' ix syic' eb' vin̈.

Gn 6:2 Iomraidhean Croise

Gn 12:11

A yic wan sc'och 'a Egipto cha, 'ix yaln 'a Sarai 'ixtic: Ach wistzil, a ticnec 'ay wal jun tas tzin na'a. Ach tic caw wal wach' elxi.

Gn 24:3

tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic.

Gn 26:35

A chawn̈ eb' 'ix tic, xyac' eb' 'ix cus sc'ojl win Isaac yet' 'ix Rebeca.

Gn 27:46

Xlajw cha, xyaln 'ix Rebeca 'a Isaac 'ixtic: —Caw wal tzcus in c'ojl yuj eb' 'ix hitita, eb' 'ix yistzil ni Esaú tic. Yuj cha, toto tzyij sb'a ni Jacob yet' junc eb' 'ix hitita cajn 'a Canaán tic, yel xo am wach' tzin chami, xchi 'ix.

Gn 3:6

'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

Gn 4:26

Ax win Set cha, x'alj jun yunnal, xya'n sb'ic Enós. Atn 'a yic jun tiempoal cha, ata 'ix 'el yich yaln sb'a eb' 'anma 'a Jehová.

Gn 6:1

A yic xq'uib' sb'isl eb' 'anma 'a sat lum lum tic, 'ay yisl eb' x'alji.

Gn 6:3

Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Esdras 9:12

An̈jtona 'ix aln paxi, to a eb' quisl on̈, to matz tac' ca'n yi' sb'a eb' yet' eb' chuc chon̈b'al cha, an̈jtona eb' cunnal on̈ yet' yisl eb', matz tac' yi'n sb'a eb'. May xon b'a'n̈ tztac' qui colwj 'a eb' on̈ sec wach' tz'el'ch eb'. Toto tzqui yiclj jun tic on̈, caw wach' 'oj quel'ch on̈, ax qui c'uxn smasnil tas wach' tz'el 'a sat lum lum tic, ax cactn can lum yico'oc eb' quin̈tl on̈.

Job 1:6

'Ay jun c'ual, xc'och eb' ángel sch'ox sb'a 'a yojltac Jehová, an̈jtona xc'och pax win 'ajc'ojl 'a scal eb', atn win Satanás.

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Ex 34:16

Man̈ eyac' yi' sb'a eb' eyunnal yet' yisl eb', yujto a yic tzlaj ya'noc 'ejm sb'a eb' 'ix 'a sdiosal cha, yic tzleslwi eb' 'a 'a, ax eb' 'ix tz'a'n yac' 'ejm sb'a eb' eyunnal chi 'a jun tzo'n̈ comn dios cha, sec tzleslwi eb' 'a jun xo.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Malaquías 2:11

A eb' 'aj Judá, ma'ix syiclj eb' 'aj 'ix yac' sti 'a sat Dios. Caw 'ix ya'ch eb' smul, yel xo wal tu xyutj sb'a eb' 'a Jerusalén yet' 'a smasnil yol yic Israel. Caw xyixtj 'el eb' scajnub' Dios, atn jun caw chamc'ojlb'il yu'uj. A eb' winac, a jun tzo'n̈ eb' 'ix 'ix tzyal sb'a 'a jun tzo'n̈ sdiosal eb' chuc nacion̈al, a eb' 'ix xyij ewin yistziloc.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

1 Co 7:39

A junc 'ix 'ay yichmil, ya' sb'a pitznto win yichmil 'ix cha, 'icha to jalb'il 'ix yet' win yuj sley Dios. Palta toto tzcham win yichmil 'ix cha, libre tzcanx 'ix. Tztac' tzyij sb'a 'ix yet' junc xo winc 'aj tzcan snab'en, cojxn toto creyente winac.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

Dt 14:1

An̈ec tic, yunnaln̈ec xo Jehová Dios, man̈ ca'c lajwc qui niwnal yuj junc chamnc 'anma', man̈ qui joxlec xil qui jolm 'a snan̈l qui sat.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.