Gn 6:13 - Chuj San Sebastian Bible

¹³ Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

Chuj San Mateo Bible

¹³ Yuj chi' ix yal Dios d'a vin̈aj Noé chi': Toxo ix in na' to ol in satel masanil anima tic. Yujto axon̈ej ixtoj anima sc'ulej eb', yuj chi' ol in satel eb' yed' masanil yolyib'an̈q'uinal tic.

Gn 6:13 Iomraidhean Croise

Gn 49:5

Ach tic Simeón yet' ach Leví, eyu'tac e b'a, a eyamc'ab' yic owal, a 'a maysch'olnil xe c'anlb'ej.

Gn 6:14

A ticnec b'o junc te barco niwquil tz'aji, a te te 'ay stzatjil tza'ch 'a 'a; cuartotac tz'aj yojol, caw wach' tzotej. Tza'ch tzatj 'a 'aj tzchaj sb'a te', tza'ch 'a spatquil, yet' 'a yojol, sec wach' matz 'och a a 'a yojol.

Gn 6:4

A 'a yic jun tiempoal cha, xyij sb'a eb' yunnal Dios yet' eb' 'ix yisl ewin 'anma cha, ax yunnal eb' x'alji, 'ix 'ajx sb'ic eb' Nefilim. Atn wal ta 'ix checlj chan̈ eb' 'anma to caw wal 'ay yip, b'inab'il eb' 'a yic pecti cha.

Gn 7:21

'Ixta 'ix 'aj xcham smasnil 'anma 'ay 'a sat lum lum tic, yet' smasnil no noc', no ch'ic, no cajb'en noc', no calte'al noc', yet' no tzjuc sb'a 'a sat lu'um.

Gn 7:23

Cojxn Noé yet' eb' yico', yet' no noc' 'aych yet'oc, cojxn eb' xcolchji, ax pax jun tzo'n̈ xo eb' 'anma', 'ix lajw 'el eb' smasnil.

Gn 7:4

Yujto yic ucb'ix, ax wa'n cot jun niwquil owl yaxn̈ab' 'a sat lum tic. Chawinc c'u chawinc 'ac'wl 'oj yac'a'. 'Ixta wal 'oj wutc in satn 'el smasnil tas in b'ojnac 'a sat lum lum tic, xchi Dios 'a Noé.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Is 34:1

Ex chon̈ab', nitzc cot e b'a yic tzex 'ab'xni, ex nacion̈ macljec eyab' tas 'oj alxoc. Yab' cab' pax yolyib'n̈q'uinl tic yet' smasnil tas 'ay 'a 'a.

Jeremías 51:13

Ax wal ax tic ex 'aj Babilonia, a 'a sti eb' a niwc a cajn ex, yuj cha, caw wal niwc rico ex. Palta 'ix c'och stiempoal e satl 'a jun 'ejmn̈ej.

Am 3:7

An̈jtona', toto 'ay tas tzb'o Jehová Dios, yowlal tzyalcn 'a eb' schecb' b'ab'el.

Am 8:2

'Ix sc'anb'n 'ayn 'ixtic: —¿Tas tzel Amós? xchi. —Tzwil jun xuc sat 'awb'ente caw 'e'm xo, xin chi 'a 'a. Xlajw cha, xyaln Jehová 'ayn 'ixtic: —A chon̈b' Israel, caw x'e'max yet' smul, yuj cha, man̈x 'oj wac' niwnc'ojlal jun 'ejm xo.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.