Gn 48:5 - Chuj San Sebastian Bible

⁵ Yuj cha, a wal chawn̈ onnal tic x'alj 'a Egipto yic mantzac in jaw 'a tic, wic xon yaj ewinac, 'icha to wunnal tz'ajcn eb', 'icha wal yaj win Rubén yet' win Simeón.

Chuj San Mateo Bible

⁵ Yuj chi', a val chavan̈ uninal ix alji d'a Egipto tic ayic manto in javoc, aton vin̈aj Manasés yed' vin̈aj Efraín, victaxon yaj eb' vin̈, icha vuninal tz'ajcan eb' vin̈, icha val yaj vin̈aj Rubén yed' vin̈aj Simeón.

Gn 48:5 Iomraidhean Croise

Gn 48:1

Jab'nant wal tiempo cha, xyaln eb' yab' José to ya'ay smam, yuj cha x'at José 'at yila'; xyi'n 'at eb' yunnal schawn̈il yet'oc, atn Manasés yet' Efraín.

Gn 48:6

Ax jantcto onnal 'oj 'aljoc 'a ojltac, ecxo 'oj 'aj eb', 'ay yaln eb' yic schan smacl lum 'a eb' yu'tac tic.

Salmos 77:16

Ach in Diosal, a wal yic ach yiln 'och a mar, caw xiw a o'oj, c'uxn 'ix 'ib'x chan̈ a xab'l yich.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Ez 47:13

'Ix yaln Jehová 'ayn 'ixtic: Atn 'a tic 'oj c'och smon̈jonal smacl lum eb' yin̈tl Israel 'oj smacloc, atn lum wa'jnac in ti wa'n 'a eb' e mam eyichm pecti'. Lajnn̈ej tzeyutj e pojn 'ec' lum 'a junjn 'in̈tal. (A eb' yin̈tl José, chac'aj lum yic eb' chi 'oj 'ajxoc.) A jun nacion̈ tic, e macl lum yaji.

Lv 20:26

Ax tic, wach' cab' tzeyutj e b'a 'ayin, yujto an Jehová in tic, caw wach'nn̈ej. An ex in pojcn 'elt 'a scal jun tzo'n̈ xo chon̈ab', sec tzex 'och wico'oc.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

Ef 1:5

Til wal schamc'ojlal 'ayn̈ec. Yuj cha, yictax pecti', snajnac cani, to 'oj on̈ yunnalquec yuj Jesucristo, yujto 'ixta x'el 'a sc'ojol.

A Ch'an̈ Carta D'a Eb' Hebreo 11:21

A Jacob, caw ya'jnac 'och Dios 'a sc'ojol. Yuj cha, a yic wan schami, yaln cani tas jun tzo'n̈ yaxilal 'oj scha junjn eb' yunnal José. Yic yaln sb'a 'a Dios, yem n̈ojn 'a sjolm sc'ococh.

Josué 13:7

A ticnec, pojcn 'ec' lum lum tic 'a eb' b'aln̈e 'in̈tal yet' 'a spacl xo eb' yin̈tl Manasés, xchi Dios 'a Josué.

Josué 14:4

Chapojn̈ x'ajl eb' yin̈tl José, atn eb' yic Manasés, yet' eb' yic Efraín. Ax eb' yin̈tl Leví, may smacl lum eb' scha'aj, cojn jun tzo'n̈ chon̈b' x'ajx 'a eb' yet' 'aj tzwa scajb'en noc' eb' 'a stitc chon̈b' cha.