Gn 48:3 - Chuj San Sebastian Bible

³ Xlajw cha, xyaln Jacob 'ixtc 'a José: —A jun Dios tztac' yuj smasnil, a xch'ox sb'a 'ayn 'a chon̈b' Luz, 'a yol yic Canaán, xyaln wach' paxti 'a wib'an̈.

Chuj San Mateo Bible

³ Ix yalan vin̈ icha tic: —A Dios Syal Yuuj Masanil, a' ix sch'ox sb'a d'ayin d'a chon̈ab' Luz, d'a yol yic Canaán. Ata' ix yal vach' lolonel d'a vib'an̈, ix yalan icha tic:

Gn 48:3 Iomraidhean Croise

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 17:6

Niwn 'oj 'ajl en̈tl wu'uj, 'oj 'och eb' nacion̈al. A 'a scal en̈tl cha, ata 'oj 'eltoc eb' rey.

Gn 28:3

Ax Dios tztac' yuj smasnil, a 'oj yac' syaxilal 'a eb'an̈, til wal 'oj 'aj 'el'ch sb'isl en̈til. A 'a scal eb', ata niwn nacion̈ 'oj 'eltoc.

Gn 48:2

A yic 'ix alx yab' Jacob chajtlto tox xc'och José 'at yila', yuj cha 'ix yac' to wal yip sq'ue wan wocn 'a sat sch'at.

Gn 49:25

Yuj wal dios 'a in Diosal tzach colni, atn jun tztac' yuj smasnil, a tz'a'n syaxilal 'a eb'an̈, atn n̈ab' tzcot 'a satcha'an̈, sb'al sat a lu'um, yic tzq'uib' onnal yet' yic tzq'uib' pax chan̈ a cajb'en noc'.

Ex 6:3

An in ch'oxjnac in b'a 'a Abraham, 'a Isaac yet' 'a Jacob, Dios in, tztac' wuj smasnil. Cojn to ma'ix wac' yojcoc 'el eb' in b'i tic: TO AN JEHOVÁ IN.

Os 12:4

Xya'lj yip yet' jun ángel, masnto xyac' ganar. 'Ix 'oc' Jacob, 'ix sc'ann swach'c'ojlal jun ángel chi 'a yib'an̈. A 'a Bet-el, ata sch'oxjnac sb'a Dios 'a 'a, ata xpaxtin yet' ta'.

Apoc 21:11

Caw tzictzni jun chon̈b' chi yuj sacq'uinlal Dios. Caw tzictzni 'icha junc q'uen caw chan̈ stojol, 'icha q'uen jaspe. Lajn yilx yet' junc cristal, tzc'axw 'ec' qui sat 'a spatic.