Gn 48:10 - Chuj San Sebastian Bible

¹⁰ Caw 'ichm winc xo win Israel cha, man̈xtzac stac' wal yilni. Snitzn 'och José eb' yunnal 'a stz'ey smam cha, x'och la'n win 'a ewin 'unn cha, stz'ub'n 'elt win sti eb'.

Chuj San Mateo Bible

¹⁰ Yujto te icham vinacxo vin̈aj Israel chi', maxtzac yal-laj yilan vin̈. Yuj chi' ix nitzchajcot eb' vin̈ yuj vin̈aj José chi' d'a stz'ey vin̈. Ix och lac'lac' vin̈ d'a eb' vin̈, ix tz'ub'jielta sti' eb' vin̈ yuj vin̈.

Gn 48:10 Iomraidhean Croise

Gn 27:1

'Ix 'ec' tiempo, 'ix 'och win Isaac 'ichm wincal, man̈xtzac stac' yiln winac. 'Ay jun c'ual, 'ix yawtn cot Esaú atn win sb'ab'l 'unnal xyaln 'a 'ixtic: —¡Ach wunnal! xchi 'a winac. —¿Tas tzal 'ayn mamin? xchi 'a smam cha.

Gn 27:27

'Ix snitzn 'ochch sb'a Jacob chi 'a stz'ey smam cha, yic tz'ub'n 'elt sti cha, ax Isaac su'lni spichl win yunnal cha. Xlajw cha, xyaln can jun tzo'n̈ swach' paxti tic 'a yib'n̈ win 'ixtic: N', atn wal sjab' ni wunnal tic. Lajn wal sjab' ni 'icha te snich te', te 'ay 'a scaltcte to 'ac'b'il yaxilal 'a yib'n̈ yuj Jehová.

Gn 31:55

Ax yic sacb'el 'a junx c'u, 'ix q'ue wan win Labán, stz'ub'n can 'elt sti eb' 'ix yisl cha, yet' eb' yixchiquin; xyaln can wach' paxti 'a yib'n̈ eb', 'ixta to b'i'an xmeltzj 'a slu'um.

Gn 45:15

'Ix stz'ub'n 'elt José sti jun tzo'n̈ xo eb' yu'tac cha, 'ix 'oc' pax 'a yic la'n 'och 'a eb'. Xlajw cha, ste'wtzan sb'a ewin yu'tac chi spaxtin yet'oc.

Gn 48:11

Xlajw cha, xyaln Israel 'ixtc 'a José: —Caw man̈xtzac in na'a toto 'oj ach wilx to 'ochi, palta a Dios 'ix 'a'n wilch can eb' onnal tic, xchi.

Gn 48:8

A yic xyiln 'och Jacob eb' yunnal José schawn̈il, sc'anb'n 'a win 'ixtic: —Ax ewin tic, ¿mach ewinac? xchi.

A Ch'an̈ B'ab'el Libro Yic Yab'ixal Eb' Rey 19:20

Yuj cha, 'ix yactn can Eliseo e no wacx cha, 'ix 'och tza'n yuj Elías, 'ix yaln 'ixtic: —'Ac' in permiso yic tz'at walcn in b'a 'a in mam in nun, tzin tz'ub'n can 'elt sti eb', tzlajw cha, tzin 'at et'oc, xchi. Xta'w Elías 'ixtc 'a 'a: —Tztac' tzach 'ati, palta tza na cot tas 'ix in b'o et'oc, xchi.

Ec 12:3

'Ay jun c'ual, a e c'ab' tzex coln ticnec, 'oj 'ibxoc cha'an̈. A e yoc to caw 'ay yip, 'oj 'el yip. Man̈x 'a pax e ye 'oj eyac' cach'nc tas tze c'uxu, ax yoch pax 'a e sat.

Is 59:1

A tzeyutj e nani to x'el yip Jehová, man̈xtzac stac' on̈ scolni. Tze nan paxi tecn to x'och chacn̈il yuj cha matz yab' tas tzeyal 'a 'a.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Dt 34:7

'Ay 120 ab'il sq'uinl Moisés yic 'ix chami, wach' to yilni, 'ayt pax yip.

A Ch'an̈ B'ab'el Libro Samuel 3:2

Palta ax x'aji, 'ix syam 'och sjuw yol sat Elí cha. Man̈xtzac stac' yilni. 'Ay jun 'ac'wal waync 'a yol scuarto.

A Ch'an̈ B'ab'el Libro Samuel 4:15

Ax win Elí cha, 'ayx 98 ab'il sq'uinal, 'ochnc xo pax 'a sat, man̈xtzac uj xon yilni.