Gn 42:6 - Chuj San Sebastian Bible

⁶ Ax José yajl yajch 'a Egipto cha, a tz'a'n 'elt 'ixm trigo 'a eb' manwjum tzlaj c'ochi. A yic xc'och eb' yu'tac 'a yojltac, x'em n̈ojn eb', masnto squil 'ejm eb' snan̈l sat 'a sat lu'um.

Chuj San Mateo Bible

⁶ A vin̈aj José yajal yaj d'a yol yic Egipto chi', a vin̈ tz'ac'anelta ixim trigo d'a eb' manvajum sc'och chi'. Ayic ix c'och eb' yuc'tac vin̈ chi' d'a yichan̈, ix em n̈ojjab' eb' vin̈ d'a sat luum.

Gn 42:6 Iomraidhean Croise

Gn 18:2

ax xyilni lin̈n 'ec' 'oxwn̈ winc 'a yojltac 'ati. A yic 'ix yiln cha, yajn̈j wal cha, 'ix 'at win 'at scha eb' muc'uc. Xlajw cha, x'em n̈ojnjoc win 'a sat lum 'a yojltac eb'.

Gn 19:1

Ax yic wan sq'uic'b'i, 'ix c'och eb' ángel schawn̈il 'a Sodoma. Ax Lot wocn 'ejm 'a spuertail sti chon̈ab'. 'Ix yiln sb'a 'a eb', xq'ue wa'an, x'at schanc eb'. 'Ix 'em n̈ojn 'a yojltac eb' 'a sat lu'um.

Gn 33:3

Yajn̈ej xb'ab'lj Jacob 'a yojltac eb' 'ix, uc 'ejm x'em n̈ojan masnto xjaw 'a yojltac jun yu'tac cha.

Gn 41:43

Xlajw cha, xchecx q'ue José chi 'a yojl jun schab'l scaruaje win rey cha. 'Ix pechx 'el eb' 'anma 'a yol sb'e yic tz'ec' 'a sat eb'. 'Ixta x'aj José chi sq'ue'ch can 'a yopiso 'a sat smasnil eb' 'anma 'a yol yic Egipto.

Gn 41:54

Xlajw cha, 'ix schan 'el yich uque ab'il niwquil wejel. 'Icha wal yutjnac José yalni, 'ixta 'ix 'aji. 'Ix jaw wejl 'a smasnil nacion̈ 'ay 'a sla'nil Egipto, ax 'a yol smacb'en, 'ay tas tzc'ux eb' 'anma'.

Gn 41:57

Smasnil eb' 'anma 'a jun tzo'n̈ xo nacion̈, xc'och eb' manj trigo 'a José 'a Egipto, yujto smasnil xoj lugar 'aj 'ay wejel, man̈x 'a tas wach' sc'uxn eb' 'anma cha.

Gn 44:14

'Ayt 'ec' José 'a yatut yic xc'ochx win Judá yet' eb' yu'tac cha, x'em n̈ojnjoc eb' 'a yojltac José masnto 'a sat lu'um.

Gn 45:26

A yic xjaw eb' 'a smam cha, xyaln ewin 'a 'a, chajtlto 'ayc' win José, yajl yaj win 'a smasnil yol yic Egipto. Caw sat sc'ojl win Jacob yab'ni, matz ya'ch 'a sc'ojol, 'a tas tzyal ewinac.

Gn 45:8

Yujto 'ixta 'ix yutj Dios in schecn cot can 'a jun lugar tic, man̈oc ex in eya'cn coti. A Dios in 'a'n 'och 'ajnab'enal 'a win rey, yic tzwa'n yajlil 'a smasnil tas 'a yatut, yet' 'a smasnil yol yic Egipto tic.

Gn 48:12

Xlajw cha, xyi'n 'elt José ewin 'a scal yoc smam cha, x'em n̈ojnjoc, squiln 'ejm snan̈l sat 'a sat lu'um.

Pr 11:26

A eb' ton̈j tzmol strigo, caw tu tzyal eb' 'anma 'a eb'; ax eb' tzchon̈n 'ixim, caw tzalx eb' wach'il.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.

A Ch'an̈ B'ab'el Libro Samuel 20:41

Cojnn̈ej x'atcn win quelm cha, 'ix 'elt David chi 'a yen̈l q'uen q'uen cha. 'A yic x'elt cha, 'ix 'em n̈ojnjoc 'a yojltac Jonatán 'ox'ejem, masnto x'emch snan̈l sat 'a sat lu'um. Xlajw cha, stz'ub'lan 'elt eb' sti', 'ix 'oc' eb' schawn̈il, ax David caw 'ix 'oc' si'mb'il.