Gn 4:4 - Chuj San Sebastian Bible

⁴ 'Ixta pax win Abel, 'ix yij 'at pax win xajmb'al 'a Jehová, atn e no sb'ab'l yune scalnelu winac, e no caw wal b'aq'uech. 'Ix schaj sc'ojl Jehová win Abel yet' xajmb'al.

Chuj San Mateo Bible

⁴ Ix yic'anpaxb'at silab' vin̈aj Abel chi' d'a yichan̈ Jehová, aton noc' b'ab'el yune' calnel, noc' te b'aq'uech. Ix stzalaj Jehová yed' vin̈ yed' silab' ix yac' chi'.

Gn 4:4 Iomraidhean Croise

Gn 15:17

A yic 'ac'wl xo, 'ix sch'oxn sb'a jun niwquil c'ac', caw niwquil sq'ue wan stab'il, tzictzni yel snich. Tz'ec' 'a scal snan̈l schib'jal e no noc' tzuc'b'il cham cha.

Gn 4:3

'Ix b'ey tiempo, 'ay jun c'ual, 'ix yij 'at Caín xajmb'al 'a Jehová, atn tas tzyij 'a smunljel.

A Ch'an̈ B'ab'el Libro Yic Yab'ixal Eb' Rey 18:24

Tzlajw cha, tzeyawtn sb'i e diosal cha, an xo, 'oj wawtc pax sb'i Jehová; a junc Dios yajn̈ej tzya'n cot c'ac' 'a yib'n̈ no xajmb'al cha, atn jun cha, caw yel Dios ton b'i'an, xchi 'a eb' 'anma cha. —Caw wach' ton 'ixta', xchi eb' 'anma chi smasnil.

A Ch'an̈ B'ab'el Libro Yic Yab'ixal Eb' Rey 18:38

Xlajw cha, 'ix cot jupnjoc c'ac' 'a satchan̈ yuj Jehová. 'Ix tz'a no xajmb'al, te c'atzitz, q'uen q'uen cha, man̈x 'a jac spoccal xcani. 'Ix tup pax chan̈ a a 'ay 'a yol san̈ja cha.

1 Cr 21:26

Axta sb'o chan̈ jun yet'l xajmb'al chi 'a Jehová. Ata 'ix yac' xajmb'al to tz'a smasnil, yet' xajmb'al yic junc'ojlal. 'Ix leslwi 'a Jehová. 'Ix ta'w 'a 'a, yuj cha, xya'n cot c'ac' 'a satcha'an̈, 'ix 'ejm 'a yib'n̈ jun no xajmb'al cha.

2 Cr 7:1

A yic 'ix lajw sleslwi Salomón, 'ix cot c'ac' 'a satcha'an̈, 'ix tz'a xajmb'al to tz'a smasnil yet' jun tzo'n̈ xo xajmb'al. Caw 'ix macchj 'el yol yatut Jehová chi yuj stzictznial,

Salmos 20:3

sna cab' cot smasnil ofrenda, scha cab' sc'ojl a xajmb'al tzac' tz'a'oc.

Ex 13:12

a yic cha, 'oj qui pojc 'el eb' qui b'ab'l winc 'unin, yet' no sb'ab'l 'une no qui cajb'en noc', atn no smam, yujto yic Jehová yaj eb'.

Pr 3:9

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Nm 16:15

Yuj cha, 'ix cot yowl Moisés, 'ix yaln 'ixtc 'a Jehová: —Man̈ a cha yofrenda jun tzo'n̈ winc cha. An tic may tzwutj ewinac, may 'aj xwij 'ec' junc sb'uru ewinac, xchi.

Nm 16:35

An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Nm 18:12

An̈jtona', an Jehová in, an tzwac' pax sb'ab'l sat 'awb'en 'ayach, atn jun tzo'n̈ tzyac' eb' israel 'ayn 'a junjn ab'il: Atn aceite caw wach', yal uva caw wach' yet' 'ixm trigo.

Nm 18:17

Palta man̈ a cha jelxc sb'ab'l 'une no wacax, no calnelu yet' no chiwo. Yujto a jun tzo'n̈ noc' cha, to wic yaji. Yowlal tza mil cham no', tza secn q'ue schic'l no 'a yib'n̈ yet'l xajmb'al, ax xepual no', tza n̈us tz'a 'a wojltac, yujto su'q'ui sjab' tzwab'i.

A Ch'an̈ Carta D'a Eb' Hebreo 11:4

A Abel, caw ya'jnac 'och Dios 'a sc'ojol. Yuj cha, a jun xajmb'al ya'jnac 'a Dios, caw wach' 'a yib'n̈ yic win Caín. Yuj cha, yaljnac Dios yu'uj, to wach' 'a sat, yujto caw xchaj jun xajmb'al cha. Wach'xam chamnc xo winac, palta 'icha to an̈ja tzat yal 'ayn̈ec, yujto ya'jnac 'och 'a sc'ojol.

A Ch'an̈ Carta D'a Eb' Hebreo 9:22

Tztac' calnec, to yuj jun ley cha, yowlal tzsacb'tzax smasnil tas yet' chic'. May junc mach tzlajw can smul, toto may chic' tz'el yuj smul cha.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Jueces 6:21

Ax jun yángel Jehová cha, 'ix stecn 'och sn̈i sc'occh 'a no chib'j cha, yet' 'a 'ixm pan may yich. Yajn̈j wal cha, 'ix pitzw chan̈ c'ac' 'a yib'n̈ q'uen q'uen cha. Xtz'a no chib'j chi smasnil, yet' 'ixm pan may yich cha. Ax jun yángel Jehová cha, wal 'a yajn̈ej 'ix satchan̈ 'a yojltac winac.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.