Gn 4:22 - Chuj San Sebastian Bible

²² Ax pax 'ix Sila, 'ix 'alj pax jun swinc 'unin, Tubal-caín xyac' eb' sb'ioc. A win cha tenm q'uen winac, sb'o yamc'ab' yet' q'uen bronce yet' q'uen hierro. 'Ay pax jun yanb' winac Naama sb'i.

Chuj San Mateo Bible

²² Axo ix Zila chi', ix aljipax jun yune' ix, vinac unin, Tubal-caín ix sb'iej. B'oum q'ueen ix aj vin̈. Ay tas ix sb'o vin̈ d'a q'uen bronce yed' d'a q'uen hierro. Ay jun ix yanab' vin̈ scuchan Naama.

Gn 4:22 Iomraidhean Croise

Gn 4:21

A Jabal, 'ay jun yu'tac Jubal sb'i. A win cha, b'ab'l yucm arpa, 'utz'm pax 'amay.

Gn 4:23

'Ay jun 'el, 'ix yal Lamec 'a eb' 'ix yistzil 'ixtic: Ex wistzil, ach Ada yet' ach Sila, 'ab'c tas 'oj wala': 'Ix in mil cham jun win quelem, yujto in lajw in sma'ni.

2 Cr 2:7

Ax ticnec, chec cot junc winc tztac' sb'on 'och yechl tzann̈j tas, jeln cab' smunlj 'a q'uen oro, plata, bronce, mto hierro, yet' 'a te ch'al púrpura, te chac, te q'uic'mucnac yilxi. A 'oj colwjoc yet' eb' to cuywjum 'a jun tzo'n̈ cha, atn eb' 'ay 'a Judá yet' 'a Jerusalén tic. A eb' cuywjum cha, sic'b'il can 'och eb' yuj in mam.

Ex 25:3

A tas 'oj yac' eb' cha, atn jun tzo'n̈ tic: q'uen oro, q'uen plata, q'uen bronce, te q'uic'mucnac ch'al, te púrpura, te chac, te lino caw wach', no xil chiwo, stz'umal calnelu chac yaj sb'o'i, no tz'um caw tzlab'b'i, te acacia, aceite yic te olivo tzc'anx 'a cantil, perjuma tzc'anx 'a junc tas tz'ochcn wico'oc, incienso su'q'ui sjab', eb' q'uen cornalina yet' jun tzo'n̈ xo eb' q'uen q'uen wach' yilxi, atn eb' q'uen tz'och yelwnub'loc te camx tzcuch efod 'icha chaleco yet' te smacl sn̈i sc'ojl win sat ya'mal 'och sti eb' 'anma 'ayin.

Nm 31:22

A smasnil tas matz tz'a yuj c'ac', 'icha q'uen oro, plata, bronce, hierro, estaño yet' plomo, yowlal tz'ec' 'a scal c'ac'. Tzlajw cha, tzb'icx pax yet' a a tzsacb'tzan junc tas. A pax tas c'un stz'a'i, cojn yet' a a chi tzb'icx 'eli.

Dt 33:25

Wach' cab' smac yatut eb'. A cab' q'uen hierro, mto q'uen bronce 'aych smacoc. 'Ay cab' yip eb' yic te'n sq'uinl eb'.

Dt 8:9

A 'a jun lugar cha, may tas 'oj e na yuj tas tze c'uxu, may pax tas 'oj e na yuj junc xo tas. A 'a scal q'uen q'ue'en, ata 'oj 'ilchjoc q'uen hierro eyu'uj, ax 'a eb' lum jolmctac witz, ata 'oj eyic' 'elt q'uen cobre.