Gn 4:17 - Chuj San Sebastian Bible

¹⁷ 'Ix yi'n sb'a Caín yet' yistzil, scuchn chan̈ 'ix jun yune', ax yic x'alj jun 'unn cha, xya'n eb' sb'ic Enoc. 'Ix sb'on Caín jun chon̈ab', xya'n sb'ic Henoc, 'icha sb'i yunnal cha.

Chuj San Mateo Bible

¹⁷ Ix yil-lan sb'a vin̈aj Caín yed' ix yetb'eyum, ix och ix yab'ixal. Ix alji jun yune' ix, Enoc ix sb'iej. Ix sb'oan jun chon̈ab' vin̈aj Caín chi', axo sb'i yuninal vin̈ chi' ix yac'och sb'ioc.

Gn 4:17 Iomraidhean Croise

Gn 11:4

Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

Gn 4:16

Xlajw xoj cha, 'ix 'el Caín 'a 'aj xpaxtin yet' Jehová, axta xc'och cajn 'a jun lugar Nod sb'i, ata 'ay 'a stojlal 'aj tzq'uel c'u 'a Edén.

Gn 4:18

A Henoc, smam Irad, ax Irad smam Mehujael, ax Mehujael smam Metusael, ax Metusael smam Lamec.

Gn 5:18

A Jared 162 ab'il sq'uinal yic 'ix 'alj jun yunnal Enoc sb'i. A win Jared, wajxque ciente ab'il to x'eq'ui, 'ayt eb' yunnal yet' eb' yisl 'ix 'alji. A smasnil sq'uinl win Jared, 962 ab'il xyila, xlajw cha xchami.

A Ch'an̈ Schab'l Libro Samuel 18:18

A yic pitznto Absalón, 'ix ya'n b'o jun munamento 'a jun pan̈n 'a'lic yic eb' rey. A sb'i xya'ch 'a 'a, yujto may junc yunnal tz'a'n b'inaxc sb'i. A jun cha, checlto yaj ticnec. A jun munamento yic Absalón, xchi eb' 'anma 'a 'a.

Salmos 49:11

Wach'xam niwn lum lu'um tzman eb' yico'oc, palta nab'an̈ej. A 'aj mucn eb', ata 'ayc'n̈ej eb' 'a jun 'ejmn̈ej. Smasnil tiempo 'oj can eb' ta'

Salmos 49:12

An̈ 'anman̈ec tic chamlb'a cajec, wach'xam caw rico on̈ec, palta lajnn̈ej 'oj cajc qui cham 'icha tz'aj scham no noc'.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.