Gn 4:12 - Chuj San Sebastian Bible

¹² A yic 'oj a munlj 'a sat lum lum tic, may jac 'oj ec' 'a sat lu'um, ma'oj elj xon jab'oc, ton̈j 'oj a satc' 'a sat lum lum tic, ya' sb'a 'aych 'ec' 'a yolyib'n̈q'uinl tic, xchi 'a winac.

Chuj San Mateo Bible

¹² Ayic ol ach munlaj d'a sat luum, malaj jab'oc tas ol ic'a', ton̈ej ol ixtej a b'a, ton̈ej ol ach comon b'eyec' d'a sat luum, xchi Dios d'a vin̈.

Gn 4:12 Iomraidhean Croise

Gn 4:13

Yuj cha, xta'w Caín 'ixtc 'a Jehová: —Caw niwquil yailal jun xcotcn 'a wib'n̈ tic, caw wal ma'oj techjoc wu'uj.

Gn 4:14

'In to tzin ej can 'el 'a sat lum lum tic, tzin c'ub'n 'el in b'a 'a ojltac, toxn̈ej 'oj in satq'ui. Yaln̈j mach 'oj wilchj yu'uj, ax in sma'n chamoc, xchi winac.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Salmos 109:10

Stitc n̈a cab'n̈ej 'aj 'oj 'ec' eb' yunnal sc'an jac tas tzc'uxu. Pechx cab' 'el eb' 'a 'aj juwnac can yatut cha.

Pr 28:17

A mach tz'och smul smiln cham yit 'anma'il, man̈x cab' 'och wan 'a yet'ul, masnto tzc'och 'a 'aj 'ay sjul-l eb' chamnc 'anma'; may cab' mach tzyamn 'och wa'an.

Os 9:17

A jun chon̈b'al eb' 'anma tic, jun 'ejmn̈ej caw matz chaj xon eb' yab' tas tzyal in Diosal. Yuj cha, 'oj patquilx can 'el eb' yu'uj, toxn̈ej 'oj satc' eb' 'a scal jun tzo'n̈ xo nacion̈.

Jl 1:10

Caw xjuw 'el yilx smasnil lugar, 'icha to 'aych lum lum tic 'a cusc'ojlal. Xlajw 'ejm 'ixm trigo, xtacj 'el te uva, xtacj pax 'el te olivo.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Lv 26:20

Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Ro 8:20

Yujto a jun tzo'n̈ tas sb'ojnac Dios, c'uxn juwnac xo, man̈x 'a swach'il. Man̈ munoc sjujnac sb'a 'ixta', yujto a Dios 'a'jnac juwoc. Palta 'ay wal jun tiempoal tan̈b'il sjawi,

Dt 28:15

Palta toto ma'oj eyiclc smasnil schecnb'il yet' sley Jehová qui Diosalec, atn jun tzo'n̈ wan waln 'ayx tic, to 'ixta', 'oj jawc wal jun tzo'n̈ scatb' 'a eyib'an̈: