Gn 39:8 - Chuj San Sebastian Bible

⁸ Palta ma'ix yal sc'ojl José, yuj cha, 'ix yaln 'ixtic: —Ma'ay, ojc ach tic to in ya'cn 'och win echmil yilmalc smasnil tas 'ay 'a tic; yujto an 'ayn can yuj win 'a tic, yuj cha, may tas tzna yuj tas 'ay 'a 'a.

Chuj San Mateo Bible

⁸ Te maj schalaj sc'ol vin̈aj José tas ix yal ix chi'. Ix yalan vin̈ icha tic: —Maay, ojtac ach tic to ix in yac'och vin̈ etb'eyum stan̈vumaloc masanil stastac d'a tic. Ina man̈xo jab'oc tas sna' vin̈ yuj masanil stastac yacb'an ay in eq'ui.

Gn 39:8 Iomraidhean Croise

Gn 39:23

Man̈x 'a jac tas tzna win tan̈m preso cha, yic tzya'n cuenta win eb' 'aych 'a preso, yujto 'aycn 'och eb' smasnil 'a yol sc'ab' José. 'Aych Jehová yet' José, yuj cha, caw wach' x'aj 'el'ch smasnil tas tzb'o'o.

Gn 39:4

Yuj cha, caw wach' xcan win 'a sat win capitan̈ cha, xya'n 'och win mayltomail win 'a yatut. A smasnil tas 'ay 'a winac, xcan 'a yol sc'ab' José.

Pr 1:10

Toto a eb' maysch'olnil sb'eyb'al, tznib'j eb' tzach smontj 'at yet'oc, man̈ a cha ab' tas tzyal eb'.

Pr 18:24

'Ay eb' caw niwn eb' swach'c'ojl yalni, ax yic tzjaw yailal 'a yib'n̈ eb', toc 'ay mach tzcoln eb'; palta 'ay pax eb' 'ay swach'c'ojol, yel xo wach' eb' 'a yib'n̈ eb' to yu'tac sb'a yet' eb'.

Pr 2:10

A yic 'oj jelnb'oc a nab'en, caw 'oj a tzalj yu'uj.

Pr 22:14

A spaxti junc 'ix 'ix tzmuln 'a yol sc'ab' yichmil, lajn spaxti 'ix 'icha xab'l yich junc jul, ata tz'atcn eb' tzcatb'tzax yuj Jehová.

Pr 6:29

'Icha jun tzo'n̈ tic, 'ixta tz'aj junc mach tzmuln yet' yistzil junc xo winac, yowlal tzjaw yailal 'a yib'an̈.

Pr 7:5

'Ixta 'oj aj a colchj 'el 'a yol sc'ab' 'ix 'ajmul 'ix, atn 'ix 'ay yichmil, 'ix to man̈x jantcoc sja'l smontn paxtinc sb'a.