Gn 39:6 - Chuj San Sebastian Bible

⁶ X'ochcn José yilmalc smasnil, man̈x 'a junc tas tzna win Potifar, cojxn tas tzna'a to si'lj tas tzc'uxu. Caw wal wach' yilx 'och José, wach'n̈j 'a smasnil.

Chuj San Mateo Bible

⁶ Ix cann̈ej vin̈aj José chi' stan̈vumaloc smasanil, yuj chi' man̈xalaj tas ix sna' vin̈aj Potifar chi', palta an̈ej tas tz'aj sb'o svael vin̈ syila'. Te vach' yilji vin̈aj José chi', te vach' pax snivanil vin̈ smasanil.

Gn 39:6 Iomraidhean Croise

Gn 29:17

A 'ix Lea cha, 'icha yilx xon eb' 'ix 'ix, 'ixta yilx 'ix, cojn yol sat 'ix caw wach' yilxi, palta ax pax 'ix Raquel, caw wach' yilx sniwnal 'ix smasnil.

Gn 39:23

Man̈x 'a jac tas tzna win tan̈m preso cha, yic tzya'n cuenta win eb' 'aych 'a preso, yujto 'aycn 'och eb' smasnil 'a yol sc'ab' José. 'Aych Jehová yet' José, yuj cha, caw wach' x'aj 'el'ch smasnil tas tzb'o'o.

Gn 39:4

Yuj cha, caw wach' xcan win 'a sat win capitan̈ cha, xya'n 'och win mayltomail win 'a yatut. A smasnil tas 'ay 'a winac, xcan 'a yol sc'ab' José.

Gn 39:8

Palta ma'ix yal sc'ojl José, yuj cha, 'ix yaln 'ixtic: —Ma'ay, ojc ach tic to in ya'cn 'och win echmil yilmalc smasnil tas 'ay 'a tic; yujto an 'ayn can yuj win 'a tic, yuj cha, may tas tzna yuj tas 'ay 'a 'a.

Gn 43:32

Jun smexa José 'aj xwa sch'ocoj, chuc junx mexa 'aj xwa ewin yu'tac cha. Chuc pax junx mexa 'aj xwa ewin 'aj Egipto, ewin tzwa xon yet' José cha, yujto a ewin 'aj Egipto cha, 'ay yowlal toto junn̈j tzwa ewin yet' ewin hebreo.

Pr 31:11

Caw wal yipc'ojlal yaj 'ix yuj yichmil, may 'aj tzap tas 'ay tz'och yuj 'ix 'a yet'ul.

Lc 16:10

A eb' tojl tzyutj sb'a yet' jac tas tz'ajx 'a 'a, an̈jtona', wach'xam niwn tas 'oj 'ajxc 'a eb', tojl 'oj yutcn̈ej sb'a eb' yet'oc. Ax eb' man̈ tojloc tzyutj sb'a yet' jac tas tz'ajx 'a 'a, an̈jtona', wach'xam niwn tas 'oj 'ajxc 'a eb', man̈ tojloc 'oj yutc pax sb'a eb' yet'oc.

Lc 19:17

Yuj cha, xyaln win 'a 'a: Wach' jun, ach tic caw wach'ch 'ayin. Wach'xam jab' xwac' 'ayach, palta tojl xotj a nab'en yet'oc, yuj cha, tic tzwa'ch opiso gobernadoral 'a lajn̈e chon̈ab', xchi win 'a 'a.

A Tas Sc'ulejnac Eb' Schecab' Jesús Hechos 7:20

Atn 'a yic jun tiempoal cha, 'ix 'alj Moisés. Caw wach' 'a sat Dios. 'Oxen̈ej 'uj 'ix q'uib'tzax yuj smam snun 'a yol yatut.

A Ch'an̈ B'ab'el Libro Samuel 16:12

Yuj cha, x'at ya'nc Isaí 'at 'awtxoc cot junx win cha. A win cha chacchin yilxi, caw wach' yilx yol sat, caw wach'n̈j yilx 'och sniwnal. Ax yic xjaw winac, xyaln Jehová 'a Samuel 'ixtic: —Atn win tic; 'ac' q'ue aceite 'a sjolm winac, xchi.

A Ch'an̈ B'ab'el Libro Samuel 17:42

A yic xyiln win filisteo chi David, to chacchin yilxi, caw wach' pax yilx 'ochi, palta caw may jac yel'ch 'a winac yujto quelm 'unnto.