Gn 34:1 - Chuj San Sebastian Bible

¹ Ax 'ix Dina, 'ix yune 'ix Lea yet' Jacob, x'at 'ix b'eyc'oc 'a scal eb' 'ix cob'stac 'ix 'a jun lugar cha.

Chuj San Mateo Bible

¹ A ix yune' ix Lea yed' vin̈aj Jacob, aton ix Dina, ix b'at ix paxyal d'a scal eb' ix ix d'a Siquem chi'.

Gn 34:1 Iomraidhean Croise

Gn 26:34

Chawinc ab'il sq'uinl Esaú yic xyi'n sb'a yet' 'ix Judit, 'ix yisl win Beeri hitita, xyi'n pax win 'ix Basemat, yisl pax junx win hitita win Elón sb'i.

Gn 27:46

Xlajw cha, xyaln 'ix Rebeca 'a Isaac 'ixtic: —Caw wal tzcus in c'ojl yuj eb' 'ix hitita, eb' 'ix yistzil ni Esaú tic. Yuj cha, toto tzyij sb'a ni Jacob yet' junc eb' 'ix hitita cajn 'a Canaán tic, yel xo am wach' tzin chami, xchi 'ix.

Gn 28:6

Ax yic xyiln win Esaú to wan yaln Isaac wach' paxti 'a yib'n̈ Jacob, schecn can 'at 'a Padan-aram, sec ata tz'och yistzil ta'. An̈jtona', 'ix yil paxi to a smam, a yic xyaln can swach' paxti cha, xya'n yojcoc can 'eli to matz tac' yi'n sb'a Jacob yet' eb' 'ix 'ix 'a Canaán cha.

Gn 30:13

Xyaln pax 'ix Lea chi 'ixtic: Caw wal tzaljc'ojlal wico', 'ay eb' 'ix wit 'ixl 'oj alnoc chajtlto 'ay in tzaljc'ojlal, yuj cha, Aser 'oj sb'ic win 'unn tic, xchi 'ix.

Gn 30:21

Ax 'a yic slajb' xo, x'alj jun yune 'ix, 'ix 'unin, xya'n 'ix sb'ic Dina.

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

Tito 2:5

Yujto a eb' cob'stac 'ix, yowlal tzyac' cuenta sb'a eb'. Yowlal caw tojl tzyutj eb' sb'eyb'al. C'asn cab' tzyutj sb'a eb' ya'n cuenta yol yatut. Caw wach' tzyutj eb' snab'en 'a eb' yit 'anma'il. Tzyiclni pax eb' tas tzyal yichmil. Toto 'ixta tzyutj sb'a eb', ax spaxti Dios, ma'oj b'uchxoc yuj eb'.